السلام عليكم ورحمه الله وبركاته
انا اول مره اشارك بالمنتدي مع اني متابعه دايمه له بس الي دفعني للاشتراك حيرتي واحتياجي لرايكم ومشورتكم ..
انا فتاه في العشرينات اتمتع بقدر كبير من الجمال ولله الحمد تقدم لي خاطب منذ فتره وفيه يحمل نفس المواصفات الي كنت اتمناها ولله الحمد تمت النظره الشرعيه بس ما حسيت باي شي سوا اثناها او بعدها حسيت بس اني مو مستوعبه الوضع وكاني بحلم مع اني استخير بصفه يوميه ،خلال النظره حسيت اني ما اعجبته يمكن لانه ما تكلم معاي بس استغربت انه بنفس اليوم علطول دقوا اهله علي اهلي ....
احنا عايلتنا محافظه جدا وهو طلب انه يكلمني قبل الملكه بمعرفه والدي او اخي وحضوره جانبي اثنا المكالمه ...والان لي شهرين ما كلمني الا مرتين وكلهم مكالمات رسميه جدا جدا فاستغرب ليه طلب الرقم اصلا بصراحه انا مو حاسه ابدا اني احمل له اي مشاعر انا انسانه عاطفيه ورومانسيه وهو عملي لاقصي حد وجدي لابعد درجه .. صفاته مره كويسه والكل يمدح فيه وما فيه شي ينعاب بس في شي بنفسي يقول يمكن اهله يبوني له بس هو يا انا يا اي وحده هو زواج والسلام
الملكه حتكون بعد شهر ان شا الله وكل ما قربت اخاف اكثر
هل شعرتو في فتره الخطبه باي مشاعر تجاه الخطيب/ه وهل الي انا امر فيه طبيعي واحتمال يتغير بعدين بعد الملكه والزواج
يا رب الي يجاوبني ويساعدني الله يرزقه الفردوس الاعلي وييسر امره والله ماانام من كثر الهم والتفكير