السلام عليكم ورحمة الله وبركاته


عندي ولد اخ جايب لي العيد والمصايب

يعني يضرب بنتي ويرميها على الجدران ونصرخ في وجهه ومايفيد معاه

اهله من النوع اللي مايعاقب الطفل اذا غلط

بعطيكم مثال

مرة ولد اخوي الله يهديه كانو الاطفال متجمعين في البيت وجى ودف طفل على زاوية طاولة التلفزيون والطفل انجرح راسة من قوة الضربة وزوجة اخوي ماسوت شي بكل برود قالت ليش سويت كذا هذا بدل ماتقوم وتاخذه لغرفة وتعاقبة على اللي سواه

وبنتي عانت من ضربة لدرجة انه اذا جى شقتي العاب بنتي كلها تتكسر على يده وامه ولا تسوي حاجة في النهايه زوجي تدخل في الموضوع

الشي اللي صار الليله وفجرني ان كنا كلنا بنات العيلة قررنا نطلع فرايديز نتعشى وطلعنا وانبسطنا في طريق الرجعة جلس ولد اخوي جنبي وبدا يلعب ويركز ضرباته كلها في بطني وانا حامل كنت اقوله بهدوء اعقل ولا فاد معها كرر اللي يسويه ورجعت بهدوء قلت له اعقل وبعدها ماتحملت وصرخت بوجهه وهم مافاد معه في النهايه يبقى يتخانق مع ولد اخوي الثاني بالبالونات قلت له لاتسوي فوضى ماشفته الا عطاني كف ولا استحى قلت هذا عقابه لازم يتنفذ وبسرعة جيت سحبت البالونة من عنده ورسلتها لامه وقلت له يالله روح لامك الحين ماشفته الا جته نوبة عصبيه الا يبغى يضربني جيت انا وثبتت يده خلاص طفح الكيل صارت اختي الكبيرة وامه ينادوني ويقولوا لي لاتحرجيه انا ماسمعت كلامها لانه لازم يتعاقب هدا ولد اخوي شوي وتركته ماشفته الا قام فجأه وضرب بنتي في راسها واصرخ عليه واثبت يدينه باقوى ماعندي وهزيته بقوة وقلت له اللي تسويه مع امك مايتفع معاي وتجيه نوبة عصبيه مره ثانيه قامت امه واخيرا تاخذه من يددي وانا مثبتته وهي تقول لي موتشدي على يده كذا !!!! خير ان شاء الله انتي تعاملي مع ولدك باللي يريحك بس انا بسوي معاه اللي يريحني كمان

المشكلة انها مو اول مرة يصير تصادم بيني وبين زوجة اخوي بسبب ولدها ومرة اخوي خانقني بسبب هالموضوع وتدخلوا الاهل وشافوا اني انا الصح

انا الحين متاكدة ان اخوي بيجي بكرة يخانقني وانا اعصابي تلفت وبتخانق معاه عسى الاصوات ترتفع ماهمني بصراحة الى متى هالشي بيتكرر واحنا نطنش على حسابهم

ابغى رأيكم ومشورتكم في هالموضوع؟؟

يستاهل الضرب ما تخافي

ولازم اخوكي يربيه شو يضربك على بطنك وانتي حامل

انا ماضربته انا بس ثبتت يده

وولد اخوي من النوع العنيد ما ادري شلون طالع

زوجة اخوك غلطانة لازم تربي ولدها والولد صغير لايعرف الصح من الخطأ الام هي المسؤولة ولازم تنصحيها ان هذا سيضرها هي الاولى , اما مافعلت انت فعين الصواب حتى يخاف وما يتجرأ على فعل أشياء أخرى وما عليك الا الاستغفار حتى يفهم أخوك ولاتملأ زوجته راسه بالخرابيط والسلام عليكم

أختي كم عمره الولد؟؟؟
المفروض إنه الأهل ينبهووه ويحذروه ويعطونه نوع عقاب لازم يتأدب
بس هو شكله تمادى لإنه مالقى اللي يوجهه للصح
مايصير كذا إحترام الكبير واجب هذا وانتي حامل ويضربك !!

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

الله يهديه ويصلحه
تحياتي ...

__________________

عمر الولد 4 سنوات ونص

انا تعبت واهلي تعبوا وهم ينصحوا


اما اخوي اذا جى عندنا وبدا خناق انا راح اكبر الموضوع ولا راح اهتم بأحد

والله كنت متوقعه الولد أقل شي تسع سنوات هذا توه طفل وتصرفاته كذا أجل وش بيسوي وقت المراهقة الله يعين أهله بكرة يندموا على تربيتهم بس أهم شي ماتسمحي لاحد يضرب بنتك ولازم أمك تنصح أخوك شكله وحيدهم

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

شكل ولد اخوك وحيد اهله او ان امه وابوه راااااخين الحبل وزيااده الغلط رااكب اخوك وزوجته من راسهم لرجولهم لأن شكلهم معتمدين عالتطنيش اللي طايحين فيه الناس هاليومين /بس بقولك :تعوذي من الشيطان واذا جاء اخوك تقهوي معاه وقولي له تخيل انك مكاني وش تسوي؟؟ أهم شي انتي واخوك مايصير بينكم زعل الله يخليكم لبعض وما يفرق بينكم احد

__________________
احبك مووت ياولدي

منذ عام تقريباً حضرنا عرساً .. وعلى الطاولة المجاورة لنا تماماً كان هناك ثلاث أولاد (تقريباً 4 أو 5 سنوات) مع خادماتهم .. والثلاثة تبارك الرحمن فيهم حركة ونشاط وواحد منهم كان فيه عدوانية واضحة جداً يضرب هذا ويركل ذاك .. والخادمات لا يفعلن شيئاً .. وعلى طاولة مجاورة كانت أمهاتهم الفضليات جالسات منشغلات بالعرس ولا يقلن شيئاً لأولادهن.

أزعجونا جداً .. احتملت واحتملت ثم كلمت ذاك الولد العدواني وقلت له: اجلس مكانك على الكرسي والا ترا يا ويلك .. وبالفعل جلس الولد مكانه على الكرسي ولم يتحرك .. بس يطالعني من تحت لتحت

وقلت في نفسي: خلي امه تتكلم والا تفتح فمها وانا بارويها شغلها هي الثانية


ابن جارتنا لسانه فالت بعض الشيء .. كنا في زيارتهم منذ بضع سنوات (كان عمره تقريباً أربع سنوات) .. واثناء جلوسنا دخل علينا المجلس ولا أذكر ما كان يقوله بالضبط ولكنه ختمه بكلمة: (جب)!!!

لم يوجه كلامه لي أنا بالذات ولكنني لم أحتمل .. فما كان مني إلا أن قلت له: شو جب؟!!! .. يالله اطلع برا ويا ويلك لو ترجع هنا مرة ثانية


ابنة إحدى قريباتنا عمرها سنتين .. عدوانية جداً وكلما جاءت عندنا ورأت ابنتي تعضها أو تقرصها أو تشد شعرها .. وأمها الله يهديها في منتهى البرود ولا تقول لها أي شيء .. وفي آخر مرة عضت ابنتي لدرجة أن جرحتها وطلع الدم!! .. فما كان مني إلا قلت لها: إن عضيتيها مرة ثانية باعضج .. ووالله إنني كنت جادة.



الشاهد ..

هناك فرق يا عزيزتي بين الطفل الحركي والنشيط بزيادة وبين الطفل قليل الأدب عديم التربية .. وما يفعله ابن أخيكِ مع احترامي هو قلة أدب .. خاصةً أنه ليس صغيراً لدرجة أنه لا يفهم معنى الأدب والسلوك الحسن (إن وجد من يربيه ويعلمه الأدب).

يا أختي أنا بنتي عمرها الآن سنتان وأعلمها أن تقول (آسفة) إن عملت شيئاً خطأ .. وهذا يضرب ويرمي على الجدار ويدفع على زاوية الطاولة .. بل ويضربكِ كف وهذه لوحدها طامة كبرى .. يعني هو لا يتشطر فقط على الصغار ومن هم في سنه بل مستقوي حتى على الكبار!!!!! .. ولا يجد من يوقفه ويؤدبه!!!

وبعد هذا كله أختكِ وأمه يطلبان منكِ ألا تحرجيه؟!!!!!!!!!!!!

وما دامت أمه فاهمة في التربية وتدرك أن تعنيف الطفل أمام الآخرين يسبب له ألماً نفسياً فكيف تسكت وتتساهل مع سلوكياته هذه دون أن تكون لها نظرة بعيدة وتوقع لما ستكون عليه أخلاقه وشخصيته عندما يكبر أكثر؟!!!


ومع احترامي .. أخوكِ لا يحق له أن يزعل إلا إن كان ممن تأخذهم العزة بالإثم .. والأولى أن يراجع أسلوب تربيته لابنه .. فمصيبة والله أن يكبر الولد على هذه الحال!!

__________________


اللهم طِيبَ الأثر .. وحُسْنَ الرحيل.