تهددنا بالسحر
السلام عليكم ورحمه الله وبركاته
ماعندي أحد الجأ له بعد ربي غيركم .. فعلاً مثل الأخوان وماتقصرون دايم : )
الموضوع طويل ولو آخذ راحتي بالحكي ماراح أخلص
بختصر لكم قد ماأقدر
جدتي امراءه كبيره بالسن ومريضه عايشه مع بنت خالي اليتيمه
طبعاً أمي وخالاتي مو مقصرين معها بشي وأمي مهتمه فيها بشكل كبيره
هي اللي توديها مواعيدها للمستشفى وموفره لها كل اللي تبيه
عندي خال وحيد بس للأسف رامي كل المسؤوليه على أمي ومعتمد عليها بشكل كلي
طبعاً جاب لجدتي خادمه عشان تخدمها خصوصاً ان حالتها تطورت للأسوء
ومن اول ماشفناها ماارتحنا لها سبحان الله .. شكلها وكلامها وهيئتها مو مريحين ابد 
ومع الأيام اكتشفنا أنها من مذهب غير مذهبنا من خلال صلاتها
بدأت مشاكلنا معاها لما كانت بالمستشفى مع أمي وجدتي
شافتها أمي تكلم رجال وتقول له كلام عن جدتي .. انها يعني حرمه كبيره وماتفهم
راحت لها أمي وأخذت الجوال منها وقالت هذي آخرة ثقتنا فيك تكلمين رجاااال !
من يومها وهي حاطه امي براسها و حاقده على الكل بدون استثناء
كنا لما نروح بيت جدتي تدخل غرفتها وتقفل الغرفه وتجلس بالساعات
وماتشتغل أبد .. وربي عايشه زي الملكه وتاخذ الراتب كل شهر من غير ماتشتغل وتتعب
واذا سمعت اصوتنا وحنا نسولف ونضحك تعصب وتنقهر وتحسبنا نتكلم عنها وتلم اغراضها وتطلع من البيت
لبيت خالتي القريب وماترجع الا بعد يومين ثلاثه
طبعاً هي مبسوطه ع الوضع لأنها مرتاحه مافي شغل مافي مسوؤليه .. وراتب ببلاش : ) من قدها
وعلى هالحال الى يومكم هذا .. كل ماتشوفنا تحبس نفسها بالغرفه وياويل أحد يحاول يدخل الغرفه .. حتى لو جدتي
وزياده على كذا صارت تعترف لنا انها تكلم رجال وهم زي الأصدقاء بالنسبه لها .. وان هالشي مو حرام
والمصيبه اننا اكتشفنا اكثر من مره انها تمارس معاهم ......... ع الجوال : (
ومره ناس من الحي اشتكوا عند خالي ان هالخدامه تطلع وتعطي هندي كيس ويتكرر هالشي كثير
عرفنا بعدين انها تهرب له الأكل وكل اللي يحتاجه من بيت جدتي !
أقترحنا على خالي ياخذها لبيته ويخلي جدتي تجي بيتنا وحنا نهتم فيها
اخذها اسبوع وماقدر يتحملها أبد .. زوجته كرهتها وعياله يكرهونها ومايحبون تمسكهم او ياكلون منها شي
هو خاف منها وماعاد ياخذها وصار يسكت على تصرفاتها عشان ماتسوي له او لعياله شي
وجدتي صارت تعطيها فلوس على كل شي تسويه عشان بس تساعدها وتهتم فيها
يعني مستغله جدتي أشر استغلال حسبي الله عليها
صرنا نلاحظ عليها تصرفات غريبه
بكل صلاه .. تحط ملابسها الداخليه بسجادة الصلاه وتلفها اذا خلصت
متخليين انتوا ؟؟؟ يعني تحط قذارتها بسجادة الصلاه !!
وبرضوا نشوفها تهذي بكلام جنبنا بطريقه غريبه
وتطور الموضوع وصارت ت تهدد أنها تسوي سحر وتقولها بصريح العباره .. اذا رحت بسوي لفلانه سحر
تقصد أمي .. قالت هالشي لجدتي ولكل خالاتي
تقول بخليها تكره بيتها وبدمر حياتها !!!!
وحده من خالاتي علاقتها متوتره مع أمي .. وهي من البدايه تتقرب للخدامه وتعطيها فلوس وتجاملها .. خوفاً منها طبعاً
والحين خالتي تحاول تأثر على أمي بكلامها وتقول ترى بتسوي لك سحر وبتذوقين اللي ذقته < لأنها تعبانه وتتعالج بالرقيه ومتهمتنا ومتهمه أمي اننا مسوين لها سحر !!
وتقول اننا نتواصل مع شغالات جدتي اللي قبل عشان يسوون لها سحر !
وصارت تنشر هالخبر للناس وتشوه سمعتنا بكل شي .. حتى بالشرف : (
وترسل رسايل لأمي تدعي فيها عليها وعلينا وان ربي ينتقم لها منا !!
أمي على نيتها قالت ان شاءالله ربي ياخذ حقي وحقكم لأن هذا ظلم والله مايرضى بالظلم
ولأن خالتي هذي اتهمت أكثر من شخص انه مسوي لها سحر .. يعني انسانه مو طبيعيه والله اتمنى ربي يشفيها
المهم الحين كيف نتعامل مع خدامة جدتي لأنها بتسافر يوم الخميس
وحنا مو شاكين .. الا متأكدين انها ناويه على شر
وأنا خايفه مره منها خصوصاً أنها طلبت صوره لي .. وانا رفضت
وش تقترحون علينا نسوي معاها قبل ماتروح : ( ؟
لأن هالموضوع مسبب لنا قلق وخوف مو طبيعي .. ومو مرتاحين
وراح يزيد الخوف اذا راحت : (
__________________
اللهم أنصر المسلمين في كل مكان ♥
التعديل الأخير تم بواسطة Fαtimαh ; 16-04-2011 الساعة 12:12 AM
16-04-2011, 12:10 AM
ضوابط المشاركة
العرض الشجري