السلام عليكم ورحمة الله وبركاته


مساء الخير

يا اخواتي ويا اخواني

الحمد لله ربي اعطاني كثير انا متدينه وموظفه ومواصفاتي الحمد لله كل الرجال يتمنوها

لكن اعيش بمجتمع عنصري

اقاربي مابي اتزوج منهم لان مشاكلهم كثيره وبعد طلاق اختي لما تزوجت منهم شلت هالامر من راسي

غير كذا هم مايناسبونا لهم عادات تختلف عنا وحاسديينا في امور كثيره رغم اننا بعيدين عنهم

ماعندهم تقدير للمرأه

المهم والسبب الاكبر بالرفض انه عيال اعمامي كلهم كبار بالسن ومتزوجين وزوجوا عيالهم بعد

تقدموا لي خطاب كثير مالي صله قرابه بهم وسبحان الله ماتتم الخطبه لاسباب غريبه وتافهه

اما هم ما عاد يسألون او انا ما ارتاح وارفضهم بعد ما استخير

غير كذا عندي اهل مايهتمون لي ولاهم شايلين همي اني كبرت وماتزوجت واذا تقدم اي خاطب الامر عندهم عادي تم الموضوع او ماتم وهذا الي قاهرني

اخواني مالهم دور ومايسألون عن الخاطب اذا تقدم وانا مستحيل اوافق على رجل ما اعرف اخلاقه

وكيف اعرف اخلاقه اذا مافي احد يسأل عنه ؟

سبحان الله قدر الله من كم شهر ان خطابه وصلت لرقمي ومادري بأي طريقه

وكل فتره تجيب لي خاطب والمواصفات الي تعطيني اياها للخاطب كثير ماتطلع صحيحه

رغم اني ما احب اتزوج عن طريق الخطابه تمنيت ان احد يجي يتقدم لي بدون هالطريقه

لان اهل الخاطب الي تجيبه على بالهم اني انا ابحث عن زوج

المهم انها جابت لي قرابه الاربع خطاب وسبحان الله ماتيسر الامر

الحين هي جايبه لي خاطب عمره 27 سنه ومطلق ويقولون السبب ان زوجته عصبيه واهلها يتدخلون بينها وبين زوجها ومدخن ومايحافظ على صلاته في المسجد

وانا صراحه كم تمنيت اتزوج رجل ملتزم وهو حلمي الى الان

واتصلت علي امه وكلمتني حسيت انها قويه بعض الشي وقالت لي عن مواصفات ولدها بكل صراحه وسألتني عن مواصفاتي هل انا مزيونه ولاعاديه

وانقهرت من سؤالها وقلت لها اذا جيتوا تشوفون مافي احد يقدر يحكم على نفسه

انا استخرت كثير ومرات ابي اتصل عليهم واعطيهم ردي بالرفض
والى الان ثنتين ما أيدوني على اني اوافق عليه لانه مطلق واصغر مني وغير كذا مدخن

يعني مافيه اي مميزات تدفعني اوافق عليه

والي يخليني اعطي نفسي وقت اكثر افكر فيه هو عمري فقط انتي تجاوزت 30

لكن هل معناه اخسر حياتي واتنازل عن شروطي

دلوني وارشدوني الله يجزاكم كل خير