السلام عليكم ورحمة اله وبركاته

اخوي عمره 29 كان يشتغل بوظيفه حلوه وكان طبيعي جدا بس بعد فتره تغير وانقلب حاله ترك الوظيفه وصاار انطوائي جدا واول ماجاته الحاله هذي كان بس يطالع بعيونه بالمرايه ويفركها لحد ماتحمر ويجلس بالساعات كذا ويكره شي اسمه مستشفيات ومره اقنعه اخوي الكبيره ووداه دكتوره نفسيه وكتبت له دوا مضاد للاكتئاب بس مالاحظنا اي تحسن بعد كذا توفى ابوووه ( كان مطلق امي ) وزادت حالته صار عصبي مررره حتى مره حاول يقتل اخوي ودائما يقول انا بنتحر وهو حاس انه مريض نفسي ويقول انه اللي فيه وسواس قهري
وله اسبوع صااير عصبي بزياااده تخيلوا حتى امي مايحترمها وماينديها امي يقولها يابنت ؟؟؟ وهو يفكر دائما انه امي تكرهه وله سنه قطع علاقته مع اصحااابه ومايخرج من البيت الا نادرا احيانا تمر شهور مايطلع واكثر شي جالس لحاله حاولت اتكلم معه لاكن رافض يقول شي ومايهتم بنظافته ومطول اظافره وشعره ويعصب اذا طلبنا منه يقصهم او يتحمم ورافض يروح شيخ والمشكله انه عنيييد جدا

احيانا اشك انه فيه عين او مس هل اللي فيه مرض نفسي او روحي ؟

حقاً محير !
يغلب الظن انه روحي لعدة امور انقلاب حاله فجأه ! , انعزاله الشديد وعدم الاهتمام بنظافته وتطويل اظافره !
قلت انه يقول ان مافيه وسواس قهري ؟ ماهي الفكره الملحه عنده ؟ فالوسواس القهري عباره عن فكرة لا تستطيع السيطره عليها
ويوجد احتمال انه يقول هكذا لأجل لاتشكون ان مافيه مرض روحي وهذه من حيل الجان ..
الم تجربي ان تشغلي رقيه بدون علمه ؟
هل يغلب على شكله الادمان بمعنى ان من ينظر لشكله يحسبه مدمن مخدرات ؟
انتبهي وحافظي دوماً على اذكار الصباح والمساء والله انها لخير عظييم ..!
اسأل الله ان يشفيه ..

هو دائما يقول انه اذا حاول يصلي ولا دخل الحرم انه يحس كان احد يكلمه ويقوله انت في النار لو صليت وكان دائما يفكر بالموت

بالنسبه لشكله عادي بس يبان عليه انه حزين دائما اما الادمان لا مو باين عليه وهو كان قبل مدخن لاكن ترك التدخين فجائه وانا متاكده انه مو مدمن لانه مايطلع من البيت وماعنده اصحاااب

بالنسبه للقراءه كان يسمع اشرطة رقيه ولاحضت انه يرتاح لما يسمعها وتكون نفسيته احسن بس ماستمر عليها

واذا نصحته بالصلاه او قراءة القران يعصب ويقول كل شخص مسئول عن اعماله لا تدخلي

يجب ان تجتمعي انت واخوتك وتتفقوا على علاجه
والموضوع يحتاج الى التحايل عليه والصبر وتنفيذ كل التعليمات , وانا اقصد بالتعليمات ان يذهب اخوك الكبير
الى شيخ فاهم وله درايه في هذه الامور ويشرح له حالة اخوكم وسيعطيه الشيخ " جدول العلاج "
اسأل الله ان يفشيه ويرده اليكم رداً جميلا