انا اهلى مش حيوافقو هو عاوزة يرجعنى عرفى وحيتجوز واحد تانيه اهلو جيبنها
انا اسباب طلاقى كتيره ابسطها ان مامته غيرة طبلة البيت ومناعتنى من الدخول
وهو مسافر انا اعد معه شهر وسافر وسبنى عند اهلو واعتقد ان مفيش حد ميعرفش معاملة الحماة والاخوات البنات اظن الكل عارف عشان مطولش عليكم .
انهارده كلمنى اللى فاهمته منه ان الحاله الوحيده اللى ممكن يرجعنى فيها شرعى انها متحملش
شوفتو قسوة زى دى .
انا صعبانه على نفسى اوى عارفين انا اتجوزتو بعد حب 11 سنه وفى الأخر طلقنى عشان مامته امرت بكده .
وكانو بشككو فى اخلاقى وللاسف كان بيسمعلهم .
لدرجة انهم قالو للمحامى ان اهلى جيبلى عريس وانا كنت لسه على ذمته .
عند كلام كتير بس مش ينفع يتقال .
انا مش عارفه اعمل ايه اهلى حيرفض طبعا الجواز العرفى وكل العرسان اللى بيجولى فاكرين ان معى فلوس و حاجتى بس هو اخد منى كل حاجه قبل الطلاق .
انا عاوزة حد يقولى ارجعلو ولا لا ؟

ده لو انتي مخلفة منه وفي اطفال ماترجعيش الا رسمي طبعا ،، عرفي ايه اللي بيتكلم عليه

دي اهانة ليكي يابنتي اوعي تقبلي

عشان هو جبان وخايف من اهله يتجوزك في الخفا؟؟!!،،

طيب ماتتجوزي شرعي وتسافروا او تبعدوا ،، منطِقُه غريب جدا

ولو هو ماتغيرش زي مانتي شايفة كدا ،، ومافيش بوادر امل ومامعكيش منه اطفال ايه اللي يجبرك ترجعيله اساسا ،، لا عرفي ولا رسمي،،

انا حساكي لسة بتحبيه بس موجوعة من اللي حصل منه واهله جدا

لو ماقدّرتيش نفسك وغليتيها ماحدش هيقدرك

والحمدلله انه بيتقدملك ناس

المفروض دلوقتي تدي لنفسك فرصة تتعافي من الجوازة اللي فاتت والعلاقة دي

عشان تقدري تبتدي غيرها ،،

انتي اخدتي درس قاسي جدا ،،، ولازم يبقى عندك نظرة ثاقبة للي بيتقدملك

وماتبقاش جوازة والسلام ،، صدقيني لو حد كويس هيشتريكي بدون مايكون معاكي ولا مليم

ربنا يعينك

__________________

لا للرجوع
إلا بعقد رسمى هذا حقك ... لايعيبه انه اخطأ مرة فكلنا بشر ... لكن فى حالة الرجوع يجب أن يكون رجل ويعتذر منك عما بدر منه هو واهله... وانصحك بأن تحاولين السكن فى شقة بعيدة عن أهله...
حتى يقضى الله امرا كان مفعولا.. وتصبحين حرة تماما تتحكمين فى حياتك معه دون تدخل من احد....
تحياتى<<
أخوكمm.s