ما كنت ودي احط موضوعي لكن من جد الي صار اليوم حيرني ..

وبما أني جالسه في البيت لحالي ابويا الي اكلمه مسافر فجيت افضفض هنا ^_^

اولا أوضح أني انفصلت عن زوجي بخلع ، وشرط علي أتنازل عن الي بطني وياخذه فور ولادته

أنا وافقت لأني كنت عارفه ان حملي مو مكتمل لطروفي الصحية ولضغط النفسي ..!

وافترقنا و كانت نفسيتي جد سيئة وكلها أسبوعين واجهظت فعلا بسبب ارتفاع السكر ..

و بعد مدة سافرت خارج البلاد مع ابويا لأني كنت بحاله نفسيه صعبه ، جلست تقريبا شهر

ورجعت ويوم رجعت جت الهدامة ومعها بوكيه ورد وقالت لي هذا لك ..

ولقيت فيه بطاقة مكتوب فيها ( الحمدلله علي السلامة ، أهنئ نفسي بسلامتك ) وتوقيع طليقي

عطيتها ابويا يشوفها فقال للخدامة ما تاخذ اي شي من اي شخص وأي شي تلقاه عند الباب ترميه

ولا تجيبه ..! وقالي لا تشغلي بالك ولا تردي عليه ..

وبعد مدة جتني رساله علي الايميل منه يقول عطيني فرصه واسمعيني وووووو. الخ كلامه

تجاهلت الامر وماعدت فتحت ذك الايميل ..

اليوم الصبح وانا طالعه من البيت كان يمشي بسيارته وراي كنت زهقانه و طابعه اغير جو

فكل ما وقفت عند محل وقف وراي ..!

حتي السواق قالي هذا من البيت وهو ورانا ، نزلت له " ادري أني غلطت "

قلت له لا تفضحني تابعني فكل مكان قال أنت صح بتتزوجين ؟!

قلت له ما يخصك تزوجت او لا .. حل عني ولا قلت لابويا واعتقد عيب بحقك هذا التصرفات

والعصر بنفس اليوم :

جت الخدامه وقالت لي فيه حرمه كبيرة تحت تبغاك نزلت لها و لقيتها ام طليقي

جايه تقول حرام يابنتي الي تسوين ، الولد شاريك ، و مهمل نفسه من وحتي

مو عشانك بنت فلان تبهذلين عيال الناس ..

والله لو ما استحيت منها واحترمتها كان طردتها علي الكلام الكثير الي قالت .

بس خلتني افكر مين فينا الي جني علي الثاني ..؟!

ليش الناس ما تشوف إغلاطها ، و نظن دايم أنا مظلومين ..!

ليش اذا احترمنا الناس يتمادوا علينا ، و ان حاولنا تكسبهم ظنوا ظن سي فينا ؟!!

ليه ما صحي الي الحين وينه يوم كنت معه ،،؟!!!

__________________
في صدري ضيقة ~~

جعلها في صدر منهو تسبب فيها ~~