السلام عليكم انا ساكنه مع بيت زوجي في نفس البيت في شقه دور ثالث ونفس المدخل وزوجي ابوه متوفي وهو المسؤل عن امه وخواته عنده ثنتين والباقي متزوجات والثنتين وامه معانه في البيت وهو المسؤل عنهم والحين احنا شرينا ارض بس مابعد نبني وانا ادعو من الله ان الله يسهل علينا ونبني يارب بقول لكم شي وانتو حكمو وعطوني رايكم ام زوجي اذا قامت تتكلم عن بيتهم او صلحت فيه تقول هالمجلس تقصد مجلسهم بيذاكر فيه عادل مع ربعه ان شاء الله اذا دخل الدجامعه ودايما تردد هالكلمه وانا انقهر ودي ارد عليها واقول لها ان شاء الله مايصير عادل في الجامعه هذا اسم ولدي الكبير المهم ان شاء الله نصير في بيتنا اذا صار عادل في الجامعه الا وحنا بانين ومخلصين انا فهمت من كلامها انها تتمنى ان احنا مانبني هالارض ونسكنها تقهرني يعني تبي ولدي الكبير يدخل الجامعه وانا لسه في هالشقه النتفه الله يسامحه واليوم ولدي الكبير واحنا جالسين تحت يقول لابوه متى نبني بيتنا الكبير يقصد الارض
قالت جدته هالبيت بيتكم بعد وانا سكت مارديت بس والله قاهرتني كله تقول عادل بيذاكر مع ربعه في المجلس ايش رايكم انا كله برد عليها وينعقد لساني لاني احترمها ولا تعودت ارد عليها ابي ارائكم الله يسعد اللي ترد علي ويوفقها