السلام عليكم بصراحه انا ماكتبت هنا الا ابيكم تعتبروني وحده من خواتكم تنصحوني

معليش بتكلم بالعاميه ابي اطلع الي بقلبي مابي اتصنع

انا مشكلتي زوجي اخذنا بعض وكان مقتنع فيني ومقدرني لين انجبت بنتي هنا خلاص تغير صار وحش

صح فيه صفات ايجابيه بس برضه السلبيه تمسحها لو بكت البنت ضربني لو مثلا كانت بتطيح وطاحت غصب عني ضربني مره كنا رايحين لام زوجي في مدينه ثانيه تونا داخلين الا الباب صقع بنتي بالغلط على خفيف حتى رح دفني مع راسي باقوى ماعنده قدام هله وخواته <<حسيت وقتها قمه الاهانه والذل ومن القهر بكيت قدامهم بالله هذا اسلوب

اخرتها اليوم البنت تشرب والكاس وسطه ملعقه بغت تدخل بعينها سحبته منها وبكت مره رح قال الله يلعن اصلك وضربني مع كتفي بقوه واحيانا يصفق
ورحت اغسل الحوش قام لقى الحوش نظيف كله عشانه لاجاو اصدقاه مايتفشل راح قام قال من قال لك امس متهاوش مع الجيران قالوا لاحدد يغسل حوشه كله عشان المويه لاتخلص اااه يالقهر يعني يجلس الحوش وسخ عشان خاطر الجيران قام هاوشني وسطرني كف وربي مارديت ولاكلمه ومره نسيت المويه تكب بالغساله وطلعت لاني كنت مشغوله جالسه اطبخ له اشياء هو يحبها قام من النوم على طول جاني مسرع ابتسمت عسى ماشر رح يضربني ليش خليتي المويه تنكب بغت توصل للكهرب ومدري ايش ورحت للمطبخ كمملت
طبعا لاخلص ضرب رح راضاني او عطاني مبلغ بس الجرح مايينسى
هو ماكان كذا كان حنون وطيب بس تغير من عقب ماخلف

طبعا انا موضعيفه شخصيه كنت من القهر ارد عليه واتكلم ابي ابرد خاطري افي احد ياخذ حقي
غيرت اسلوبي صرت اناقشه مافي فايده
الحين صرت اسكت واحترمه مافي فايده اش الحل نفسي يحترمني والله ابكي من القهر اكتب وابكي
كلمت اهلي يصبروني اصبري ومدري ايش كلمت امه هاوشته تعدل فتره ورجع اش الحل افكر لارحت لاهلي اقول له خلاص ماعد ابيك ابيه يتادب بس ماني عارفه كيف
طبعا والله انا صابره مره حتى هو يقوله مارح القى زيك

نقلت الموضوع هنا عشان اراء المتزوجين في المشكله

أتوقع زوجك شمالي شرقي
فاقرئي في هذه الشخصية لتعرفي كيف تتعاملي معه قبل فوات الأوان

__________________
## مهم ##
هل تتعرضين للابتزاز في الانترنت؟


هنا من ينقذك

ضربني

سطرني كف

دفني مع راسي

لعن أصلي


طيب بعد هذا كله ماتخافين يوم تجيك ضربة تفقدك الذاكرة ولا تسببلك اعاقة؟

هذا يبيله رجال يوقفونه عند حده

بل بل بل كل هذا يسوي فيك وساكته عنه
المفروض توقفينه عند حده من البدايه حتى مايتعود يمد يده عليك مره ثانيه ويهينك ويذلك بهالطريقه
اشهالعيشه هذي
عصبت بصراحه

__________________

آنا مع الاخوات لازم توقفينه عند حده ...

حتي ماتصيري طوفه هبيطه ..آسفه عاالكلمه ..

تتاكدي لو سكتي له ..سيتمادي ...

خذي موقف سلبي ..من الموضوع ..

لاتسكتين له ...حتي يعرف إن هناك حدود لايتعداه ..

ربي يسعدك

ياحبيبتي زوجك ليه تغير عليك هل بسبب البنت ام انتي تعتقدي هذا السبب؟
لكن المفروض ان زوجك توقفيه عند حده لاتخليه يمد يده عليك ذكريه بالاحاديث اللي توصي الرجال بالنساء خوفيه من عقاب الله وادعي ان ربي يحنن قلبه عليك
والله يهدي زوجك ويحنن قلبه عليك يارب

__________________
اللهم فرج همي

أختي ممكن يكون لديه مشاكل في العمل .. وطبيعة الرجل لا يحب إخبار زوجته بذلك .. وتعلمين أحيانا مع الضغط قد يلجأ الشخص إلى تصرفات لم يعتاد عليها.
.
.
من عنوانك.. أن الحال أنقلب بعد الإنجاب ..
قد تكوني أنت السبب ... مع كامل احترامي وتقديري لك من منا الكامل... ممكن تكون أبنتك جعلت إهتمامك بنفسك يقل من أجلها أو "غيرها من أمور".

عموما .. الحوار والنقاش في لحظات الصفاء مهم .. أخبريه أن الضرب مؤذي جدا .. وتكراره قد يكون سبب لأمور أخرى ليست في صالحكم جميعا.

والله يهديه ويحنن قلبه عليك،،،

الخلوقه لا مومساله اهتمامي قل اصلا هو يعطيني وجه عشان ينتبه لي بس قصدي بعد البنت صارت شغله الشاغل

أختي الكريمة إحترت بإسمي زوجك متعلق في بنته كثير وخايف لاسمح الله يصير لها شئ والظاهر إن زوجك حصل له موقف وفقد فيه أحد أقربائه وهو مازال صغيرا وكان ذلك بسبب إهمال حصل له أو يمكن إنه من النو ع إللي يخاف من الحوادث التي تحصل للأطفال وهما صغار بسبب الإهمال وسبب ضربه لك لأنه خايف لايصير منك إهمال لقدر الله ويخسر بنته ويمكن إنه يشوفك في وجهة نظره غير مبالية وغير مهتمه في رعاية الطفلة ويضربك قصده ينبهك بس طريقته بالضرب خطأ يمكن إن الزوجة تصبر وتبلعها وتسامح لو إنضربت لحالها وهي في بيتها أما إنه يمد إيده عليك قدام أهله فهاذي صعبه شويه وين إحترام حقوق الزوجة المفروض مايمد إيده عليك وأنتي عند أهله
إذا مدها قدام أهله مو بعيده بكره يمدها قدام الناس ومعليش يا أختي أنتي أعطيتيه مجال يتمادى ويمد إيده ويرجع يراضيك بالفلوس وتسكتي له ليش ترضين بهاذي الطريقه خلاص هو تعود كل ماضربك راح أعطاك فلوس وترضين وإلا ذاك الوقت أول مايضربك قولي له هاذي المرة بسامح وأتجاوز عنك لاكن المرة الجاية برو ح لأهلي ولو عرفت قيمتي ذاك الساع تعال خلنا نتفاهم أنا ما ني بنتك تمد إيدك بالطالع والنازل وكأني ماتربيت في بيت أهلي تضرب حتى على أشياء تافهة لازم يكون لك موقف جاد من تعامل زوجك معاك وإلا ترى يمكن بكرة ينكسر كاس بالمطبخ دخل لك بالعقال ترى
بعض الأزواج يضارب زوجته كأنها رجل مثله ويحسب إنه لوضربها يعقلها ويربيها وكأنها ناقصه تربية بعض الأزواج ما عندهم إحترام لزوجاتهم ولا تقدير إذا أي أحد تحركش فيه بالشار ع يدخل يحط حرته في زوجته وكأنها هي من تحركشت فيه إنتبهي لنفسك وصحتك والضرب ماتنضرب الحرمه إلا على شئ يستحق وزيادة ضرب غير مبر ح أما هاذا يعطيك كفوف ليش وين حنا عايشين لو فقع عينك ولا كسر خشمك وش بتسوين ولا طيح سنونك إسمعي مادام إن عندك أهل خلي أهلك يوقفونه عند حده ولا تطول وهي قصيرة.

وإسمعي إذا أنتي فيك خلل أو إهمال من قل معرفه في رعاية طفلتك فحاولي إنك تتعلمين وتصلحين سلبياتك إذا عندك سلبيات وأهتمي في بنتك قدامه وحافظي عليها رضعيها أول بأول وغيري لها الغيارات والملابس بأوقاتها حاولي وقت وجوده في البيت تنوميها علشان ماتجلس تصيح قدامه إبعدي عنها الأشياء الخطيرة مثل الملاعق والسكاكين والأوراق علشان ماتحطها بفمها وكمان إبعدي عنها الأكلات والبسكويتات إللي قوية وتمسك بفم الطفل أو حلقه وتخليه يختنق ويستفر غ إنتبهي منها زين
وربنا يوفقك ويسعدك ويخلي لك بنوتك الصغيره يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله