عجبي..!
السلام عليكم ورحمـــــــة الله وبركاته
اسعد الله اوقاتكم آل عالم الأسرة..ووفقكم لما يحب
في شغلة مضايقتني وحبيت اناقشها معاكم..قبل اكثر من شهر طلعت لمجمع تجاري
اول ما صعدت السلم الكهربائي..سمعت صراخ وضجة في الدور الثاني
توقعت انها هوشة شباب..وثبت في مكاني الى ان وصلت للدور الثاني..وكانت المفاجأة اللي اذهلتني
رجال طول وعرض..يحاول يطق طفل اتوقع ان اقل من 6 سنوات
الطفل كان متخبي ورا حارس أمن المجمع ويبجي من قلب..كان ماسك الحارس بقوة وخايف من هالرجال
الحارس كان يحاول يهدي الرجال الغاضب..ويقوله خلاااص وسامحه ومن هالحجي..والرجال مو راد عليه
ويبي يكمل على الطفل...وكان يطقه براسه ويحاول يجره صوبه...ما احد من اللي في المجمع استنكر هالفعل
كلهم اكتفوا بالتفرج..شنو السبب؟؟
ابو قاعد يربي ولده احنا اشدخلنا..!!!
معقـــــــــــــــــــــــــولة..في ناس بهالوحشيــــة هذي
والله ما قدرت اسكت..حاولت ادافع عن الطفل..بس جاني سب قوي خلاني اطلع بسرعـــــــة
رجعت البيت وانا شبه منهارة..احاتي الولد اللي ربي ابتلاه في هالأب
وتعحبت من الناس اللي ماحركوا ساكناً..غريبــــــــــــــــــــة
لو صادفكم هالموقف البشع..شنو راح يكون تصرفكم
__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين
01-07-2011, 01:44 AM
ضوابط المشاركة
العرض الشجري