السلام عليكم ورحمة الله وبركاته
انا احتاج إلى استشارتكم
أنا أبلغ من العمر 21 سنه إلى 22 سنه ووزني 85
فأنا منذ فتره يأتي عندي احساس بأن ضغط الدم يرتفع عندي فأحس بسرعة دقات القلب في بعض الأحيان واضطراب غير طبيعي يحدث معي حيث اني ما اقدر اجلس واستقر احس ودي امشي وودي اتحرك واحياناً يجيني نفاظه خفيفه لكنها نادره ولله الحمد ، مشكلتي اني لا أهتم من نفسي آكل كل شي ، أمي وأخواتي دايم يساحروني في الأكل كل هذا واشرب هذا وعشاني ومدري ايش وأنا حبيب أطيع شورهم وآكل كل شي وهذا طبعاً ماهو من صالحي .
المهم ان الوالده الله يحفظها عندها جهاز قياس الضغط التوماتيكي لكن ما اعرف مدى مصداقيته فأنا اقيس به ضغطي بين فتره والأخرى ويكون الضغط عندي من متوسط إلى عالي ، ولما أكون اقيس الضغط تكون أمي بجانبي وترا ارتفاع الضغط واقول عندها ان شاء الله بروح احلل تحليل كامل في اقرب فرصه لكن هي توقف بوجهي وتقول لا لا تروح ولا توسوس ان شاء الله ما فيك الا العافيه وانت صغير ومدري ايش ومن هالكلام ، لأن امي الله يحفظها تخاف علينا من الهوا الماشي وماتبي تتفاجأ بأنه يكون عندي ضغط لكن انا مستشعر المشكله وودي اشوف ضغطي قبل لا يحدث شيء لا قدر الله (بسم الله علي وعلى كل مسلم)
مع العلم اني مدمن جميع انواع الفصفص والمكسرات
وانا صراحه خايف مره
كل مره اروح اوصل لباب المستوصف واتراجع وافكر في حبوب الضغط لو كان عندي ضغط لا قدر الله
ما أدري وش رايكم احلل او ما أحلل؟؟
والله يجزاكم خير ابيكم تعطوني فكره عن التحليل وكيف يتم وكم يبيله تطلع النتيجه لأني بصراحه ما اعرف للمستوصفت والمستشفيات واذا رحت للمستوصف الخاص وش اقولهم ابي احلل دم ؟؟ ولا انا شاك في ان عندي ضغط ولا وش اقول بالظبط؟؟
انتظر ردودكم ضروري الله يعافيكم ويحفظنا وياكم يارب
أنا من كم يوم في حالة وسوسه وأخاف من الاكل وأحاول قد ماأقدر ما آكل