السلام عليكم ورحمة الله وبركاته

باقولكم مشكلتي اليوم مع زوجي

زوجي من اروع وافضل الأزواج ولله الحمد والمنة

بس عيبه ان عصبي ووقت ما يعصب ما يضبط نفسه

اللي صار اليوم

كعادتنا رحنا نفطر بالكافيه وبعدها قلت له باروح اتسوق قالي أوكي وراح عني

ولما رجعت البيت - من الالام الدورة الشهرية- تعبت حيل

وهو يحاول ان يستخف دمه معاي

بعد مدة قلت له اسوي لك غداء قالي اذا تبين سوي حق نفسج

وبعد فترة قال باروح اشتري غداء وجهزي السفرة

انا جهزت نص السفرة مو كلها

اول ما رجع قام يصارخ وانتي غلطانة وانتي فيج ومافيج - طبعا كله سب

وقالي انتي المفروض تكونين طابخة لي

انا سكت ولا قدرت اكمل غداي ورحت الدار

وبعد ما خلصت طلعت عشان اشيل الصحون وقلت له ترى انا تعبانة ماله داعي تسوي لي من الحبة قبة

- وكنت قبلها لايعة جبدي وودي استفرغ عزكم الله وهو هاوشني وقالي لا تستفرغين لأني كنت ماخذة دواي

وبعد شد وجذب حسيت الشياطين تناقز بعيونه ووده يضربني


انا أهني هديت ورحت الدار وقعدت استغفر ربي واقرأ قران


اللي ابيه

اشلون أتصرف معاه وقت عصبيته

واشلون أبين له انه حتى هو عنده اخطاء كبيرة

وبنظري اكبر غلط ان يهاوشني أني ما استفرغ وهالشي مو بيدي


أرجوكم أفيدوني

__________________
لا اله الا انت سبحانك اني كنت من الظالمين