السلام عليكم ورحمة الله وبركاته
ان شاء الله جميع اللي بالمنتدى بتمام الصحة والعافية

بصراحة انا كثير مرتاحة لهذا المنتدى ...
وهذه ثاني موضوع بطرحه عليكم ... واتمنى ما تبخلو علي

الله يسلمكم مشكلتي مع زوجي ... في بداية زواجنا يجي من الدوام .. ويدخل الغرفة علي وقبل لا يغير ملابسه يسألني ( أجيب لك غذاء )) وانا من حيائي أقوله ((لا)) .. لاني مصدومة من سؤاله ... واحيانا يجي من الدوام ويقول لي ما يبغي غذاء واذا قلته انا ابغي يجي يتغذى معاي ....(( تصرف غريب )) اكثر من مرة
وصار لي شهر تقريبا ما اتغذى ولا شيئ من عندهم .. وهو ما يقول شيئ عنده الامر طبيعي ..
بما انه يجي من الدوام في هذا الشهر يغير ملابسه ويسألني ووانا على طول اقوله لا .. يتغذى لوحده ( رز .. وسلطة ... والخ )
وهذه الايام لا يسألني ولا شيئ .. بس يتغذى لوحده ( خبز + زيتون + جبن .... الخ )
وانا اكثر من مرة انبهه لا تسألني عن الغذاء .. لاني اكيد بتغذى .. بس هو لا يسأل .. وانا فهمتها انه ما يبغيني اتغذى من عندهم .. ليه ؟؟ لان من اروح بيت ابوي يجبرني على الغذاء واذا ما فيه يشتري لي .. وانا مستغربة من تصرفاته .. واظن من اهله ما يريدوني ان أأكل من وجباتهم ...

والله تعبت من هذا الوضع .. احيانا اكون بدون غذاء.. بس انا ظليت اروح بيت ابوي كل يوم .. وهو الحين ما يبغيني اروح كل يوم (( وانا ما بتغذى ))
واذا قال لي لا تروحي .. بعد فترة يجبرني اروح .. والله مو عارفة له ..
وقرب شهر رمضان أعاده الله علينا وعليكم بالخير .. وانا مو مستقرة وشكله يبغيني اروح بيت أهلي .. بس انا مو مرتاحة أبغي اجلس معاه ..
تخيلو قبل كم يوم متهاوشة مهاه .. على هذه السالفة ويقول لي انا اللي ما اهتم فيه .. والله انا اذا بروح بيت اهل زوجي .. واودي له عشاء بعدها انقطعت خفت يتعود ... وقال لي انا ما هتم .. والله شيئ يقطع قلبي ..
اقوله من المسؤول عن الثاني ... وانا ما عندي مطبخ لا تلومني ولا تعتب علي ...
يمكن انت تنظرو الى موضوعي ما فيه شيئ بس والله .. تصرفاته تجرحني ... وتعذبني ...
ارشدوني ماذا افعل معه ؟؟؟

عذرا شوقهـــــــ2009 و زهرة الرمان و رواء الايمان و بحر العطاء على التأخير بسبب الظروف...

شوقهــــ2009 ..المشاكل لابد منها .. وهي لا تعد ولا تحصى ... ولا اريد ان اخلط المواضيع .. بين فترة وفترة راح اضع مشاكلي مع زوجي ... شكرا لكي ..

اهلا فيك زهرة الرمان ... نعم في بعض الاحيان اسأله بس مو مثل الوقت .. واخاف على مشاعره ... زوجي لا يتفاهم اكلمه بشيئ ويركز على شيئ .. وبالذات في هذا الموضوع لأن فيها اهله .. واخاف يفهمني غلط ..

اهلا فيك اختي رواء الايمان ... ام زوجي هي اللي تجهز وتعد الطبخات ... وخوات زوجي يساعدونها ..في بداية زواجي الغذاء يوصلني الى باب الغرفة ... وانا كنت اطلب من زوجي اني اجهزه واغسل الصحون ... وهو يرفض بشدة ... بعدها ظليت انزل معاهم .. المشكلة انهم يرفضو اني اساعدهم ولا ادل اغراضهم وين ..وعينهم علي .. ما عرف اتحرك .. ولا هم يعرفو يتحركو ... كذا اتضايق كثييييير ...وانتي قلتيها شهر رمضان معروف بالجمعة أهل زوجي ما يتجمعو حاولت اني اجمعهم بس انا اللي اعزم نفسي بنفسي ... وهذا يضايقني .. كل واحد يأكل لوحده .. والله مو حلو المنظر ..

وانا لزقت فيهن لزقة .. بس المشكلة هم يباعدوني عنهن .. كل شيئ عندهم اسرار حتى في افراحهم .. واحزانهم ..

اهلا فيك اختي بحر العطاء ... صح كلامك انا الزوجة بس يعتمد على أهل الزوج ... زوجي يمنعني ... يبين لي انه راضي اجهز له ... بس من داخله .. رافض ... الدليل انه يوعدني اني انزل واسوي له الوجبات .. بس بعدها يضيع السالفة .. مدري ليه كذا !!! زوجات اخوان زوجي ... مثل الشيئ شايلي يدهن ... بس انا مازلت احاول اكون معاهم ...

والله مو عارفة ازي اوضح لكم يمكن في اشياء كثييييير تبين انهم رافضين اني استخدم معاهم ...
المشكلة في زوجي بعد ما يوضح لي بعض الامور اللي تحصل في بيت عمي ...كثيييييير يخش علي ....

عذار على عدم ترتيب الكلام
اتمنى تساعدوني شهر رمضان على الابواب .. وانا في حيرة .. ومتعذبة ... ارشدوني .. ارشدوني ..

389 زيارة ..

اين ردودكم .... ارشدوني .. انا في امس الحاجة لكم ....