السلام عليكم ورحمة الله وبركاته

اعضاء المنتدى الكرام....
رجعت لكم بعد غياب طوييييل نظرا لعطل في جهازي....
وقررت بعد معاناه طويييلة مع الالم اللي اعيشه اني اطرح لكم المشكله مع بعض التحفظ ....
واحترام للعشرة اللي بينا(انا وزوجي)....
ويعلم الله اني مااحب اشكي لاحد .....احب احتفظ كل شئ لنفسي....واترك الامور للي خلقني لانه ادرى بالحال....وبصير بكل شئ....
بس بالفترة الاخيرة.....مو قادرة اتحمل الظغط الرهيب....لاني بالنهاية بشر...
احيانا اكتب سطر....سطرين......واحس بتعب....وضيقة خلق....وامسح اللي كتبته.....
اقول في نفسي.....وبعدين .....طرحتي مشكلتك...وش بيصير يعني...اللي صار صار....
مااحد يقدر يغير شئ.......

واحيانا اقول ....يمكن اخطيت في حل المشكلة......
استشيري اللي بالمنتدى يمكن احد يقدر يساعدك.....



وكلي امل اني القى على الاقل من يخفف عني....لان وضعي من سئ لاسواء.....




القصة هي.....(باختصار)



بدات من ثالث يوم زواج.....اكتشفت حاجة مااعجبتني بزوجي ابد.....وقبل كل شئ مايرضاه الله
ان لة علاقات بحكم دراستة بالخارج....ولكم تتخيلون الصدمة النفسيه الرهيبة وقتها.....
اولا انا بنت بسيطة من بيت ملتزم .....مااعرف الامور هذي كثير.....
وكنت احسب ان زوجي(بحكم انة قريبي)مستحيل يسوي كذا(ماادري ليش وثقت فية مع اني مااعرف منة الا اسمة قبل الزواج)بس حاطة في بالي ان مايسوي كذا الا الناس اللي تعبانين مرة لادين يردعهم او اخلاق او تربية...
بس بوقت عرفت الشئ هذا ....كان شعوووووووووووووور فظييييييييييييييييييييييع
اتذكر يوم سالته عن طبيعة العلاقه.....هل هي صداقه عادية او لا(كنت ابيه يريحني ويقول الصدق...توقعته يقول صداقه عاديه)
قال لي وبكل وقاحه(مثل اللي يصير بغرفة النوم)؟؟؟؟؟؟؟؟؟؟؟؟؟؟؟؟

بالله هذا كلام ؟؟
دوبني عروسة مالي ثلاث ايام ......
اتذكر اني غمضت شوي من قو الصدمة .....ورجعت لوراء .....لاني نفرت منة بشدة....
وجلست ابكي ....قعد يسكتني يقول المفروض ماسالتيني هالسوال...وتركني وراح نام.....

جلست طوووووووووووووووووول الليل ابكي.......
وكلي ندم.....وطول الليل وانا افكر باللي قاله ومو مصدقة .....
معقولة انا يصير لي كذا؟؟؟؟
وقاعدة الوم اهلي واهلة .....
بس بعد ايش؟؟؟؟
المهم من بكرة(جاء وجلس يقول كلام كل ماتذكرتة الحين اضحك على نفسي انا كيف صدقته وسامحتة)
المهم...سامحته(لاني عروس وابي افرح ...والصراحه حبي لة غطى على اللي صار)
وجلست تقريبا 4سنوات
كل شئ تمام ...بس الجرح على حاله ....
يعني وانا بالمطبخ اتذكر اللي صصار وابكي....
وانا جالسة عند التلفزيون....عند حريم .....كل مااتذكر يضيق خلقي...
يعني مانسيت ابد......
ومستحيل انساه.....وخلال هالفترة يسمعني كلام يسم البدن.....
مثلا انا تزوجت وعمري 24....
سالني بعد الزواج بكم يوم كم عمرك؟؟؟
قلت لة 24....
شهق وقال....اثرك عجوووووز.....
انا استغربت منة ليش قال كذا
قلت لة ليش وانت ماتدري عن عمري....
قال احسبك 19....
قلت شئ طبيعي يعني وحدة توها متخرجة من الجامعه كم بيصير عمرها....؟؟اكيد24
ضحك وقال لا بس انت.......انا حزت في خاطري وسكت.....

بعد فترة قال لي ماادري لية احب اللي اعمارهم 19.....يمكن علشان صديقاتي الللي اعرفهن اعمارهم كذا(يقصد اللي كان يدرس معهن)
انعقد لساني من كلامه.....انا مااسكت ضعف والا خوف منة.....انا اسكت من ثقل الصدمة علي ....
يعني بالله لو يحبني صدق بيقول هالكلام لي....؟؟؟يعني فية زوج يقول كذا لزوجتة؟؟؟؟
وتخنقني العبرة ولااقدر اتكلم....


وخلال هالفترة اكتشفت اشيييياء واشياء.....طلعت نايمة بالعسل وانا ماادري.....
استغل ثقتي العمياء فية....استغل طيبتي....استغل بعدي عنة لظروف عملي....استغل حبي له....
لييييييييييييييييييييييين صار الموقف اللي نسف حبي له ....نسف تعلقي فية...
ونسف كل شئ طيب بيني وبينة....لانة للاسف استنفذ كل شئ مني .....وماعاد بقى لة شئ عندي....
مسامحه وسامحتة قبل ......
ثقة وثقت فية وللاسف طلع مو خاين لها...

للمعلومية وعلشان اكون عادلة ومااظلمة....الرجل فيه اشياء وصفات جدا رائعه....
بس مقصر بالصلاه شوي.....مااقول تاركها كلش لا....بس ياخرها عن وقتها ويصلي بالبيت مو بالمسجد...
زالشئ هذا مضايقني مررررررررررررررررررة......قلتلة اكثر من مرة ...احيانا يقول زين ان شاء اللهواذا صار الفجر ابي اصحية يخانقني واخليه ينام.....

المهم الموقف الاخير اللي دمر نفسيتي.....
وكنت بوقتها حامل على وشك ولادة.....يعني مو ناقصة ظيقة خلق....
للاسف كان يكلم بالتلفون وسمعته يقول كلام ابدا.....ابدا.....ابدا......مااعجبني......
وقتها حسيت......والله اني صادقة باللي اقولة......
حسيت بحرارة الدم تفوح مع حلقي.....قهر مكبووووووووووووووووت......
وصدمة فظيعه....
ليش؟؟؟؟ انا وش سويت؟؟؟؟
رحت لة وتخانقت معه(مع اني ماعمري رفعت صوتي علية او خانقتة بحياتي الا مرتين.........مرة كنت
دوبني والدة وكانت عندي تراكمات منة.....لانة دايما يسمعني كلام يسم البدن واسكت....فانفجرت فية)
وبيني وبينكم كل ماتذكر الموقف هذا استحي على نفسي ...لان مو من طبعي ارفع صوتي واخانق احد...
طبعي اكثر شئ هاااادي.....بس خلاص الصبر ولة حدود...
وهذي المرة الثانية.....كنت وانا اخانقه.....ولاول مرة.....احس اني انخدعت ...ومن مين؟؟؟
من زوجي؟؟؟ من لحمي ودمي.....من ابو ولدي....كيف جت منة بس....
وانا كنت وين عن هذا كله....
وانا اتكلم عليه...واسالة....ليش سيويت كذا؟؟؟؟
ليش تسوي فيني كذا؟؟؟؟
انا وش سويت؟؟؟؟


وهو


ســــــــــــــاكت.....

او يرد ويقول....كنت امزح؟؟؟؟
بالله
اي مزح هذا؟؟؟؟
الكلام بعيد كل البعد عن المزح؟؟؟؟
كنت منهارة انهيار تااااااااااااااااااااااااااااااام....


المهم صار كلاااااااااااااااااام طويل وكثير....
طبعا مارد علي بشئ....او بالاصح....قدر يلفقها علشان اصدقة....بس رفضت طبعا حتى اكلمه....
بعدها رحت لاهلي....وماكان في بالي غير الطلاق.......

وكنت طول الفترة افكر كيف افاتح اهلي بالموضوع.....
يعني وش اقولهم؟؟؟
اقول ماارتحت له ؟؟؟
او اقول ماكتب الله توفيق...
وكنت ااجل الموضوع لين اخذ اجازة الوضع واقول لاهلي....
اني اللي بيني وبين فلان انتهى....
لان طول فترة جلوسي عند اهلي..رافضة اكلمة......
لان كان عندة سفر ويبينا نتصالح قبل يسافر.....




وماادري كيف,,,وبقدرة قادر....وبتاثير كلامة علي (كالعادة)
ومن بينالرسايل اللي كان يرسلها(انا مااضمن حياتي ....يعني وشض بيصير لو واحد مننا مات وكل واحد شايل بخاطرة على الثاني)

بعدها قلت في نفي اخليه يجي يشوف ولدة....ومو لازم انا اقابله....
ارسلت لة تعال شوف ولدك.............والله طار من الفرحه......وانا حسيت بربكة....
وتوتر.............لاني مازلت شااااااااااااااااايلة بخاطري............
المهم جاء واخذنا للشقه........وانا رحت دخلت بغرفة...........لاني ماابي اخذ واعطي معه كثير..
اللي سواة فيني مو قليل ابد...................
المهم قعد يقول كلاااااااااااااااااااااام كثير...................للاسف اني تمنيت اني اسمع الكلام هذا قبل.
بس وش فايدتة الحين.............
المهم يوم خلص من كلامة........قلت كلمة مادريت انها تبي تطلع مني ولادريت اني ابقولها ولاخططت لها....

قلت(سوا انت سويت شئ خطاء او لا تراي مسامحتك))
مااخفي عليكم انه تاثر جدا بكلمتي....لدرجة اني صديت على طووول قبل اتاثر انا بعد....

ومشت حياتنا عادي....مع اني مو مرة انا معه. بعد الموقف جلس فترةوبعدها سافر صار للموقف 9شهورونفسيتي من سئ لاسواء.........واحس ان forgivemeاللي قبل مو هي اللحين
شخصيتي تغيرت
نفسيتي تغيرت
كنت قبل مليانة حيوية
مليانة طاقه
مليانة نشاط
والغريب اللي قاعد يصير لي....
اذا جلست بالمجلس وعندنا احد....ماادري ليش لحس بحزن.....؟؟؟ماادري ليش فجاءة احس بانكسار؟؟؟
حتى امي صارت تلاحظ...
قبل مايحرك المجلس غيري بالسوالف والضحك
الحين اسلم اجلس شوي واقوم.....
ماعاد لي نفس لاحد.......

اللي سواة فيني مو شوي ابد.........
ولايدري وش سوى فيني ...ولا راح يدري....لانة مو موجود ولا يشوف وش قاعد يصير لي....
وكان يقول لي فضفضي وقولي لي....
بس انا ماعاد اثق فيييييييييية ابد....ليش افضفض لة....



اخواني وخواتي....
اعذروني على عدم ترتيب الافكار..........
لاني والله مافكرت اكتب الموضوع ابد........بس مسكت الاب توب وجلست افضفض...........
واقول اللي بخاطري....هذا غير التعب هاليومين حرارة وارهاق.......فعجزت اتحمل تعب جسدي ونفسي...

واذا لقيت فرصة كملت الكتابة لاني مظطرة اوقف الحين....

بانتظار تعليقاتكم على الموضوع......هل سكوتي عنة ومسامحتي لة على صواب اولا؟؟؟
وين الخلل بالظبط؟؟؟


واكرر اعتذاري على ركاكة الاسلوب..........والبساطة في كتابة الموضوع...لانة وليد اللحظة....

واتقبل انتقاداتكم بصدر رحب.....

الله يعينك جد شيء يكسر الخاطر
بس عمرك لاتندمي على شيء كويس سويتيه
الوقت رح يكون كفيل انه ينسيكي ويهون عليكي جرحك
حاول تبداي من جديد واتغيري من جوة ولاعاد شيء يكسرك
وانشاء الله يكون في حسن الظن وقد الفرصه التانيه
اعطيه الامان وحسن الظن ورح ربنا مايخيب لك رجى

وعليكم السلام ورحمة الله وبركاااته ..
أختي غاليتي انا معااك طبعاً وماراح اكون ضدك ..

:: لأ تمشي له زلة وخليكي داائماً مواجهته , عندما تري زوجك على غلط ..
لأنه لاحظت انك من النووع الهاادئ لكن لمن انفجرتي فيه فجأة قام عرف غلطته وسكت واتعدل معك ..

لكن لا تحرقي في دمك كتيير ولا تفكري كتير لسااكي صغيرره على الهم والتعب وكمان عشان صحتك ياحبيبتي ..

// الله يعينك ويسهل لك اموورك وينور طريقك بكل خير يارب العالمين ..
دمتي بووود=)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

أختي الغالية .. أعانك الله وسدد خطاك .. والله لا أعرف ماذا أقول لك .. زوجك رجل بعيد عن الله ..

عليك بتذكيره ودعوته بالكلمة الحسنة .. والوقت المناسب .. عليك بقيام الليل .. والدعاء له .. وكثرة الأستغفار ..

اسأل الله أن يهديه ويرده لك ردا جميلاً..

__________________

اللهم إني استودعك المسلمين في كل مكان.. فإن ودائعك لا تضيع..
اللهم ارزقني سعادةً تجعلني أسجد لك باكية.. وارزقني بعدها سعادة لا تنضب أبدا .. اللهم آمين برحمتك يا ارحم الرحمين ..

من كثر مااقرأ تشابهت علي القصص

مااقول الا حنا والمجتمع عطاهم الصلاحيه

والا مو كل رجل يستاهل يطلق عليه زوج واب

الله المستعان

حبيبتي فقدت الامل....وان شاءالله ماتفقدينة
بس عمر الوقت مايحل شئ....صدقيني....
بالنسبة لي يزيد جرحي....
تعرفين ليش....
لانة هو قاعد يلعب عليه....
مثال على ذلك....
صدت مرة في جواله قبل الزواج يقول لوحدة ياامورة....
بعد ماعاتبتة ومر على السالفه فترة...
جاء عندي يلاعب ولدة ويقوله ياامورة......(وش رايك انت....؟؟ عارف ان الشئ هذا يغيضني ويجرحني...طيب تسوي كذا لية)
مع انه ماقد قالها لي...
بس الحين ماابية يقولي شئ....ماعاد استحمل منة كلمة....لاني عرفت اي نوع من الرجال هو...
والله ماتحيلين وش قد احتاج للعاطفه والكلام الحلو.....
وش قد ناقصني حناااااااااااااااااااااااان...........
مو لاقيتة............
ومو صعبة اذا كلمني اني اقوله كلام غزل.........
بس انا ماصرت مثل قبل....ماعاد اقوى اقولها....ماتجي معي هالكلمة.....
ودي اعيش وارجع مثل قبل اضحك وامزح واسولف معه مثل اي زوجين....
بس اللي سواة غيير كل شئ وقلب المواززين عندي....
حسسني اني مو ادميه عندة.....
اسم زوجة وبس...

الله يبدل حالي للافضل ....
لاني تعبت...

اقتباس:

المشاركة الأصلية كتبت بواسطة زهـرة الـرمـان [COLOR="DarkOrange"]وعليكم السلام ورحمة الله وبركاااته .. أختي غاليتي انا معااك طبعاً وماراح اكون ضدك ..: لأ تمشي له زلة وخليكي داائماً مواجهته , عندما تري زوجك على غلط .. لأنه لاحظت انك من النووع الهاادئ لكن لمن انفجرتي فيه فجأة قام عرف غلطته وسكت واتعدل معك لكن لا تحرقي في دمك كتيير ولا تفكري كتير لسااكي صغيرره على الهم والتعب وكمان عشان صحتك ياحبيبتي .. // الله يعينك ويسهل لك اموورك وينور طريقك بكل خير يارب العالمين .. دمتي بووود=)

انا اخاف اقولكم وش كانت ردة فعلي اذا قعد يقولي مغامراتة....
تاخذون فكرة عني ان في عقلي شئ....

احيانا اذا قعد يحكيلي والا يوريني صورة مع بعض البنات
كنت





ابتسم


بس يطلع من المكان انفجر من البكاء....
ماكنت ابين شئ عندة....
احيانا بعد مايمضي على السوالف فترة ابين له بصريح العبارة او بالتلميح اني مو راضيه عن اللي صار
احيانا القى تجاوب منة ويقوم يقطع الصور
واحيانا يحطني مريضه نفسيا.....
؟؟؟؟؟؟؟؟؟؟؟؟
المريض النفسي فينا مين؟؟؟؟
علشاني بس تكلمت وقلت الشئ هذا مايعجبني......


انا فعلا يوميا احرق نفسي وبالدقيقة والثانية
ولا القى حل....
وماادري اخرتها تتصير ايش....
مع اني صرت اشوف ان الانفصال هو الحل الافضل ....
لاني صعبة ارجع له مثل قبل...

حبيبتي ام سارة


انا مااشوف اننا حنا اللي عطيناهم الصلاحيه....
بس اذا ذهب الدين والاخلاق من الشخص...
يمشي بالطريق الخطاء

اسمحي لي ظلمتي نفسك وجرحتي كرامتها ويمكن عطيتي فرص كثيرة لمن لا يستحق

يعني لو كان يخون ويخربط ويحاول يخبي أو كشفتيه بالصدفة يمكن يعني الواحد يبلع شوي بغصة

أما يجاهر ويعترف ويقول بكل وقاحة وانت توك عروس

وكثير يلمح في كلامه

لا ومستانس ويوريك الصور بعد فترة كأنه شيء عادي ولا محترمك

صعبة يا بنت الحلال

كان الله بعونك

إن شاء الله يدولنك أهل الخبرة على حلول مناسبة

غريبه للحين جالسه معه ؟؟!! يعني لو مثلا مثل ماقالت اختي كلور لو هالشئ يسويه من وراك ممكن مممكن تسامحيه لو اعتذر وطلب السماح وانه ماراح يعيدها لكن قدامك ويوريك الصور بعد لااا ويحكيلك عن اللي يصير بيناتهم فعلا شئ لايصدق !! تبين راييي روحي لبيت اهلك وطلبي منه يايترك الاشياء هذي والا يخليك بحالك والله يسهلك امرك يارب ويفرجه عليك