السلام عليكم ورحمة الله وبركاته
اتمنى اني ما اكون عضوة ثقيلة عليكم
صراحة ما ني عارفة من وين ابدأ انا نزلت موضوع عن زواج زوجي من ابنة خالته وسمعت لنصائح الاخوة والاخوات وهديت نفسي وتزينت وتعاملت معه بما يرضي الله ومكنته من نفسي هو صحيح من ورا قلبي لكن مرضاة لله
جا قبل امس وكان يبغاني للعلاقة وما قلت لأ المهم ما ان بدأنا بدأ يتكلم انتي نسيتي الموضوع ترا راح اتزوج في شهر 2 فبراير في عيد الحب
أسألكم بالله من هي المرأة اللي يكون معها زوجها على السرير وووو وبعدين يجيب طاري واحدة تانية ؟؟؟؟؟؟؟؟؟؟؟؟؟؟؟؟؟؟
صراحة غضبت وقمت من جنبه وقلت له فرحان بها البرص اللي حتتزوجها مانت قادر تسكت انا بعت العافية وبمشي الحياة معاك وانت هذي عمايلك
قعد يتكلم كلام ما ينقال بما معناه اني لازم اخذ بكر واتمتع معاها في حياتي زي ما كنتي متمتعة يقصد زواجي الاول ويشهد الله اني كنت اتعس انسانة معاه وما شفت السعادة بعيني
وحتى زواجي الثاني من اول اسبوع وهو يمد يده ولسانه طويل ويعايرني لكن ظروفي كانت زفت ابوي ما كان يبغا احد يتطلق ويقعد عنده كان عايش لنفسه الله يرحمه ويسامحه
قعدت ابكي ومازلت ابكي اعصابي مو متحملة ليش الظلم حبيته وتحملته لسه ما تزوجها وسوى كده اجل بكرة ايش حيسوي والله غير يشوطني عشانها وهي الله يسامحني والله ما امدح في نفسي لكن اقل مني في كل شي ويكفي انها صايعة وامه قالت له كده لكن هو معمي قلت امك كانت تقول عنها انها صايعة يقول هذا تفتح وعقلها كبيير وانتي معقدة وتفكيرك شايب
عشانه يحب الحرام لقي غطاه اللي يناسبه وانا اللي دايم اذكره بالصلاة ومخافة الله صرت معقدة شايبة
انا خلااااااااااااااااااااااااااص ما عادج فيني اتحمله ماني طايقاه ولا البيت ولا العيال من اصبح لين امسي وانا ابكي وافكر كيف ارتاح منه بفكر اروح ارفع عليه قضية طلاق وخله يولي يروح لها الجمل بما حمل
بس انا طلبت منه قبل امس الطلاق قالي ادفعي لي مؤخرك وتنالي عن العيال وانا اطلقك
وانا بصراحة لا عندي فلوس ولا عندي مكان اروح اعيش فيه مع عيالي وان صار ومشيت من بيته فسوف اذهب لامي وهي خارج المملكة
ماني عارفة ايش اسوي تكفون