عندما نصادف أشخاص فضوليين. غالبا نحاول ننهي سيل الأسئلة الجارف بالدخول في موضوع أخر أو تشتيت ذهنهم عن طريق رد السؤال بسؤال و أحيانا نحاول تقديم إجابات دبلوماسية.
لكن
قد نقابل أشخاص فضولين من طراز خاص . فلا مشكلة لديهم من ترديد نفس السؤال مرات عديدة ليصلوا لمبتغاهم. ضاربين بدلوماسيتك وكل محاولاتك البائسة عرض الحائط!


هناك أسئلة تطرح علي كثيرا:
- ما تزوجتي؟ معقولة ما تزوجتي؟ ليه طيب؟ !!
‫-‬ كم عمرك؟ أنت كبر فلانة؟ وأحيانا يكون الشخص أذكى فيقول عام كم متخرجة؟!!

ممكن تكون ردة فعلي عنيفة مثل "وش فيك بس تسألين" أو "ما تلاحظين إنك تدخلين نفسك بشيء ما يخصك" ..
- لكن هذا الرد لا يناسب مع كل الأشخاص. لأنه قد يكون الشخص عزيز عليك أو أنك تلتقي فيه على فترات متباعدة ولا تريد أن يشوب علاقتكما مثل هذه الردود "الدفشة" أو أن يكون شخص محترم لكن تفكيره بسيط لا يدرك أنه من غير اللائق طرح مثل هذه الأسئلة.
- وأحيانا وهو الأهم قد يرصد من خلاله الشخص مدى حساسيتك تجاه الموضوع. (فما يصلح نسوي فيها أذكياء ودبلوماسية وحركات وبالأخير نرد بعنف ) .

زبدة الموضوع :-
1) تتوقعون ما أفضل رد على السؤالين السابقين (سبب التأخر في الزواج، وكم عمرك)؟
2) وهل أكون صريحة في إجاباتي؟ مثلا أقول عمري كذا وماتزوجت بسبب كذا وكذا أو أسكت وهل يصلح أقدم معلومات وهمية مثلا عمري 18 وشوي وهيك يعني .

المشاركة الأصلية كتبت بواسطة زهـرة الـرمـان ياقلبي اول حااجه حابه اقولك اسلووبك ماشاءلله جداً راائع.. الله يسلمك .. تصدقين أنا كاتبته ونصفي نوم مجرد مزحة بسيطه .. إذا احد سألك عن عمرك قولي له " كل وااحد عمرو في بطنو واضحكي هههههههه" وليش ماتزوجتي الين دحين قولي له " عندك عرريس ليا؟؟" هههههههههههههههههه والله صدقيني راااح يتنرفزووو عشاان يبطلوو فضوول زاايد .. ردك حلو .. لكن أحيانا يكون لا مجال للمزح .. كأن يكون الشخص الفضولي جاد في طرحه للسؤال . بالنسبة لردك "عندك لي عريس" .. صعب جدا .. لأن استحي شوي أصلا أول ما يطرح هذا الموضوع يكون وجهي ألوان قوس قزح .. ومرة أدخل رأسي بالشنطة مسوية أدور شيء أو أكلم بالجوال أو أو أو .. دمتي بسعااده وهناء =)

وأنت كذلك .. شرفتينا

الأمير الحزين
حياك الله ..

المشاركة الأصلية كتبت بواسطة m.s أختى الخلوقة : مثل هذه الأسئلة قلة أدب من الشخص... أختى لايهمك الإجابة على مثل هذه الأسئلة ... وعند طرحها لاتجاوبى بعنف ..بل بإبتسامة قد يكون السائل يريد مضايقتك ..فلا تعطيه لذة الإنتصار عليكِ... وفعلا جاوبى بإجابة ساخرة مثل ليه عندك عريس ..!! أخوكم M.S

المشاركة الأصلية كتبت بواسطة نوارتي انا كنت انسئل كثير وصار عندي حساسيه ويبان الحزن في صوتي ونظرت عيوني الي ان الهمني ربي هذا الرد وارتحت كثير ؟؟؟؟ ليش ماتزوجتي .... اقول اسئلو ربي هذا السؤال النصيب بيده وانا خلق من خلقه كم عمرك .... اقول ليش بتوظفيني او تدرسيني ...او اقول ليش تبين تعرفين من اكبر...راح تسكت

نوارتي
حياك الله .. شرفتينا

جميل ردك .. فعلا الزواج قسمة ونصيب .. شخصيا أرد بهذا الشيء .. لكن واجهت أكثر من موقف كان فيه رد "قسمة ونصيب" غير كافي! .. لتستمر بعدها الأسئلة هل وكيف ولماذا وو .
وهذا ما جعلني أطرح هذا الموضوع... قلت استفيد من تجاربكم

تحياتي،،

المشاركة الأصلية كتبت بواسطة غداً أفضل أهلا أختي الغالية .... ليش ما تزوجتي ؟؟؟ دائما أنسئل هالسؤال ؟؟؟ وكنت ومازلت أبتسم وآقول لسا النصيب ماجاء ...... بس ما يسأل هالأسئلة الا ناس معروف انهم حشريين ، وفي سبيل اللقافة يذلون أنفسهم ومثل هالأشخاص ما أهتم لهم لا كل حاجة في كفة وان جووا يتفلسفون أكيد متشرطة .. خلاص تنازلي ... كم عمرك الآن ؟؟؟ وانت مازلت تتشرطين ... كأنهم يصرفون عليك ...... فيه موقف صار لي ... دقت صاحبتي ومن بين السواليف تقول أهل زوجها سألوا عني واذا تعرفني ولا لأ ... لأنهم ناوين يخطبون .... وقالوا لها مواصفات العريس ... وهي الله يهديها قالت لا ... وهي تبي كذا وكذا ... جابت شخص عالي المواصفات جدا قالوا هي عمرها ما يسمح لها تتشرط .... أنا فقدت أعصابي على صاحبتي مو عشانها طيرت العريس لا ... بس ليش تنشر عني هالشروط ؟؟؟ وحزنت على نفسي لما قالوا هالكلمة ... أكيد صاحبتي تبي لي الخير بس مو حلوة ينتشر عني ... وارجع وأقول النصييييييييييييييب لو ربي كاتبه لي كانوا جووا ولو انهم سامعين أكثر من كذا .... الله يعوضني خير والخلاصة من هالسالفة ... تأثري من كلمة " عمرها ما يسمح لها تتشرط " أما كم عمرك ؟؟؟ جد ما قد انسألت هالسؤال ... لأني ما أحتك إلا بآقارب أو بزملاء عمل وأنا من تخرجت وأنا متوظفة فهم أعرف بعمري مني ... .......... الله يفكنا من الناس الحشريين ويفكنا من هالأسئلة اللي تخلي الوحدة تصعب عليها نفسها ... ويرزقنا عاجلا وجميع بنات المنتدى والمسلمين

غدا أفضل
هلا والله بخويتي
وش صار عليك تبغين نطلع ابتعاث سواء .. بلا زواج بلا هم

قصتك أحزنتني .. وزميلتك بارك الله فيها أجتهدت لكن ما كل مجتهد مصيب .. وثقي أن الله سيعوضك خير .
ويارب أسمع عنك أخبار حلوة .. لكن هاه بلغينا هنا في المنتدى .. لأن نويت أطلع معك برا (لازم ما يقولها أحد قصته تتعلق على طول )

دعواتي لك بالتوفيق،،،