فيه قصة وقفت عندها كثير وهي ( أم زواج ولدها قرب تبي تنصحه قالت : يا ولدي خلك رجال لا تسوي مثل أخوانك الثلاثة كلهم رخوووووم وحريمهم يتحكمون فيهم أنت آخر العنقود وأبي ترفع رآسي وتأدب حرمتك من اول يوم في زواجك قالها : وش الحل يمه ؟
قالت الحل وأنا أمك : البنت من أول يوم لازم تكسر شوكتها .
قال : وشلون
قالت الأم : أول ما تدخل البيت وتجلسون عطها كف ليييين يلف وجهها عشان تخاف وراح ترتاح من عوار الرآس طول العمر وتحسب لك الف حساب غسلت العجوز رآس الولد
جاك ابو الشباب اول ما دخل الغرفة قال :
مبرووووك يا عرووووسة وعلى طول طرآآآآآخ كف
لكن جاه الرد إللي ما كان يتوقعه العروسه يوم جاها الكف لا شعورياً دورت أقرب شي لها لقت الطفاية على الطاولة إللي قدامها طبعاً الطفاية قزاز أصلي رمت الطفاية على جبهته وشقت نص وجهه اللهم لا شماته
العريس أغمى عليه واتصلت البنت على أبوها تقول يبه ألحقني في الفندق بسرعة والدها خاف لا يكون شي ثاني المهم وصل الفندق لقى العريس مغمى عليه وغرقان في دمه اتصلوا على الإسعاف ووصل وأخذوه على المستشفى و 14 غرزة في ووجهه ورآسه والزوجة طبعاً طلبت الطلاق وكان لها ذلك أنتهت القصة .
التعليق / بصراحة أنا مصدوم من أمه وشلون تنصحه هالنصيحة المتخلفة خربت زواج إبنها عشان ترضي نفسها لو قالت لإبنها الله الله بزوجتك
وبدت تنصحه بالخير والعطف والإحسان على زوجته
ما كان شفنا هالنهاية السيئة مالهم متزوجين ساعة وحدة ولدينا مصاب حالته حرجة
وزوجة مظلومه ومطلقة الله يعوضها بالخير.