السلام عليكم

جاني رد على أحد مواضيعي ( خلك رجال مثل الرجاجيل مواضيعك زي وجهك )
على باله إني اطلع أسرار بيتي إذا شاركت بموضوع عن تجربتي في الحياة الزوجية
عادي جداً وأتقبل هالرد بصدر رحب
تذكرت أحد زملائي ركب معي في السيارة وقبلها بكم يوم جتني هدية من زوجتي
عبارة عن قلب كبير وحرفين ما لقيت له مكان بالسياره إلا في الطبلون الخلفي
وصورة لبنتي عمرها 9 شهور ووضعتها على الطبلون الأمامي للسيارة
وتعليقه للمرايه على شكل دب صغير أحمر
ركب معي أخونا في الله ويوم شاف ذا القلب الكبير والحروف وصورة بنتي والتعليقه
قال يا ولد وش ذا الخرابيط قلت اي خرابيط
قال عيب عليك تخيل أحد يشوفك صورة بنتك وقلوب وحركات مالها داعي
أنت مهبوووووول ههههههههههههههه
قلت يا رجال الزم أرضك لا أركبك أقرب تاكسي ههههه
والله وش ذا العيب إللي مسويه سيارتي وانا بكيفي
سكت شوي وقال آسف
والله لو منت غالي ما قلت هالكلام
وبعدها القلب الكبير على باب غرفة النوم
والتعليقه والحروف على دولاب ملابسي
وصورة بنتي في محفظتي

يعني لازم نرضي الناس على حساب سعادتنا الله يعين قولوا آآآآآمين

وسلامتكم ,,,,

اها ..
الله يعين

مسأله قناعات تختلف من شخص لآخر.. اهم شي انت واثق من الي تسوية وماعليك من احد

الحمدلله على نعمة العقل والحكمه

ياخي اذا انت سعيد في حياتك الزوجيه صلي لك ركعتين آخر الليل واحمد ربك ما بقى الا تصور لنا احداثك اليوميه

ترا هذي موب من المرجله الله يصلحك

الرجال اللي يسعد أمه وابوه وزوجته وعياله ويسكت ويحتسب الأجر

والمنتدى لطرح المشاكل موب لمواضيعك التافهه

ما أقول الا الله يتمم عليك بعقلك بهالرمضان المبارك

__________________
استغفر الله الذي لا إله إلا هو الحي القيوم وأتوب إليه

كفو ووفو الاخوان الى قبلي ..........

يخوي الناس ينطبق عليهم سالفه جحا وولده والحمار

اذكرها للي مايعرفها واعتقد الكل يعرفها
هذا ياسيدي جحى بغى يروح مشوار هو وولده
قام ركب على الحمار وولده يمشي ومر على ناس قالو وش الهالقلب راكب على الحمار ومخلي ولده يمشي
قام قلب الشغله ومر على ناس قالو ضاع الادب الولد راكب والاب على رجوله
قالم وركبو الاثنين على الحمار ومر بناس قالو وش الجبروت كسرو ظهر الحمار
قام مشى هو وولده وماسك الحمار
ومر بناس قالو وش هالغبى ليه شاري الحمار

تحياتي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اجل وشي المرجلة بنظركم..؟؟

جاوب ياغريب؟؟

ماشفتكم قلتوا الكلام هذا لواحد من الاعضاء هنا (رجل ولكن)
يوم خان زوجتة....وماعلقتوا علية مثل اخونا في الله ...(مجنونها موت)


المرجلة ايش بنظركم (يارجالنا ...الخليجين))


والله وانا اقراء ردودكم....

معقولة في عقول مازالت ترى ان حب الزوج لزوجتة عيب؟؟؟؟



الرجال ماقال انا فلان ولد فلان وزوجتي فلانة بنت فلان وترانا سوينا وحطينا...


كل اللي قالة تجاربة الناجحة بزواجه...


يعطنا نموذج للزوج الرائع مع زوجتة وتعاملة معها...

(مع ان النماذج الرجال الرائعين جدا مثلة نادرة جدا في مجتمعنا)

لانهم للاسف يشوفونة (عيييب)


بس يجي واحد ويتكلم بكل وقاحة ويقول(انا خنت زوجتي)


نلقاكم تطبطبون على الزوج.....


اخينا (مجنونها موت)

الله يزيدك من فضلة ويستر عليك ويكفيك شر شياطين الانس..



والاعضاء اتمنى ردودكم يكون فيها احترام لوجهات النظر...
مو زي(........) زي ماتفضلتوا..
حنا ارقى من كذا...

مجنونها موت ما عليك يا بعدي من بعض الناس
الحسد مالي قلوبهم وما وده يطور نفسه

يا إخوان خلو الرجال يكتب أنا اعترف فادتني أفكاره
هو ما ادعى الكمال لكن إنسان جرب بحياته أشياء ونجحت
وقال يبغى الخير للجميع فكونا من بعض العقليات المتحجره

الله يحميكم من العين والحســـد
واقول لغريب وغيره..المنتدى مو بس للمشاكل على قولتك
ومواضيعـــه بعيدة عن التفاهة اللي تتكلم عنها..الله يصلحكم ويكون بعون اللي تاخذكم

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين