حبيت أستشير أخواتي الكريمات ممن لهن الخبرة فأنا شاب أبلغ من العمر 30 عاما أعمل معلم ومشكلتي ماأحد يعلم عنها إلى الآن من أهلي وهي أنني إلى الآن لم أتزوج ليس لعيب في والحمدلله ولا لقلة المادة فحالتي المادية ممتازة ولله الحمد والناس والأصدقاء أحرجوني جداً بهذا السؤال لماذا إلى الآن لم تتزوج ؟ ألم تفكر بالزواج ؟ هل لديك مشكلة ؟ حتى أن بعضهم يقول لي لو جمال عليك علي ماقعدت دقيقة ؟ وأنا صح ماناقصني شيء ولله الحمد لا مال ولا طول ولا جمال لكن المشكلة أكبر من هذا بكثير ودائماً أفكر وشلون لو عرفت أمي وش بيكون موقفها أو أحد من خواتي أو أبي أو أخواني خصوصاً أن أثنين من أخواني أصغر مني تزوجوا وبعضهم معه أولاد ومشكلتي إني بصدق أحب وحده لحد الجنون واللي أكبر من هذا إنها مطلقة ومعها 3 أطفال وأنا عارف سبب طلاقها من زوجها (الضابط) الغرور لكن ماهي مشكلة أنا أحبها من كل قلبي وماراح أزعل منها بشيء بإذن الله حتى لو هي مطلقة ومغرورة ومعها أطفال أنا أحبها وما أتصور أرتبط بوحده غيرها تصدقون أنني أحب حتى أمها لدرجة ماتتصورون ورغم إن أمها صغيرة بالسن تقريباً ومطلقة أيضاً وتكون أمها بنت خالتي وأن دائماً أزورهم خفية إلى درجة أن المشكلة تعقدت زود لأن أمها وقعت في حبي أنا وأحس إنها تعلقت بي أكثر من اللازم
لأني والله صادق أنا طيب لدرجة ماأحد يتصورها الحمدلله بس طيبتي دمرتني وتجعل كل من يتكلم معي يحبني لو مايعرفني أنا والله لاأمدح نفسي ولكنها الحقيقة ونرجع للسالفة أنا دائماً أخدمهم وأجيب طلباتهم والأم تذهب معي أحياناً بس ألاحظ إنها تتزين بقوة وأنا أخاف على نفسي وعليها لأنها تسوى عيوني هي وبنتها وش رأيكم أنا أموت بهالعائلة أفجرها وأتزوج بس تكفوون رأيكم أنا محتار وماسجلت بهذا المنتدى إلا أبي رأي المطلقات عيب أتزوجها وأنا شاب كل بنت عندنا بالعائلة تتمناني .

المشكله ليست في كونها مطلقه او بكر .

وليس عيبا ان تتزوج مطلقه وانت اعزب ..
الاهم من ذلك حسن الاختيااااااار سواء بكر او مطلقه ولا ارمله ....

فكر جيدا بعيدا عن عواطفك .. فكر بعقلك ..
هل تصلح هذه المراه ان تكون زوجه لي ومربيه لااطفالي .؟
هل انا مستعد ان اناسب هذه العائله ويصبحون أخوال لابنائي ..؟

لو سويت زووم ... فكر في عيوبها ..؟
فكر في امها وتصرفاتها ..؟

ايش نظرة اهلك عنهم ..؟
اقصد يمدحون اخلاقهم او لا ...؟
فكر برويه بارك الله فيك ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

شكراً شكراً أختي الكريمة على ردك الجميل وأخلاقهم زينه مرة بس تعرفين يعني الشيطان يجري مجرى الدم وماحصل مع أمها عفوي لأنهم فاقدين الحنان شوي وإن شاء الله أفكر والله يوفق .

لي عودة بإذن الله

__________________

الوليد ما شاء الله عليكـ الله يرزقكـ من واسع فضله
وبما انكـ تحبها لهدرجه ومستعد تتحمل اي شيء عشانها وحتى اطفالها لأنها حتى لو تزوجتكـ بتضل تتواصل مع اطفالها كثير
اذا شفت انكـ قد هالموقف فتوكل على الله وتزوجها وماهو عيب انكـ شاب وتتزوج مطلقه ( المطلقه تزوجت بالحلال وفشلت في التوافق مع زوجها وتم الإنفصال ) .

وبصراحه خوفتني اول كبرت السالفه اكثر من الآزم جلست اقرى وتوقعت مرض لسمح الله الحمد لله انها كذا وترى كثير شباب اللحين يتزوجو مطلقات

دامكـ عازم بتتسهل الأمور والله يوفقكـ

شكراً لك أختي الكريمة وأنا بالعكس ماكبرت السالفة بس تعرفين الناس عندنا راح ينتقدوني بهذا الشيء وكيف يأخذ مطلقة بعد ومعاها أطفال ومن هالكلام اللي تعرفين وبعدين أنا والله ماهمني كلام الناس لكن ماأعرف كيف بتصير ردة فعل أهلي أخاف يرفضون خصوصاً إذا عرفوا إن هذا سبب تأخيري عن الزواج شكراً لك من القلب على كلماتك النيرة الله يوسع صدرك مثل ماوسعتي صدري شكراً مرة أخرى.

فكر جيدا بعيدا عن عواطفك .. فكر بعقلك ..

تدري عاد يا خوي انك مندفع في عواطفك وهذا الشي خطر

اخوي راح اكلمك مثل ما اكلم اخواني
انت مو صغير ورجال مقتدر مشكلتك ان العاطفه جياشه عندك انت الان مو شايف فيهم الا الزين
انا راح افند لك صفاتها وانت احكم
مطلقة ولديها اطفال يعني ابو الاطفال موجود
هل تعرف علاقتهم معاه اولا ؟؟؟؟؟؟؟
كم عمر الاطفال وهل الام متعلقه فيهم وهل تتواصل مع الاب علشانهم
فيه شي ثاني الصرفيه انت مدرس وابوهم ضابط
تقدر تعيشهم الوضع المادي اللي هم فيه >> بحال انه الاب يصرف على عياله بترف
الزوجه نفسها كانت عند رجل غني يمكن ياخوي راح تطلب نفس المستوى خاصه انك تقول انها مغرورة
امها تتزين لشاب >> هنا فيه مليون استفهاااااااااااااااااااااااااااااااااااااام
انت الان برى الجو الاسري مو شايف اللي الزين ليش
لان هذا الزين معاك انت
هل ترضى التصرفات هذي من امراة لرجل ايا كان ؟؟؟؟؟؟؟؟؟؟؟

القضيه ياخوي بالاخلاق والترتيبات اللي تجي من وراء هذا الزواج
فكر كثيييييييييييييييييييييييييييييييير
وشاور ناس يعرفونك انت ويعرفون سخصيتك وهل انت قادر على التضحيه من اجل هذي الاسره لانك فعلا راح تدخل على اسرة زوجه وامها واولادها !!!

الله يكتب لك اللي فيه خير

__________________

لاخاب من استخار ولا ندم من استشار

استخر الله تعالى واستشر من تراه ذا عقل ودين

أخي الفاضل لايجوز الجلوس مع غير ذي محرم ولا النظر إلى النساء من غير من أحل الله لك فانتبه رعاك الله

وفقك الله لما فيه الخير

__________________
حسبي الله ونعم الوكيل

تحبها وتبيها..وأمها بعد تحبـــك وتتزين لك..
شسالفـــة..؟
اصلا ليش تروحلهم..بأي حق..؟
رجال غريب عنهم..شلون سمحولك تدخل بيتهم..؟
تقضي حوايجهم..جزاك الله خير
من الباب للباب وبس..اما ان امها تروح معاك فهذا غلط..وانت اكيييد تعرف

واذا كنت تحب البنت..روح خطبها من أهلها بسرعـــة ولاتكثر روحاتك لهم إلا لما يكون في رابط شرعي
الله يوفقك ويقدر لك الخير

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين