التغير المفاجأ الذاي طرأ على حياتي الزوجية فحطمني (عدة مشكلات متسلسلة)
اللهم صل على محمد وآل محمد وعلى صحبه أجمعين ..
راح اعرض بموضوعي عدة مشاكل بتلخيص لان يمكن تكون كلها مترابطة ببعضها وتكون مترابط وكل شي مفهوم وبيكون غير مرتب عارفة عشان نفسيتي مو اوكي
بس احب بالبداية اعطيكم نبذة حياتي اني عمري 22 سنة وعندي ولد صغنطوط الله يحفظه ، تزوجت وعمري 18 سنة يعني دخلت ع السنة الخامسة مع زوجي ..عشت مع زوجي ال3 السنوات الأولى بالجنة مثل الملكات ..مايحتاج أفصل واذكرر أمثلة يعني الكل يعرف شلون تعيش الملكة ، كان يموت فيني وطاير فيني حبه لي لايوصف لدرجة ان انا اقعد وهو يعمل شغل البيت عني كامل يطبخ عني يغسل عني يسهر علي لما امرض..
الكل كان يحسدني عليه ولما تصير مشكلة مع وحدة وزوجها واجي بتكلم يقولوا لي انتي اسكتي خليكي على صوب انتي عاد زوجك ملاااك..
المهم
ما اعرف بصراحة من وين ابتدي بكتابة مشكلتي مع زوجي ، ماكو مشكلة محددة بيني وبينه بس المشكلة ابتدت من بعد ماولدت بطفلي..فجأة ماقام يساعدني او يشوف حتى تعبي كل شي صار علي حتى الاشياء اللي من جهته كرجل صارت علي فجأة حسيت اني لوحدي صرخت بكيت استفهمت جلست وياه عدة مرات ووعدني يرجع مثل قبل يقول مدري شفينيّ! وماعندي
غيرت اليه اجواء وعملت اليه حفلات ، وانا من النوع اللي ما احب اهمل نفسي بالمرة حتى بعد الولادة ما اهملته الا اول شهرين او شهرين ونص يعني لاني ام جديدة وما اعرف اتصرف وماعندي ام تساعدني الله يرحمها ..
توقعت ان فترة وبتعدي بس الرجل صار يتراجع ويتراجع ولاعاد يحس فيني ودووووم ينتقدني واستغرب حتى باللحظات الحلوة اشوفه ينط وينتقد على لاشي استغرب ويصيدني ذهول من التغير المفاجا والبرود والبلادة اللي دخلت حياتنا اللي كانت ملييييييييئة بالحب والمفاجآت والدلع !!
شصار؟؟
آي دونت نو
عجزت واني اصلح بالاشياء وبنفسي وبردود افعالي واصبر عليه ، ماعاد يشوف شي حلو معاي كل شي انتقاد يتدخل بشغلي بالبيت بكل شي ، للحين يحبني بس اللي صار اني لما عزيته اكثر وحبييته اكثر قاعد يروح عني ذبحته من زود ما اقول اليه انت ليش مو مثل قبل اشتتقت لزوجي القبلي حرااااام ارجع مثل قبل ما اقدر اعيش بجحيم الجفاف والبلادة والانتقادات قاعدة اسوي المستحيل حتى ارضيك ما احب اطلع وانام برة البيت اسبوعيا مثل زوجات اخوانه احب اكون دوم متواجدة واخدمه من يقعد لحتى ينام..
زوجي يحب يعرف عني كل ششيييي ، مومقصر معاي بشي لا ع الخاص ولا العام بحياتنا بس صاير يحبني من داخله بس من دون افعال تذكر الا نادرا
حياتي معه غييييييير مستقرة حاليا ، يعني اقل شي يصير انفجار ومن يومين او ثلاثة صايرة هادئة والكل متحير من هدوئي داخلة بداوامة صمت صحيح اقوم بواجباتي بس دوم منعزلة واريد هدوء ولوحدي ، صرت احمي نفسي بالعزلة عن الدخول بصدامات عاطفية معاه احس اني بكابوس وهذا الكابوس طول واااااااااااجد وطووووول وقاعدة احصد ثمار فاسدة ..شنو الحل معاه ؟؟
اكو اشياء اني ماقلتها لكم يمكن تكون مهمة اول سنة من الزواج وبالشهر السادس بحياتنا على حد ما اذكر حصل منعطف بحياتي مع زوجي او هذا الشي يخصني اكثر ، كنت مع زوجي قبل بس ماينام بدقايق وفجأة شفت قلبي يدق بسرعة وابكي وقفت بسم الله الرحمن الرحيم ياربي شنو السالفة وظليت حتى الصباح ورحت ع الجامعة وعيوني متنفخة وانا ما ادري ليش ابكي بسسس خايفة واحس ان احد يقول لي موتي ترى الدنيا كل شي بيها اسود ومابيها شي حلو !!
قلت لزوجي ماصدقني وظلت الحالة تتكرر ماااقدر اروح الجامعة وخصوصا بالمحاضرات ولا اقدر افهم شنو يقول الدكتور ازيييييد لما اروحها وبس احد يجي ياخذني ارتاح وظليت ع هذي الحالة محد يصدقني او يعيرني اهتمام ، بعد فترة زوجي سافرر الحج وهني كل شي تغير دخلت بدوامة مالها او من تالي مرضت بيوم ساف ر واخذني عمي ابو زوجي وامي للمستشفى وكنت طبيعية عاد ي اضحك واني من النوع لما يحطوا عليي المغذي اخاف اوبكي صار عمي يضحك وبعد امي الله يرحمها ولما حطوه وانتوا بكرامة احتجت للحمام وبس طلعت من الحمام تغير كللل شي طلعت ابكي واضضرب نفسي واريد اقلع المذي من يدي وابكي بصوت واضرب ماما والدكتورة وكل اللي حواليي واصرخ بموووووووووووت خلاص اختنققققققققققق اكو احد يخنقني باعدوووووه عني وعمي جا يركض ويمسكني واني اضربه واني اصرخ بسرعة اريد منوووووووووم وامي تمسكني وانا اضرب بالحديد وبس اصرخ ما اقدر ابكي واشوف كل شي اسود وما اريد اعيش بالحياة مع مو من ارادتي وبسرعة تواجدوا الأمن وصار التحقيق مع الدكتورة ومع ماما ومع عمي وكانت متواجدة نيرس طوارىء وكانت تسولف معاي وتضحك وتفاجأت من الانقلاب اللي صارو تكلمت مع الأمن بعد ، صار عمي يبكي ويقول خلاص بنخسرها وزوجها بعيد قالت الدكتورة اتصلوا لزوجها خلها تكلمه وكان توه رايح وبيطول ومايقدر يرجع خلاص لان يشتغل هناك فظل هناك بجحيم وانا هنا بجحيم وبس طلعنا من المستشفى رحت لشيخ يقرأ عليي ولما قرأ عليي وقال عيييين قوووووية قوية قويةوبعد ما قرا نمت خلاص وقعدت ماكو شي بس متبلدة مشاعري وظلت الحالة تتكرر والمصيبة لما جا زوجي وتصيدني اكرهه واريد بس يوقف واضربه لازم اضربه وهو بس واقف ويتألم وظليت ما اهدأ الا بالمنومات من المستشفى ، تعب زوجي معاي الكل تعب معاي ولا آكل ودوم بالحمام اعزكم الله ، بعد فترة اخذني لمستشار أسرة ، وعمل لي جلسات واتصال بالذات بعد بالنهاية قال لزوجي زوجتك رائعة وقيادية وماشاء الله ماكو اي شي بشخصيتها طبيعية بس هي تعرضت لكثييييييييييييييير صدمات قوية طول طفولتها وهي تتعر لأشياء كثير بس ماشاء الله صامدة طلعت من عنده وانا فرحانة ومرتاحة وبس وصلنا بنام رجعت الحالة بأقوى وأقوى وأقوى علي السعة 2 الصبح انا بالمستشفى وعطوني تحويل للطب النفسي بس ما استجبت لهم الساعة 4 الصبح انا اتصل للمستشار اصرخ وارتجف ويقول لي تعالي اليوم 2 الظهر ورحت مع زوجي يقول شنو اللي صار هذي وحدة غير قلت اليه اريد اقول شي اللي يصيدني مجبرة عليه انا ما اريد اموت بس احد يجبرني دكتور تصدقني؟؟ قال اصدقش وكلمني واجد ...وحملت وصادتني الحالة وتوفت ماما بحملي وصادتني نفس الحالة ..
بعد الولادة مباشرة بس طلعت من غرفة الولادة صادتني بس الحين من سنة ونصف الحمدالله خفت علي الحمدالله بعد انتكاسات طويلة ..
هذي الحالة هزت ثقتي بنفسي كثير ، صرت احب العزلة ، طلعت من الجامعة ماقدرت اواصل ، صرت من اقبل على اي شي ممكن احقق فيه نجاح تجيني الحالة وترجعني ، راحت طموحاتي بسبب هذي الحالة
حياتي مقلوبة فوق تحت ، مزاجية ، اتحسس من زوجي واطفشه بطبعي هذا ، بس احبه والحمدالله بعد الولادة صرت اقوى واحرص ع زوجي
حياتنا بين مد وجزر ولانعرف استقرار دوم زعل دوم مشانات موجودة ، دوم نخاف نتكلم مع بعض ويصير شي ..
يتبـــــــــــــع
((أم المختار))
18-08-2011, 08:47 PM
ضوابط المشاركة
العرض العادي
