السلام عليكم ورحمه الله وبركاته


حابة استشيركم في طريقة تعاملي مع زوجي في الفترة هاذي

زوجي طبيب اسنان قبل تقريبا ثلاث شهور جاءه مريض مدمن سابق ًٍ(سجين) واثناء معالجته اتمزق القفاز واتجرح

رجع هدالك اليوم من الدوام وهو انسان تاني
طبعا هو وسوس من انه يكون الشخص هذا معاه امراض متل الايدز والكبد الوبائي او غيرها من امراض الدم ويكون المرض اتنقل له من الجرح
ومن هذاك اليوم وهو حاله اتغير في حاجات كتير معظمها ايجابي
متلا اتقرب الى الله اكتر من اول زمان كان يصلي في البيت لكن بعدها صارت الحمد لله صلواته كلها في المسجد وصار يحرص عالنوافل

معاملته ليا صارت زي ما كنت اتمنى واكتر (كانت بيننا مشاكل واختلاف وجفا ) لدرجة ما كان يرضى ينام الا وانا جنبه
وصار اكتر حنان على بناته واكتر خوف عليهم
صار يفكر كيف يئمن مستقبلهم وكيف حيعيشوا من بعده وكدا
صار دايما يسالني اذا صار فيا شي من الجرح حتسيبيني ؟؟

طبعا انا من يوم صار معاه كدا وانا والله في فرحت لانه اولا اتقرب لربنا اكتر ولانه اتغير معاملته معايا وحتى صرت اقوله والله بتعاملني زي ماكنت اتمنى واكتر بس كان اللي منغص علينانظرته السوداوية وانه اكيد اتنقله شي لدرجة من يوم ما اتجرح فوق خمسه مرات سوا تحليل دم والحمد لله مافي شي "" واذا دخل الحمام يقعد كتر من نص ساعة يفتش في جسمه اذا فيه اي اعراض طلعتله من اعراض الامراض ديك من يوم ما تطلعله حبه عادية في جسمه خلاص يعتبرها نهاية الدنيا ويقعد مكتئب

انا الحمد لله في الفترة هديك احتويته قد ما اقدر وقدرت مشاعره وخوفه وكنت دايما اقوله انشالله مافيك شي وانصار لا قدر الله ماراح اسيبك ومن دا الكلام
المهم قعد عالحال دا تقريبا شهرين قبل رمضان باسبوعين اتقلب حاله معايا انا وبناتي لكن الوسوسه والاكتئاب موجود بس الحمد لله صلاته زي ما هي في المسجد
صاير عصبي ماصار يحتمل البنات لما نخرج مشوار بالسيارة وتعرفه الصغار يتاقروا يقعد يصرخ ويخاصمهم و" انتو طفشتوني وانا ما عاد اشيلكم اي مشولر ومن دا الكلام " اما معايا فرجع زي زمان وصار يتمشكل على اقل الاشياء ليش مارفعتي ليش ما شلتي دا الشي ليش ماسويتي كدا وعلى دا الحال ليومك هادا
طبعا مع بناته مو كل الوقت معصب لكن معظم الاحيان
اما معايا طول الوقت حتى. لدجة العلاقة الخاصة اول ما صار معاه كدا ما رضي يقربني نهائيا وما قر الا بعد ما استخار وخلاني استخير وكدا وصارت ينكم مرتين بس

طبعا الامراضاللي خايف منها لها فترة حضانه تكون في الجسم عشان تبان في التحليل
والاطباء يختلفوا في هادي الفترات في مين يقول انها بعد اسبوعين لو حللت خومافي شب خلاص ومنهم 45 يوم وزي كدا كل دكتور وكل منظمة صحبه لهم مدة معينة لكن معظمهم متفقين انو اقصى شي اذا حللت بع 3شهور ومافي شي اكيد انشالله مافي
طبعا زوجي حلل في كل فترة مكتوبة لدرجة المختبر بعد تالت مرة قله ان جيت معد حسويلك انت مافيك شي لكنه راح مختبر تاني وسواها
المهم انه الين يصير تلات شهور يكون نص شوال تقريبا
فانا حابة اعرف كيف اتعامل معاه حاليا وارجعه زي اول ما صار معاه
وكيف لو بعد 3شهور برضه موسوس
وكيف لو لا قدر الله طلع معاه شي
وتحياتي
*

معليش ياجماعة الكلام ملخبط ومو مرتب لاني داخلة من الجوال من الجوال

الله يعينج وييسر امرج
ما بيدج الا تدعين وتحتوينه مثل ما سويتي

اجرج على الله

__________________
لا اله الا انت سبحانك اني كنت من الظالمين

عامليه نفس تعاملك قبل مايتعرض للموقف ويوسوس
ولا تحاولي تحتويه ولا شيء يكفي قولتيله لو طلع فيك شيء مارح اتخلى عنك خلاص هذي تكفيه
لأن اهتمامك يزيده وسوسه ويحسسه بالضعف
ولو طلع سليم بإذن الله أبدئي ناقشيه بموضوع تعامله معكم
وقوليله كفى بالموت واعظ يعني لو نفكر بالموت ونؤمن أنه ممكن نموت بدون سبب وفي أي لحظه صدقني تقربنا لله أكثر وحياتنا كانت أفضل بكثير
وذكريه بأن ممكن يكون يومك قبل يومه واطلبيه السماح ووصيه ع البنات خليه يعيد حساباته ويواصل التغيير للأفضل


الله يطمنك عليه ويسخره لكم

ان شاء الله كونه طبيب بيكون سهل عليه يستوعب التحليل
الفترة هذه احتويه واصبري عليه وضعه صعب جدا جدا ماهو سهل ابدا
واذا تحليل ال 45 يوم سلبي ( لا يوجد فايروس ) معناه لا يوجد
وهو يجرى بالمانيا ياخد اسبوعين
احتويه وصبري عليه واعانه الله على ما هو فيه
انتظاره لفتره الثلاث شهور كمن ينتظر نتائج الثانوية العامة
العصبية مو بيده - من الخوف والقلق
ماكره العيال ولا كرهك لكن كله من الخوف والقلق وهو معذور هذا ليس زكام
اعانه الله على ما هو فيه

ربــي يحفظكم ويقربكم لبعض ويملي حياتكم سعادهـ / أمين /

مشكور/ة اخ/تي موهبة الكويت

رواء الايمان انا الصراحة كمان اتعظت منه قربت اكتر من ربي كمان ومنه هو وكنت مبسوطة بانو علاقتنا اتحسنت كتير وهادا الشي خلاني ازيد في قربي له لا شعوريا لاني اتمنيت المعاملة الكويسة منه من زماااان
الحمد لله على كل حال ومشكورة


الفهيم جزاك الله خير وتحليل45 يوم سلبي بس برضه ما اقتنع في نتيجته وكونه طبيب احس انه بالعكس يزيدع وسوسه لانه عنده خلفيه كبيره في دي الامراض فيقعد يوسوس بزيادة وشكرا لك

عاشق الاروى جزاك الله خير على الدعوة ولك بالمثل انشالله

الله يعينك انشالله

الله يعينك اختي
زوجك ان شاء الله مافية شي واضح انه خايف كثير من هذا المرض ومن شدة خوفة اصابه الوسواس
طيب ليش ما تخلينه ياخذ اجازة من الدوام وتسافرون 10 ايام حتى لو خارج المملكة وهناك انتى تلعبين دور كبير في انه ينسي المرض يعني راح تخرجون كثير وراح ينسي اذا شاف الطبيعة والاجواء

وعندي اقتراح بعد شهر شوال اذا تودينة عند قارئ معروف يرقي علية لينشرح صدرة ويزيل همه

وربنا يشفي زوجك وتكون خيرة له

غنوجة جزاكي الله خير عالدعوة ولك بالمثل
Alsarem
صحيح زوجي احس صار اللي فيه وسواسوبالنسبة للاجازة هو ماخد اجازة ثلاث شهور قدام وبالنسبة للسفر ما يصلح انا حاليا بحاول فيه اننا نغير جو لو جدة او الطائف عالعيد
والرقية زوجي مايعترف بها او بالاصح يقول انا ارقي نفسي بنفسي وحاليا هو بيسوي كدا
جزاك الله خير