انا خطيبتي ملتزمة والحمد لله وهذا طلبي من البداية
وحافظة من القران وتخاف ربها
اما انا فالحمد الله متوسط لا اترك فرض من الفرائض الدقن اربيها خفيفة مجتنب الكبائر احاول الاقلاع عن التدخين احب الفله والطلعات والكشتات
وخايف ماذا اتزوجت زوجتي تعقدني هذا حرام وهذا لا يجوز انا صراحة ما احب كذا ابدا
ايش رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟ظظ

الملتزمة , يكون التزامها في امور الدين
اما الفلة و الكشتة و الرحلات , على خبري مو حرام
فلا تتوقع الملتزمين يعني ما يحبون الوناسة و سعة الصدر
الأهم ان تكون سعة الصدر من غير خلطها بحرام كالأغاني و الإستهانة بالحجاب
فأن رفضت تعتقد انه تعقيد...

__________________

لا لاا تخاف ان شاء الله انها وجه خير عليك

انت اهم شي وقت الرحلات والسفر خذها معك

تريد ملتزمه وخايف منها

وقت تقول لك حرااام وغيرو افرح واحمد ربك انو عروستك ملتزمه ورح تربي اولادك تربيه صالحه

__________________
http://live.gph.gov.sa/
اللهم اني استودعك اولادي

ممكن تكون فلاويه
الله واعلم
كلن وشخصيته بس الالتزام ماله علاقه كثير

اولا ,,, الانسان الملتزم يقابله انسان عاصي ,,, يعني خطا انك تقول فلاوي يقابله ملتزم
من الاخير قل انا شخص مقصر في العبادات او قل انا المعاصي عندي اكثر من الطاعات
اما انك تجعل الفله مقابل التدين هذا خطا كبير ,,,
ويكفيك ان المتدين قلبه مرتاح حتى لو كانت هموم الدنيا على راسه لان الله وعده (فلنحيينه حياة طيبه)

ثانيا ,,, من وجهة نظري ان البنت اخطات انها اخذت شخص مدخن وهي ملتزمه (جدا) لانه يبدو لي انك ماانت ناوي تساعدها على الخير ولا انت ناوي تخليها تساعدك عليه اجل ابفهم ليش تبي ملتزمه يعني بس عشان انها ماكلمت شباب ...
ثالثا ,,, لما الرجال ياخذ بنت عادية ويكون ملتزم يجون الاعضاء يقولون ليش تاخذها وانت عارف انها عاديه ... لاتضغط عليها .... الخ وانا بعد اقول لك انت تعرف انها ملتزمه وهذا طلبك وتجي بالاخير تقول اخاف واخاف ... يعني انت اخذتها ملتزمه ليش ؟؟؟ مثلا عشان تخربها ؟؟؟

رابعا .... وش فيها لما تقول لك هذا حرام وتحاول تساعدك بترك المعاصي واللا تبيها مثلا تشوفك تتفرج على افلام اباحيه -بعيد عنك ان شاء الله -وتجي تتفرج معاك وتقول ابفلها مع زوجي !!

خامسا ,,, الله يكفيها شرك ويثبتها على الخير ,,, ومسالة التدخين انا ماقد شفت شخص مصر على التدخين كلهم يبون يتركونه ,,, واذا انك مو كفو بنت رجال متدينه خلها ببيت اهلها وبيجيها اللي يستاهلها ...
قسم بالله عقليات سخيفة يقول ابي ملتزمه وآخرتها يقول اخاف تعقدني ,,,,

اخيرا مااقول الا الله يهديك وترى انا رديت عليك بناءا على طرحك ممكن تكون اخطات بصياغة السؤال فلاتلمني ان كانت اجابتي بناءا على سؤالك ......

حياك أخي الغالي ..
هنيئاً والله لك إن كانت كما تقول .. ولعلها تكون أفضل مما تتصور ..!
أي خوف يعتريك هداك المولى من فتاة حافظة ، تحمل بين صدرها آيات من الكتاب الكريم ..!
أي تخوف يصوره لك الشيطان من زوجة المستقبل ، الفتاة التقية ، الدينة ، الزكية ..!
لالا تخف وكان يفترض أن تفرح لهذا الأمر فهذا والله مؤشر على حياة سعيدة بإذن الله .. بشرط أن يكون مع الإلتزام خُلُقٌ حسن.
تخيل بعد سنين تدخل بيتك فترى زوجتك وقد جلست بين أولادها كلٌ حمل معه المصحف الشريف وهي تعلمهم وتسمع لهم وتقرأ لهم وتبين لهم وتشرح لهم ، فتزرع في قلوبهم محبة هذا الكتاب ، ومنه ينطلقون لحياة هانئة خالدة في ظل الإيمان والتقى .
فكر في غدك أبقاك المولى سعيدا ومسرورا. وفقك الله.

__________________
كيف اقاوم الهم والألم. بالسجود راحة واطمئنان.

نهاية نوال..!

تراك محظوظ

وغيرك يتمنى مثل هالزوجه

شي جميل انك تتزوج وحده مثل زوجتك اهنيك صراحه عليها

بتعينك على دينك وبتخاف الله فيك وفي حياتكم الزوجيه

ورسولنا الكريم يقول

(فاظفر بذات الدين تربت يداك)

الله يوفقكم يارب

__________________
استغفر الله الذي لا إله إلا هو الحي القيوم وأتوب إليه

الله يتمم لك على خير ..

وعقبالنا ان شاءلله ..

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

مفروض تفرح بذلك اخى العزيز
وفقك الله