السلام عليكم

زوجي متعبني مرة
يغار علي من كل احد
حتى لما اكون فكوفي واكلم الجرسون
ومن اني اكلم الدكان فالتلفون
ومن كل شي
ويخاف علي كاني طفلة
لما يطلع من البي يقوللي لاتفتحي الباب لاحد
ولما اطلب من الدكان واطلعله وهو موجود
يعصب شوي وبياكلني
يقوللي انتي طالعة عند الهندي وووووووووووووووووو
اففففففففففف
طفشت

شوفي اختي .. زوجك ماشالله مبين يحبك الله يخليكم لبعض رجاء ياناس قولو ماشالله على البنت
بس هو حبه من النوع اللي تعدى الحدود .. وهذا لايجب ان يكون لأي زوجة

صارحيه انك تضايقين بهالشي .. .. وتأكدي انه طبيعي مافيه شي
واذا كبرت المشكلة كلمي اهلك ابوك او امك

بالتوفيق يارب

بس اخاف لو صارحته يزعل او يهملني يعني ماعرف

لا ارى زوجكِ غيوراً بالمعنى الذي هيئتيه لنا .

انا شخصياً .. لن ارضى لا لأختي ولازوجتي ان تحادث صاحب الدكان !
فما بالك بالخروج والأخذ منه! ( طبعاً مامضى وانا غير موجود ، فكيف اذا كنت موجود !! )

امثال زوجك كثير ولم يصلوا الى الغَيرة - الغير طبيعية - ، واللوم في الحقيقة على الزوجة
فالأولى والأسلم تجنب اي شئ يضايق احد الطرفين - اذا كان امراً يسيراً - كأمرك

وانتِ اذا اردت شئ فأخبريه به ، وينتهي الأمر ، فلماذا تأتين بالنكد لكِ وله ؟!



بالتوفيق.

زوجك ولا شي عند زوجي
طالع ليا بموال جديد لا تروحي عند اخوانك
لا تجلسي عند امي
حتى اخواتوا بما ان اعمارنا مقاربه لبعض زي صاحباتي خلاهم يبعدوا عني
نفسوا يقفل علي الجناح ويرتاح

اللهم لا اعتراض

لاتكوني حساسه اختي الكريمه

الامر عادي جدا وطبيعي

انا مؤمن بمقوله ( الاحداث لاتؤثر فينا وانما يؤثر فينا ردة فعلنا تجاه الحدث )

حاولي التكيف والتأقلم على جو الغيره الذي تعيشينه الان

لاتعطي الموضوع اكبر من حجمه

والله أختي أرى غيرته طبيعيه ..
ما لك إلا تحاولي تتأقلمي على هالغيرة ..
ومع الزمن راح تحسي الموضوع طبيعي جدًا ...

موفقه ،،

عزيزتي انا مااشوفها غيرة انا اشوفه اهتمام فيكي وتصرفاته هذي معاكي دليل على حبه لكي والله يخليكم لبعض وتحياتي

اعتراضه على انك تكلمين القرسون وتفتحين للهندي

هذا موب غيره هذا طبيعي والمفروض من نفسك ما تسوين هالأشياء

لأنه عيب عليك

والله انك محظوظة في زوج زي كذا ماشاء الله تبارك الله..

ماراح اقولك انو زوجك يحبك ويغار عليك ومن هالكلام بس بقولك انو زوجك رجاااااال وشنب يغار عليك زي أي رجال يغار على محارمه
صحيح الموضوع يضايق شوي, كونك ما تقدرين تخلصين حاجاتك الا عن طريقه هو ,خصوصا لو كان مشغول يعني ياليل ماطولك , لكن صدقيني مع الوقت ومع العيال راح تخف غيرته عليك في الامور العادية (مااوافقك في طلعتك للهندي وهو موجود)
واقولك هالكلام لان اهلي كذا..ابوي كان يغار على امي حتى من الجيران لا تروح لهم ومع الوقت خفت غيرته..

ووضعك والله احسن من حال كثيرات واولهم انا , اللي مايغار الا في السنة حسنة هذا ان تحركت عنده المشاعر اصلا...
تخيلي والله اني اغبط الوحده لما تكون مع زوجها في مستشفى وهو اللي يروح يخلص لها اوراق المستشفى ولا وصفة الصيدلية وهي قاعده..والله اني أمتر المستشفى من مكتب لمكتب ومن عيادة لصيدلية لوحدي ولا وولدي على كتفي بعد واحيانا وانواع الاحراج اذا كان المكتب مافيه الا رجال اوقف عند الباب واقعد اشرح له ام السالفة واللي يمرون يسمعون كل شي واحيانا والله ان بعض الرجال يرحموني ويخلصون اوراقي..

ولا اذا جيت ابي اصرف الدواء من الصيدلية ولازم امسك السرا وكل اللي وراي وقدامي رجال واشوف حريمهم قاعدات بالانتظار وانا اللي واقفة بينهم والله احس بالاهانة...
لا وولدي بعد يصارخ الله يهديه ويصلحه ويمسك غطوتي ويشدها تحت ولا يطيح عبايتي من راسي... انواع البهذلة الله لا يوريك...
احمدي ربك انتي في نعمة لاتقعدين تتشكين من شي غيرك يتمنا ربعه!!