السلام عليكم
كيفكم جميعا
والله ذبحن التفكير انا مملكه من فتره وحنا بعاداتنا مافي الواحد مايشوف حرمته الا بليله العرس

بس هو مصر يشوفني وكلم اخوي واخوي انحرج ماقال شئ وانا استحي وربي اتستحي حيل والله من قال يبي يشوفني ماقدرت اكل ونومي صار قليل انا خجوله حيل وهو مصر يشوفن وجاي من ديرته علشاني واخاف اجيب العيد وارتبك حيل

واذا قلت لهلي استحي محد يعطيني وجهه والله اني حياويه حيل وش رايكم اسلم واحط رجلي بس اذا قال اجلسي وش اسوي

وش السواه وش اسوي ابي اكون على طبيعتي

ساعدوني مالي غيركم

حبيبتي ارتاحي شويه ماله داعي كل الخووف دآآ والتوتر الامر اسهل مما تتصوري بس عشنك بالبدايه خايفه ومتوتره ..

فترة الملكه ياقلبي يكون فيها تعارف ولقاءات بسيطه بين المملكين ..

ومن حقه يشووفك ياقلبي ..

عادي لمن يجي اتزيني واتكشخي و باشريه بالعصير واجلسي ..

وهو راح يبادرك بالكلآم ..

تمناياتي لكي بحياه سعيده مليئه بالافراح والتهاني =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

عادي حبيبتي انه يزوركم
مدام انك مملكه فلماذا الخوف؟
حاولي كسر هذا الخوف لانه زوجك
لابد غاليتي ظهور الخوف لاول زيارة بس بعدين عادي

اكيد شعور يخوف
تجملي وكوني طبيعية، وإرتدي ملابس مناسبه ادخلي بهدوء وألقي السلام وأجلسي في مكان مناسب يسمح لك برؤيته
تحدثي معه وإساليه عما تحتاجي إلى معرفته في حدود الأدب والحياء وكوني هادئة ومرتاحة لا ترتبكي وكوني واثقة متماسكة ولا تتشاءمي وتتوقعي الأسوأ بل على العكس كوني متفائلة وتخيلي أن كل شيء سيكون على ما يرام بإذن الله واحرصي على النظر إليه فهذا حقك الشرعي توكلي على الله وفوضي أمرك إليه، وادعيه أن يوفقك لما فيه خيرك ...والله يوفقك ومبروك

يختي عادي خلي الامور على ماهي عليه وتمضي

يعني ادخلي وشوفي ان قدرتي تقعدين اقعدي ماقدرتي قومي وخلاص

ااااااااااااااااااه بس الا ليت الشباب يعود يوما اتمنى بس ترجع ذيك الايام واعيشها صح بايامها ولياليها نصيحه مني لك عيشي ايام ملكتك وانبسطي فيها وقابلي زوجك واجلسي معه وخوذي واعطي معاه طبعا مع شوية حيويه واذا كان على الخوف شئ طبيعي بس مو مشكله اول يوم تقابلينه فيه لاتجلسين معاه قدمي العصير واطلعي وبعدكذا ممكن تعزمينه على عشوه من عمايل ايديك او على جلسة قهوه وشاي يعني امشي معاه بالتدريج لحد مايزول الخوف اللي تحسينه لكن انتبهي تضيعين عليك الايام هذي .. موفقه ان شاءالله

ليش تحرممي حالك من الي الله احله لكم

هو قال يبغا يشوفك بس ويسلم عليك ومن حقه

بعدين هذي ماتسمى شوفه ، لان الشوفه قبل الملكه
هو حاب يسلم عليك ويسولف معك ويشوفك ويتعرف عليك


كلنا حياوين عزيزتي ومرينا في نفس موقفك

موب ساحه اعدام ، بالعكس المفروض ترتاحي وتروقي


وتهدي اعصابك عشان يعكس على نفسيتك


لا تحسسينه انك مشدوده خليك بانوثتك ودلعك ونعومتك


لاتخربينهم بالارباك والخجل الزايد


لحظات حلوه لاتحرمي حالك منهاا


تقدرين تقرين مواضيع كثيره لاخوات ايش الي حصل

في اول زياره بعد الملكه عشان تتطمنين وتاخذين فكره

خلاص صار زوجك
ليش تستحي
خليكي على طبيعتك وانتي لمن تشوفيه بترتاحي
مووووووووفقه وعقبالي

هلا اختي

عادي اختي ان شاء الله الله يوفقك ،،، لازم تخلى عندك قوه
الله يوفقك

اخوك - طلال