رجل الرجال أرجوك عاجل جدا
السلام عليكم ورحمة الله
تصفحت هذا المنتدى الذي يشبه الاسره الواحده
أعجبني كثيرا وأعجبتني ردود الأخوه والاخوات على بعضهم البعض
وشد انتباهي عيادة الرجل النفسيه
لكن حبيت اطرح مشكلتي هنا
عشان أركز شوي في الرد
وما يقطع رد المستشار اي رد آخر أو مشاركه أخرى\
راح ابد في كتابة مشكلتي وعذرا راح اتكلم بالعامي لان نفسيتي تعبانه شوي من حالتي ووضعي
بداية مشكلتي طبعا من يواسيني عانس
والحمدلله على كل حال
وأعلم أنني قد لا أتزوج ووالدتي هي السبب
ووالدي له دور
لأسباب
وقبل الاسباب كل شي مكتوب في اللوح المحفوظ من لحظة نفخ الروح
ولكن مشكلتي لها اسباب
واعتذر على الاطاله لكن لابد من التفصيل
والله مشكلتي كأنها من نسج الخيال
احمد ربي انه وفقني للعيش في اسره محافظه مع والدين واخوه واخوات متحابين
لكن مشكلة والدتي من بديت افهم الحياة وانا اسمع والدتي تتكلم في فلانه يعني تغتابها في امرالزواج
مثلا فلانه ليش ماتزوجت
ليش ما احد خطبها
فلانه كبيره ماراح تتزوج
والله وصل بها الامر وقالت فلانه قصيره من سيخطبها
والمشكله لو نصحتها حتى باسلوب طيب وهادي ما تسمع
وتقول انا ما اقصد اغتاب بس اسال
والله يعلم انها تغتاب بس بهدف السخريه
قبل تقريبا4 ايام كانت تسال زوجة عمي عن بنت جيرانهم
تقول وش أخبار فلانه تزوجت
قالت زوجة عمي لا والله ما تزوجت
قالت امي يوه كبرت البنت من يتزوجها
والله يوم سمعت كلام امي حسيت بسيف يطعن قلبي
المشكله امي الله يهديها تغتاب الناس من ناحية ان بنتهم تاخرت في زواجها
وتناست بنتها الموجوده معها في البيت
يعني عمري قريب من ال35 ولم اتزوج
والحمدلله على اخلاق والكل يشهد لي بطيب الاخلاق
ما امدح نفسي لكن الكل يمدحني
ولكن ما حصل لي نصيب
ودائما اقول لنفسي لن اتزوج لان والدتي تغتاب الناس
\وتقول فلانه ماتزوجت
والحمدلله لي اخت متزوجه
لكن ربي بيمتحن الوالده فيني
ياربي وش اسوي والله انقهرت
وتعذبت في حياتي
ودايم تكرر فلانه بنت الفلان ماتزوجت
مسكينه وصل عمرهاال40 وماتزوجت
لدرجة أني قلت لها في يوم من الايام يايمه الله يخليك لنا
لا تغتابين الناس شوفي انا عمري كبير
وماتزوجت لانك تغتابين الناس
قالت
يابنتي انا ما اغتابهم بس اقول انها ماتزوجت
واحيان لو اقول لاتحكين في فلانهى تزعل
يا والدي واسمح لي على اني قلت ياوالدي وانا كبيره
لكن من باب الاحترام
ياوالدي
ماذا افعل والدتي لاتحب النصيحه
وتستمتع في الحديث عن فلانه انها ماتزوجت
والله تقهرني وكل شي يطيح فوق راسي
وش اسوي تعبت والله
الله يوفقك لكل خير
ما الحل مع والدتي الله يطول بعمرها
ــــــــــــــــــــــــــــــــــــــــــــــــــ ــــــــــــــــ
وعندي مشكله ثانيه وكبيره لا أقول اني اكره والدي
لا
احبه بس ما احس اني مثل اخواتي واضح يحبونه
يعني لو يتعب لاسمح الله تاثرو اهلي بس انا ما اتاثر
والله غصب عني
انا شرحت لك سابقا ان والدتي تغتاب الناس وربي بلاها فيني
عشان تتوب
ووالدي الله يطول بعمره كان اول يرفض الخطاب بحجة انا صغار يعني اول ماتخرجت من الجامعه رفض يزوجني
لاني صغيره
ولما انخطبت اختي طبعا تزوجت
لكن فترة خطوبتها تتدخل احد اقاربي والحمدلله تزوجت
لكن يا والدي رجل الرجال
ان أختي عانت وتعبت لان والدي رفض يعطيها المهر كامل
لدرجة انها تسلفت من قريبتي
يحب الفلوس
حتى ايام دراستي بالجامعه
كان ياخذ المكافاه ويصرف علينا منها
يعني لو اقول ما استلمت المكافاه بتتاخر
يسال من وراي المحاسب لانه زميله
ويقول لي
ليش تكذبين الكافاه نازله لكم سلميها لي
وربي اعطيه كامله
ما اتذكر الا مره اخذت 800 ريال اسدد وزعل علي
والله ماكنت اشتري مثل البنات
كان يعطيني مصروف قليل
يعني حرمني من المتعه اللي تتمناه كل بنت
واختي الثانيه لما دخلت الجامعه كان يسالها عن المكافاه بس من حسن حظ اختي ان المحاسب الذي يعرفه والدي تغير يعني ما حصلت له فرصه يسال الجديد
يعني كانت اختي تعطيه شهر وشهر تاخذ مبلغ بسسيط
واذا زعل تعطيه المكافاه
ماشاء الله راتبه فوق العشره آلآلآف وعنده تجاره ومع كذا يطلب المكافاه
وربي قهر
والى الان والدي يحب الفلوس وانا بنات وكل بنت تتمنى تسمع كلمه حلوه من ابوها
والله ما عمري سمعت كلمه حلوه
والدي شوي عصبي وما يحب احد يطلب فلوس والله اتمنى اشتغل لو مستخدمه عشان اشتري حاجاتي
لو اطلب منه فلوس قال وش هالطلبات كل شوي تشترون
وانا اقول في داخلي ليتني اتزوج وارتاح من هالكلام
وانت ياوالدي رجل الرجال تعرف حاجات البنات
واغراضهم
وربي اعاني مع والدي وش اسوي
واخواني كل واحد في شغله ومع عياله وصعبه اطلب منهم
وكم مره قلت لوالدتي تقول له لا يجرحنا باي كلمه
وتقول وش اسوي طيب انا بنات ونبكي لو يجرحنا بكلمه
انا اتالم وابكي كل يوم وما احد حاس فيني
يعني لو احتاج شي ضروري والوالد رفض والله العظيم اتسلف
اقول بسدد الديون اذا تزوجت
يعني عندي امل بتزوج
والحمدلله والدي بخير وعنده فلوس بس يقول انا اجمع الفولس لكم مستقبلا
والله بيتنا كانه بيت ناس ماعندهم فلوس
لو نقول ياوالدي المكان الفلاني يحتاج تصليح قال
بعدين
والله انقهر الناس ماشاء الله ماعندهم فلوس وبيوتهم حلوه
وانا ابونا عنده فلوس بس ما يرضى يصلح بيتنا
وما نطلب طلبات تعجيزيه
كل طلباتنا الضروريه
ما اقول انه ما يعطينا فلوس
يعطينا بس مبلغ قليل
والله الوالده تتسلف في المناسبات
\لانه ما يعطينا مبلغ يكفي
واخواتي لو يطلبون شي منه ويرفض يطلبون من الوالده وتتسلف
وش اسوي يا والدي رجل الرجال
كل جسدي اصبح كتلة هموم وغموم
والله العظيم
والله العالم بحالي اني كل يوم في صلاة الليل ابكي
ودموعي على خدي
من التعب والقهر
واحمد ربي اني واخواتي بارين في اهلي
وواجب نبرهم لو يقول احدهم بنذبحكم قلنا سمعا وطاعه
لكن صعب الانسان يعيش عيشة غيره
يعني انا مستوانا المادي ممتاز
وفوق الممتاز
بس مانعيش عيشه حلوه
والله اني ما اتمنى إلا اني اشتغل واصرف على نفسي
بس عشان ما يحصل لي اهانه وذل
تخيل لو مناسبة العيد مثلا والله لو اقول كم يعطينا من المبلغ ما احد يصدق
مبلغ ما يكفي لشراء جهاز لابتوب!!!!
وش اسوي
انما اتعذب عشان غيري
والوالده كلمت الوالد كذا مره يتغير وباسلوب حلو
لكن ما اقتنع بفكرة انه يعطينا مبلغ يكفي حاجتنا
يقول التبذير حرام
والله بيحاسبني
والله العظيم كرهت السوق بسبب والدي
لو احتاج غرض ضروري ونطلب منه فلوس
\احيانا يقول ما عندي
قسم بالله قهر
يقول ماعندي
والله حرام كيف ماعنده وهو تاجر
والله اسال نفسي دايم
ليش ابوي يحب الفلوس
ليش يجمعها
الى متى
ليش ما يعطينا
ليش محرومين من الفلوس
ما اطلب فلوس كثيره بس ابي فلوس تكفي حاجتي
اعتذر اشد الاعتذار على الأطاله
بس وش اسوي حصلت هالمنتدى وقلت بفضفض
واقول كل شي بقلبي
ادري يمكن كتابتي هذه من العقوق
بس وش اسوي وكيف اتعامل معهم
مع اني احرص وربي على اني اطبخ لوالدي الشي الذي يحبه
مثلا هو يحب اكله شعبيه احرص على طبخها
واحرص على برهم جميعا
بس الشي اللي يقهرني كيف اتعامل معه من ناحية الفلوس
ودايم يقول هذه فلوسي من تعبي واعطيها لغيري
هذا غير الكلام الجارح
قسم بالله ما اكذب دايم الفاظه جارحه
بل تصل لالفاظ حيوانيه(الله يعزك)
الله لايحاسبني لاني ما ادري انا احب والدي حب حقيقي او لا
يعني عمري على مشارف ال40 وما ادري احب والدي حب حقيقي أو لا؟؟؟؟؟؟؟؟؟؟
ورب البيت ما أقدر أقول أحبه ولا أنا أكرهه؟؟؟؟؟؟؟؟؟؟
اتمنى الرد الذي يشفي قلبي
التعديل الأخير تم بواسطة من يواسيني! ; 26-09-2011 الساعة 11:35 PM
26-09-2011, 11:19 PM
ضوابط المشاركة
العرض الشجري