انا كتبت لك قبل هلمرة وشكيت لك من خطيبى انوا ما يهتم فينى كتير وانا الى اغلب الوقت ارمسه وادوره ولمن اعاتبه يطلعلى حجج من تحت الارض المهم انوا ما غلط معى
اخوى هو ماكان هيش قبل كان يسال عنى وايد فى بداية الخطوبة واكتر من مرة فى اليوم بس هلا صار وايد ما يسال عنى يعنى ادا مارمسته مايرمس ولا يسال لا تقول لى اتقلى والله كل انواع التقل سويته وما نفع معاه لازم يطلعنى غلطانة
ما اكدب عليك هو طيب وايد وحنين بس هالنقطة كرهتنى فيه خلتنى اشك فيه لاسمح الله والله ما اعرف كيف اتعامل وياه ادا بتقولى لا ترمسيه لين يرمسك اقولك انه ماراح يرمسنى لين انا ادور عليه او لو رمس يرمس ويلوم انى ما رمسته ويضل يعاتب
والله انا ما اعرف كيف اتصرف ما بغى افقده لانى وايد احبه ايش اسوى
جزاك الله خير اخوىىىى

ابنتي الكريمة :
بارك الله لكما وبارك عليكما وجمع بينكما في خير
هو يتدلع معاكِ ويبي يكون محور حياتك وعنده كم مفهوم من تربيته ان المرأة تتعامل بهالطريقه او فيه أحد يعلمه كيف يتعامل معك
النصيحة خلينا نجرب الصراحه المباشرة معاه
ارسلي له رساله واكتبي فيها اللي بخاطرك من حب وكل ما يضايقك واكتبي اللي تبين منه واطلبي منه اللي يبه منك وذكريه أن هالشي اللي يسويه يخرب أجمل ساعات وأيام حياتكم .

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.