السلام عليكم ورحمته الله وبركاته
انا متزوجه لي ست سنين وباقي كم شهر وتصير سبع سنين
مشكلتي مع زوجي انا بنفسي أنصدمت فيها قبل النااس زوجي قبل يتزوجي كان عنده أخووو وأول ماتزوج فضحته زوجته وقالت أنه مو رجال المهم بعد ماتزوجت انا لاحظت أن زوجي غريبه أطواره وطبعا أنا كان عندي دراسه ولسى صغيره متزوجه مو ناقصه حمل مشاكل واسوي مثل ماسوت زوجه أخو زوجه تحملت وضع زوجي أول ماتزوجنا قال لي أنتي تدرسين وأكيد ماتبين حمل وأنا كان خاطري أحمل ماهمني شي لكن لما قال لي كذا ماقدرت أقول لا وهو يقول علشان مصلحتك بستخدم العزل أنا قلت له أوكي وصااار لما يجيني أو يقرب لي أحس كأنه ماجاني يجيني بس علشان ينزل على المنديل أو على يقذفه خااارج وخلاص يلبي رغبته متى مابغى وأنا ماعليه مني قلت له أنا أتضاايق من كذا ويجيني صداااع وأحس بضيقه لاتقرب لي كذا هو أساسا مستمتع كذا ومرت أربع سنين كذا لما وصلت أخر سنه بالكليه قلت له انا ابي أحمل وما أبي عزل وافق وكل ماقلت له أنا شاكه أني حامل أحسه وكأنه ودي يذبحني مو فرحااان طبعا غير المشاكل اللي كان يستخدمها معي وقت أمتحاناتي كان يحاول بكل الطرق أرسب لكن ربي وفقني ونجحت وأي مشكله كانت بينا يقول خوذي عفشك وروحي لأهلك وكم مره أروح يرجع ويراضيني وبعد تخرجي زاادت مشاكلي وزااد نعته لي بأني عقيم وأن أكيد فينا عيب ولما يشوفني أضحك أو البس أو اطلع وأنبسط لازم يخليني أبكي كنت اعلمه أني مبسوطه وفرحانه وهو كان يحاول يطعن الفرحه فيه كان عندي فلووس وتمسكن ليما أخذها وكان عينه على مكافئاتي بالكليه وكلها رااحت له أنا كنت أحااول أهاديه بكل الطرق كان يقول أنا أسوي فيك كذا لأني مديون ومنقهر بحط بيت وأنا كنت أقوله أنا معك لكن مانفع من كلامي شي وكان يستخدم العاده السريه ويرمي المناديل قدام عيني ومايسوها الا وأنا راجعه مبسوطه علشان يقهرني ولما أصد كأني ماشفته كان يقول ماشفتيني عملتها وكنت أكتمها بقلبي وبين له أنه مايهميي وأذا قلت له ليش كذا قال لقيتك مشغوله وسويتها او قال متعود عليها وان عصبت عنده الحمام كنت أقوله ليش تسوي كذا كان يقول ماأدري ويقول بعض المرات علشان اجرح كرامتك كنت أقوله ليش ماتعطيني حقوقي كان يقول لي أيش تبين أنتي تبين ...... كنت أقوله أيه مو حلالي وكأني أتكلم مع جدار وكان يزيد كل يوم قهر لي
وأخرتها رحت للمستشفي بدون علمه وكشفت قالت الدكتوره مافيه شي وهرموناتك طبعيه وحجم البويضات صغير بسبب الحاله النفسيه اللي تمرين فيها وتاخذين منشطات ومافيك الا العافيه وطلبت كشفه منه وكان العيب منه وكان عدد الحيوانات المنويه 5000 الالاف تحملت وقلت له أنا معك وبساعدك وتعالج وأن ماحصل علاج نسوي انابيب تلقيح أي شي قال لا
ولما جااء التسجيل بالوظائف قال ماتسجلين قلت طيب ليه قال كذا ولو سجلتي بالمكان اللي أنا ماأحدده لك بشكيك وبحرمك من كل شي وقلت له أنت خليت لي شي علشان تحرمني دق على أخواني قال أختكم فيها وفيها وهي مريضه وهي نفسيه وهي مسحوره ورداني بيت أهلي وتركتني الان تسع أشهر قبل ست أشهر دق على وقال أنتي راكبه مع فلان قلت من يقوله قال أخوووي قلت له رح لأبوي وقل له هالكلام وليش تخليني على ذمتك
جاء عند أبوي وقال بنتك هاربه وعايفتني وماتبيني قال أبوي بنتي ماقالت شي عطها الفلوس اللي تطلبك وترجع لك دق علي وسبب معي مشاكل وبعد شهرين بعد الست شهور قال عطوني المهر كامل وا؟طلقها ولا أخليها معلقه طول عمرها وبكره برفع عليه قضيه لكن محتاره قضيه أيش لأني لو بطلب طلاق بيقول الشيخ عطيه المهر كله وأنا الخطاء مو مني منه هو والعيب منه هو وحرااام ياخذ المهر باارده كذا وهو رااح وخطب على ولو بعطيه بيحط الفلوس اللي أخذه اللعروس وبتنظلم حتى هي معه
هو اللي يقول لي عدد الحيوانات المنويه 5000 بالتحليل الأاول و7000 بالتحليل الثاني ولما قلنا بنحاكمك قال أنا مافيني شي وخااايفه يكشف عليه ويطلع مافيه بالرغم من أني متأكده أنه ضعيف جنسيا حتى معي بعض المرااات مايصير عنده أنتضاااب ويرتخي العضو الذكري لا يقدر وربي مو دااريه الخطا مني ولا منه ورغم كل التضحيات والصبر ماترك كلمه شينه الا ونشرها فيه وقال لو كان فيه الكلام اللي تقوله ليش جلست عندي ست سنين وأنا كنت مطلعته قداام الناااس مافيه مثله احد وأنا غلطاااانه لكن الطيب بالزمن هذا ماينفع حتى أثاث البيت مأثثته معه وناااااااكر أن لي شي فيه
وددي تقلون لي بحل يريحني ويساعدني

ابنتي الكريمة :
أسأل الله العلي القدير أن يجعل لك من همك فرجا ومنضيقك مخرجا
لا تتولي أنتِ أمر الموضوع
إما أن يقتح معه حواراً بهدوء تنتهيان فيه إلى ما يصلح حالكما وما تتفقان عليه إمساك بمعروف أو تسريح بإحسان فإن أبى فيراجع القضاة في المحكمة المختصة ويسألهم قبل رفع الدعوى عليه ثم ينظر لشروطكم بالعقد وهل خالفها ثم يعلم الوالد من القاضي كيفية رفع الدعوى وتبدأ الإجراءات خطوة بخطوة ولا تهتمي لكلامه فعند القاضي يختلف الوضع حيث ستكون البينات والأدلة وطلب الكشف عليه من الطبيب المختص ويعرف القاضي كيف يفعل معه ولا تهتمي فهو يخلق عندك جواً من الخوف واليأس من أن المحكمة لن تأخذ حقك ويستغل قوة تحملك وسمحاتك فالقاضي ليس مثل زوجته اللتي تمتص كل شيء حتى اليمين أمام القاضي تجعله يراجع نفسه ألف مرة قبل أن ينطقها.
فقط كوني هادئة وفعلي عقلك لا قلبك.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

شكرا لك اخوي رجل الرجال
بس هو مايستحي من احد ولسانه وسخ
ويقول عطوني مهري كامل اطلق ولا مافيه طلاق
وانا اشك مو متاكده انه انسان يميل لرجال مو للحريم اتمنى انك فهمتني

ياليت الاخ البليغ والاخت سيدة الموقف لايحرموني مشاركتهم
ابي شي يخفف الاهم الي انا فيه

1) هل تريدين العودة له؟
2) هل قررتِ فعلاً طلب الطلاق والذهاب للمحكمة؟
3) ما هو دور والدك في الموضوع؟
4) هل من إخوانك الرجال من هو ثقة كتوم حكيم ذكي؟

....................

آمل منك ما يلي:
1) الاتجاه إلى المستشفى الذي قمتِ بعمل التحليل الطبي فيه لأخذ نسخة من تقريرك الطبي حول وضعك الصحي وخلوّك من العيوب التي تؤدي لعدم الحمل.
2) الاتجاه إلى المستشفى الذي قام فيه الزوج بعمل التحليل وخرجت النتيجة سلبية ضده بحيث تستطيعين أخذ التقرير الخاص به إن أمكن.
3) الاتجاه إلى أحد المحامين وأخذ استشارة قانونية تذكرين فيها أهم النقاط:
أ‌- وضعك الصحي مع التقارير الطبية، ووضعه الصحي مع التقارير الطبية، واتهامه لك بأنك زوجة عقيمة.
ب‌- استخدامه للعادة السرية أمامك بشكل فاضح.
ت‌- عدم إعطائه لحقك الشرعي مما تسبّب لك بضرر نفسي كبير.
ث‌- ذهابه بك إلى بيت أهلك من تلقاء نفسه، وتركه لك هناك 9 أشهر بلا نفقة.
ج‌- اتهامه لك بأنك ركبت مع فلان من الناس..وأنّ هذا اتهام وقذف للعرض.
4) ثم اسمعي من المحامي إجابته..وبعدها قرري الذهاب للمحكمة من عدمه.
5) استخيري في قرارك.
6) قولي ما يلي:
-حسبنا الله ونعم الوكيل.
-ربنا اربط على قلوبنا وثبت أقدامنا وانصرنا.
-اللهم اكفنيه بما شئت.
-اللهم انصرني على من ظلمني.
:::
أخوك في الله/ حاتم بن أحمد-الرياض