السلام عليكم ورحمه الله وبركاته
بصراحه ما اعرف هل المكان مناسب لما اطرح موضوعي هنا او لا
بس حياتي مترخبطه ولا اعرف اتصرف
عمري 21 الحمد لله كانت حياتي حلووه ومتوفقه بدراستي لكن مشكلتي بدأت من بعد ما انخطبت تغيرت جذري
في خطبتي الاولى ماتمت وفي فتره الخطبه يعني وقت التحاليل والاشياء الثانيه انا تغيرت في دراستي واهملت نفسي في اللبس وفي شكلي مع اني قبل مهتمه بمظهري وفي وقت تحديد موعد كتب الكتاب ماجاء الخطيب ولا اهله والاسباب انه رفض فكره الزواج نهائي مني او من غيري والحين هو ما خطب احد وفصل من الوظيفه
وانا الحمدلله رجعت اهتم بدراستي وبديت افهم وبعدها بفتره انخطبت وافقت وكنت متخوفه كثير انها تصير مثل الخطوبه الاولى لكن الحمد الله بدأت الامور في البدايه تمام بعد ماسويت حفله الخطوبه جاتني سخونه وتعبت وحتى خطيبي جاته سخونه وتعب ما اهتمينا بذي السالفه وانا صرت احلم بتحرشات من شخص مجهول كثير ورجعت نفس حالتي المره الاول اهمال بالدراسه اهمال بنفسي ماحب اكلم احد بالجامعه عكس قبل اجلس في اخر القاعه عشان ما اكلم احد اعصب على اتفه الاسباب وبالذات في الاوقات المتأخر من بعد 12 تقفل اخلاقي طبعآ الي صار لي بالتدريج وبعدها خطيبي أجل موعد الزواج لانه يقول انا مقدر اتكلم معاها في شيء يمنعني ولا ابغى اتزوج
انا رحت لشيخ لاني صرت انسانه مو طبيعيه تغيرت كثير نحفت كرهت دراستي
طبعا في البدايه قراء علي ايات السحر والحمد لله ما تأثرت
لكن اول مابدأ بأيه الحسد (ام يحسدون الناس على مااتاهم الله من فضله ..) انا يدي اليسار نملت والم بقلبي فضيع وجلست اصيح وابكي وكان كل ميقول الله احرق خدام العين وكلمه حسد ويكررها يزيد بكائي
الحمد لله تحسنت مع العلاج كثير ولله الحمد حتى احلام التحرشات انقطعت من اول يوم رقاني فيه لكن ماتشافيت تمام والحمد لله على كل حال
الحين مشكلتي خطيبي مايبني
والحين احس بتأنيب الضمير في قصه خطيبي الاول خسر وظيفته ورفض الزواج بسببي والي يقهر اكثر تكررت معاي وخطيبي الثاني الحين تعبااان ومايبي يتزوج
اش الحل برايك ..؟
هل الحسد والعين تسوي ذا الشيء وتخلي الشخص الاخر يكرهني او هو مصاب مثلي ..؟
وانا قراءت عن المس العاشق هل ممكن ان المس العاشق يسحر اي شخص يتقرب لي لاني احترت بحالتي
الله يسعدك ساااعدني ..,