السلام عليكم ورحمة الله ... بالبداية ترى موضوعي مشتت ومخربط وكلمات متقاطعة والله يعين من يقرأ الموضوع ههههه بينحاس فأنصحكم تتقهون أو شاي عالسريع عشان تقرأون موضوعي بتركيز وتحتسبون الأجر ... بالإضافة أن موضوعي طووووووووووويل لأني فتحت قلبي لكم ...
بسم الله وأبتدأ موضوعي بهذه الأبيات المنقولة ...
إلى متى يا " ضيقه الخاطر " على مجرى الوريد
ماعاد باقي من دمي قطره مهي مستوجعه !


بس البلا لا صارت أمواج " التعاسه " من جليد
وإن صاح جرحك مالقيت اللي يحن ويسمعه :"(


من لا يقدّر خوتي .. فـ " أبرك سنه " فرقـاه عيد
أما " الرفيق الغالي " إليا غاب .. خذ قلبي معه !

البارحه هبت هواجيسي فـ صدري من جديد
سوالف ٍ تشره على قلبي بـ حلم ٍ ضيعه

لاهنت يا " جرح الزمن " حقق مرادك مايريد
أهديت للخافق جروح .. وهو رفع لك قبعه !

يا ويل حالي من شقى اللوعه ويا قطع الوريد
على آخر جروح الزمن .. والطعون الموجعه


قلبي " مصفي نيته " لو كل من حوله ضديد
يبقى ( الجبل ) مهما وطته الريح ماهي تزعزعه !


من طاح من عيني ماعاد يهم ينقص أو يزيد
اللي ينزل قدره بـ نفسه .. هو اللي يرفعه !


" ريحت قلبي " من عنـا الدنيا وانا اللي مستفيد
مادام قلبي مالقى في الوقت شي ٍ يقنعه

إلا رفيق ٍ يجبر الكسر .. وعلى الشده عضيد
هذا منى قلبي عـلى الدنيا وهذا مطمعه

أضحك لو أن الضيقه اللي في الحنايا تستزيد
لين أقهر الضيقه وأخليها تفارق فـ السعه !


لا خانك الوقت الردي " وما للحديد إلا الحديد "
اللي شراك أهده وفـا .. واللي خذل عهدك بعه


تمشي المقادير بـ هوى الراضي وتلعب بـ العنيد
صدق اللي قال ان طاعك " الوقت الردي " ولا طعه !

العمر بـ أيامه قطار .. وراكب ٍ سكة حديد
وتمر لحظاته مابين المحزنه و الممتعه


كل الحياه دروس والدنيا عبر والمستفيد !!
اللي خذا من ( جمله الدنيا ) دروس ٍ تنفعه












السالفة إني معصبة من المجتمع بلا إستثناء ايه بلااستثناء وحطوا تحت بلا استثناء مليون خط
ابتداء بعائلتي ومحيطي وانتهاء بالمنتدى .... متضآآآآيقة ... نفسيتي جدا تعبانة وتفكيري غير منتظم ...
أهملت عملي بسبب سوء نفسيتي يعني أشتغل بالدف ... وطبعا مافيه أحد يرد الصوت ...
كأني بكهف أتكلم يرجع صدى صوتي .... ربي رحمتك أرجوووو ...
أحس بقهر بغضب .... سؤال يطرح نفسه بس قبل مااطرح سؤالي لو سمحتوا الله يخليكم
لاأحد يقول هذا حسد أو مقارنة بالآخرين أفهموني قبل تكتبون رد الله يحرم يديكم عن النار ...
سؤالي هو ليش (البعض) مايهتم بالمتأخرات عن الزواج ؟؟؟؟؟؟؟؟؟؟
ولا أعمم لكني قلت البعض ... يعني لاشافوا وحدة ماتزوجت ومهمومة ومتضايقة يستهزأون بهمها وربما يضحكون بسخرية ... ويقولون عادي وش فيها وش مكدر عليك أصلا ؟؟ احمدي ربك ماتزوجتي وجاك رجل يغثك !!
لا والسؤال اللي يقهر وش مكدر عليك ؟؟؟؟؟؟؟؟؟ وش اللي ماكدر علينا الوحدة بمعانيها وألمها
لحااااااااااااااااااالها أكبر ضيقة ولاأحد يرد الصوت
حتى في بعض المنتديات بدون تحديد إذا وحدة متأخرة بالزواج تضع مشكلتها أو تفضفض نرى الردود قليلة مقارنة بغيرها من المشاكل ... طيب وين نروح بعد الله ؟؟
من يسمع شكوانا بعد الله ... مالنا إلا الله وكفى به وكيلا ... لكن الإنسان بطبيعته يحب أن يفضفض ويرمي همومه ويجد الأذن المصغية له ..... بيقولون البعض وش نسوي لها ماجاء نصيبها لكن غيرها من الحالات فيه مشاكل تستدعي وضع الحلول ...
بقول لكم فيه مشاكل تواجهنا بسبب تأخر الزواج ومنها إنتقاد الناس اللي يسم البدن ويجرح القلب .... أدري كلام الناس يغث ومامنه فايدة وعدم التركيز فيه أبرك ولازم نكبر عقولنا لكن حنا بنات حساسات مثل الجوري ..
النظرات بالمناسبات الكبيرة تجرررررررح ,,, لاتقولون تتوهمين مو خبله أتوهم
بس تقعد تناظر تناظر كنها معجبة تبي توقيع خخخخ وبعدين تسولف مع أمي وأهلي وتقول الله يرزقها ويستر عليها ويرزقها من يضفها ... << تقهرني الكلمة الأخيرة يرزقها من يضفها ..
والا يجونك ناس من أقرب النااااااااااااااااسسسسسس
يطقونها بوجهك ... ويقولون كل البنات بسنك تزوجوا وأمهات ولدها طولها وأنتي للحين !!!
والأسئلة المعتادة المطروحة ياترى هي ماتنخطب ؟؟ مااحد تقدم لها ؟؟؟ يعني لازم إذا إنخطبت أحط إعلان إني إنخطبت وعدد مرات خطوباتي وماذا حصل .. ومن مين كان الإنسحاب وش الأسباب ,,,
عشان أسلم من الكلام ومن النظرات ومن التجريح !!
لازم أمسك كل وحدة وأشرح لها عشان تسكت عني وماتجرحني وأفتك من آذاهم ؟؟؟ ياناس المسلم من سلم المسلمون من لساااااااااااااااااااااااااانه ويده ... والحين الآذى مايجينا إلا من لسان بعض الناس اعوذ بالله ...
بتقولون طنشي لاتهتمين .... اللي يده بالنار مو زي اللي يده بالماء ... حاولت أطنش وتعبت انقهررررررررررت
آذوني بكلامهم آآآآآذوني وأسئلتهم تقهر ,,, الدمعة حايرة بالعين والقهر بالقلب ....
لو الإنسان يختار نصيبه كان اخترت نصيبي أفضل رجال الدنيا لكن إلى متى بيظل هذا الجهل معشعش في عقول بعض الناس ويجرحون الإنسان ويلومونه بشئ لايملكه !!!! ...
حنا ماانخلقنا للزواج رغم اهميته لكن خلاص لازم يفكونا من هالسيرة ...
تعبناااااااااااااااااااااااا مو أنا لحالي كثييييييييييييييرات مثلي وأردى بعد ...
والا تجيك حرمه عندها درزن بنات ماشاء الله ماتزوجوا همهم من همنا ... ولما ينخطبون بناتها ويمشي نصيبهم ربي يوفقهم ويسعدهم ويبارك لهم ماشاء الله ...
تبدأ تلتفت علينا وتمارس علينا ماكان يمارسه الناس عليها من أسئلة وأذية باللسان ... طيب هل نسيتي ألم بناتك
عاملينا كبناتك ...
والله أنا أواجه أسئلتهم ببرووووووووووووووووود وتطنيش مزيف وردود بسيييييطة مثل
الله يسهل الحمدلله ,, توي كتكوته أبي أتدلع ... وأنا أصرف ,, ماابي ابين ضعفي وقهري للناس ..
لكني من داخلي أحترررررررررررررررررررررررررررررق
وكل مااجي من مناسبة أحترق وأبكي أبكككككككككي بحرقة ...
حتى بالعمل لم أسلم من التجريح يسألوني عن عمري واستغربوا بمعرفتهم إني آنسة
وشوي ويشرقون بقهوتهم يوم دروا اني آنسه يقولون وش ناقصك ليش مااعرستي ؟؟
قلت بكل مكابرة وبكل تزييف ... مابعد جاء اللي يستاهلني ...
وانا أكابر جروحي لم أوفق بأي خطوبة والحمدلله على كل حال ...
كل اللي ابيه أفتك من التجريح صرت أحس ماحد يحبني لو يحبوني ماجرحوني ..
أنا ماعمري جرحت أحد ولاعمري آذيت أحد بلساني إطلاقااااا كافه خيري شري وأتمنى ربي يتوفاني مسلمة وثابتة ..
ليش ألقى هالتجريح ومن أقرب الناس لي بعد ؟؟؟؟؟؟؟؟؟؟؟؟؟؟
نجي لموضوع ثاني ليش((((بعض الناس)))) يعتقد أن الجمال محصور بالبياض الناصع ؟
أو بالطول أو الرشاقة أو أو أو ليش مايحط الدين والأخلاق والشخصية الراقية هي الأهم
يعني الجمال بس طول وبياض ناصع ؟؟ ولاحظوا ناصع مايبون أي بياض ... ومافتحت هالموضوع معناتها مو جميلات لا الحمدلله ربي منعم علينا لكن الفضائيات خربت على البعض !!!
أتوقع الجمال يشمل نواحي شكلية كثيرة منها الملامح وأمور كثيرة والجمال الروحي يغطي على كل شئ ..
بتقولون من حقهم يختارون اللي يبون أنا معكم من حقهم يختارون اللي يبون بس إذا هذا كلامهم وذوقهم وشروط البعض تعجيزية ويبون بعضهم حورية ...
متى بنتزوج حنا ؟؟؟ وليش قبل مايتشرطون ليش مايشوفون المراية ويلقون نظرة شوي على شكلهم ؟؟
قبل مايجرحونا .؟؟؟
بعد كل هالهذرة فوق بالأخير نلقى سؤال وش مكدر عليكم يالمتأخرات ؟؟؟؟؟؟؟؟؟؟
هذا كله كوم وحاجتنا للسند بحياتنا كوم ثاني حاجتنا لأنيييييييييييس حاجتنا لأحد يتقهوى معنا يآخذ ويعطي يسألنا وش سوينا بيومنا ؟ وش راح نخطط ؟ نفكر سوى بصوت مسموع ......
نحتاج ليد تمسك يدينا ليد تلف أصابعها حول معصمنا وتشد عليه ... ليش فيه فراغات بين أصابعنا ؟؟ عشان نملأها بأصابع من نحب ..
نحتاج بهالحياة الغامضة لأذن صاغية تسمع لنا لقلب حنون يحتوينا ويرحمنا .... أكيد كل آنسة تحس بإحساسي لما تروحين السوق وتشوفين بنت وزوجها وطفلتهم وهو يساعدها بحمل بنتهم ويشاركها إختيار ملابسها
تدعين لها بالبركة والسعادة وتتمنين إنك بنعمة مثلها وتغبطينها ...
لما تحضرين حفل زفاف وتشوفين العروس عالكوشة تتمنين ربي يرزقك مثلها ربي يبارك لها ويسعدها ..
كل مكان نروح له نسمع البنات وحماسهم لتجهيزات الزواج ونتمنى يجي اليوم اللي نشاور بعض بتجهيزات زواجنا ....
حتى بالعمل وهو المكان اللي ذهبت إليه هربا من هالتجريح ... وجدت فيه تجريحات ولامليون بلاستر مايضمدها ..
حتى مرة رحت الخياطة بفصل فستان قالت لي هذا فستان من تجهيزات زواجك ؟
قلت لا أنا آنسه ... قالت اووووه للحين ؟؟؟؟؟ تحطمت حتى الخياطة !!!...
أنام ودمعتي على خدي وأصحى ودمعتي ماجفت ....
يمكن البعض قرأ موضوعي بعنوان ( قهر لاسآلت الدمعة على خدك بلاتبرير )
وأشكر كل من رد على هالموضوع ودعمني برأيه ودعواته ... وتجاربه كذلك ...
لكني بكل إختصار لست مقتنعة بهذا الخاطب .... ومن وجهة نظري إن القناعة بالزواج أهم شئ
عشان لاقدرررر الله صار تتش بعد الزواج مااقول ايييه عشاني مو مقتنعة صار كذا ..
بصراحة تمنيت إنه حب لي ماأحب لنفسه وتمنيته ما عارض الدراسة والعمل
وأنا تنازلت عن العمل وقلت خلاص اهم شئ الدراسة العليا
فياليت انه قال ادرسي وياليته قدر تنازلي وتنازل مثلي !!
لاسيما إني عرفت إن فترة دوامه من الثامنة صباحا وحتى السادسة مساء؟؟
وش المانع إني أدرس ؟؟ أول كنت أتعذر له وأقول يمكن يبيني أهتم بالبيت ويجي من الدوام ويلقاني مهتمة بالبيت
لكن دوامه حتى السادسة مساء !!!! يمديني أدرس وأجي و أنام وأقوم وأطبخ وأشوف البيت وهو ماجاء من شغله ..
فحسيت إن شرطه ينم عن تسلط وتحكم والله أعلم هذا مجرد إحسآآآآآس .. وأنا صحيح أتمنى الزواج
لكن ماابي ارمي نفسي رمية سوداء وأقبل بأي أحد لمجرد الزواج !!!!! هذا هبال مو عقل ..
الأهم عندي من أتزوووووووووووووج ؟؟؟؟؟ لأني طموحة بحياتي المستقبلية ...
بعد كل ماسبق الكثير يقولون تو عمرك صغير ووووو (( مع إني أرى إني كبيرة )) ...
لكن طالما عمري صغير وأنتم شايفين إني صغيرة أجل ليش التجريح من الناس ؟؟؟ آآآسفه على حوستي وخربطتي والسموحة على تشتت كلامي وآآآآآآسسسفه جدا على الإطآآآآآآآآآآآآآآآآآلة ...

إن حظي كدقيق فوق شوك نثروه ثم قالوا لحفاة يوم ريح أجمعوه صعب الأمر عليهم قال قوم اتركوه
إن من أشقاه ربي كيف أنتم تسعدوووووه .....
أختكم ... نجــــــــــــــــــ الذووووووووق ــــــــــــــــدي

__________________
الدراسة مقبلة دعواتكم

الله يوفقك ويرزقك الزوج الصالح وعليك بالاستغفار .
الجمال مو كل شي ولا له علاقة بالنصيب .
الدنيا قسمة ونصيب واقدار مكتوبة .
لا تهتم بالناس والي بيدقق بكلام الناس يتعب ,
معليش : بصراحة تعاطفت معك واتنمى لك الزوج الصالح والسعادة في حياتك ، لكن لفت انظري توقيعك يضحك شوي ، اخاف نصفك الثاني من النوع الي مايلبس الشماغ ولا يحب القهوة وش بتسوين بالحاله ، واسف اذا ضايقتك لكن احب المزح والفكاهه . والله يستر عليك .

آآآآآآآآآآآآآآآآآآآآآآآآآآآآآآآآمين يارب ويرزق كل البنات يارب ياكريم ...
بالعكس مافيه مضايقة أنا ماحطيت هالموضوع وهالفضفضة الطويلة العريضة إلا لإستقبال الردود ومشكور أخوي وجزاك الله خييييير على ردك وعلى مواساتك لأختك المسلمة الله يجعله في ميزان حسناتك ...
بس المعذرة أخوي بالرغم إني أشكرك على التعاطف الأخوي لكني ماعمري قصدت بفضفضتي إن أحد يتعاطف معي أو يرحمني ... لكني أقصد بالفضفضة لعلي أرتاح قليلا ولعلي أجد نصيحة قوية ...
أو على الأقل أجد أحد يرد الصوووووووووت ..
موب أتكلم لحالي ,,,
وبالنسبة للقهوة والشماغ ولايهمه خله يجي الحين ويشرب ميراندا إن بغى ههههه ...
وانا بشتري له شماغ هدية .. شكرا للرد ..

__________________
الدراسة مقبلة دعواتكم

والله لو اقول احس فيك ماراح تصدقين
بس عندي اختي عشااان كذا حااسه فيك

الله يوفقك ويسعدك ويرزقك الزوج صااالح عاجل غير اجل انتي وكل بنات المسلمين

اللهم اميييييييييييييييييييييييين

تسلمين ياقلبي الله يوفقك يارب ويسعدك والعقبى لنا ولكل الصبايا يارب ...
والله يرزقني ويرزق أختك وكل المسلمات ...
والله يتقبل منا ومنك الدعاء ... مشكورة حبيبتي وماقصرتي .....

__________________
الدراسة مقبلة دعواتكم

عزيزتي كلمات ونظرات المجتمع شرلابد منه!!!
ولكن عزاءنا في ذلك قوله تعالى "وجعلنا بعضكم لبعض فتنة أتصبرون"
قوي ثقتك بخالقك اولاثم بنفسك صدقيني لن تشعري بهم ابدا
عجبي ممن يمنع فتاة احلامه من العلم!!!
اليس ذلك ضمان لأسرته مستقبلا !!!
استخيري خالقك في اي خاطب وسددي وقاربي ...

وان شاء الله يجي اليوم اللي تضبطين فيه الشماغ بس انتبهي لاتحرقينه ترى بعدين

اشكرك على ردك الجميل وروحك المرحة لاني خفت صراحة تزعلين ، تعرفين الناس نفسيات مدري وشلون قايله .
وعفوا ما اقصد بتعاطفي معك الرحمة ، لكن حاسك فيك ودي انصحك وقولك كلام يريحك لكن ماني عارف كيف اعبر لك بالي بخاطري .
هههههههههها حلوة سالفة الميرندا مدري الكوكا والدعوه فيها بيع وشراء شماغ بعد ،
الله يوفقك ان شاء الله اسعدتينا وضحكتيني وانا ماودي اضحك . تحياتي .

هذي هي ياقلبي شر لابد منه ملاحقينا بنظراتهم وكلامهم اللي مايخلص واللي يقهررر ويحطم ...
وبالنسبة للدراسة تمنيت أنه قدم تنازل مقابل تنازلي ... وإلا أنا أتنازل وهو لا !!!! هذي أسميها أنانية ..
ولولا ثقتنا بخالقنا وبرحمته وبلطفه لنا كان ماقوينا نعيش لكن هي رحمة الله مصبرتنا والرضا بقضائه وقدره ..
ههههه خليه يصفقني لاحرقته ضرب الحبيب مثل آكل الزبيب ... وأستاهل أنا اللي حرقت شماغه ههههه << دخلت جو ..
مشكورة على الرد حبيبتي وربي يسعدك ويخليك ويوفقك ... جزاك ربي خير يالغلا ,,,,

__________________
الدراسة مقبلة دعواتكم

مشكور أخوي على إحساسك ومشاركتك لي بهذا الهم وعبر باللي تقدر عليه وأي نصيحة اطرحها ولاعليك أمررر ,,, لاتستصغر أي فائدة منك يمكن فائدة صغنونة منك أو من أخواتي وأخواني لكنها عندي وعند المهمومات مثلي تكون كبيرة ونستفيد منها ...
وتمنيت بصراحة إن المقربين مني يحسون فيني .. لكن كني أنفخ في قربة مشقوقة ماحولي أحد ...

جزاك ربي خير على متابعتك للموضوع وردك جعله الله في موزاين حسناتك ولاحرمك الله الأجر ...

__________________
الدراسة مقبلة دعواتكم

موضوعك طويل عريض وماقريت منه إلا مقاطع
الحمد الله رب العالمين
إستمري علي إلي أنتي في خلك مهمومه متضايقه
بس الله يعافيك بعدي غمك عنا وش يقولون البنات إلي في الثلاثين
إذا أنتي نفسيه وغاويه هم غيرك لا والله تحب توسع صدرها وليه تغم عمرها محد ميت قبل ياخذ رزقه
تلبس وتفرفش
وبعدين وش يحسون فيه تبين أحد يرحمك علي حالك

اقتباس:

إن حظي كدقيق فوق شوك نثروه ثم قالوا لحفاة يوم ريح أجمعوه صعب الأمر عليهم قال قوم اتركوه إن من أشقاه ربي كيف أنتم تسعدوووووه .....

وش رايك بكلامك هذا أجل أنتي شقيه طيب بعرف إلي بتروه رجليه وإلا يديه وإلا المشلول ويضحك ويصلي ويصوم هذا
من أشقياء ربي لا صح أنتي حساسه وتشعرين هم لا
(( ونبلوكم بالشر والخير فتنة وإلينا ترجعون ))

اجلسي علي همك وغمك إستمري علي الطريق إلي أنتي
أنتي في مصيبه عظيمه محد حس فيك ورحمك وسمع فضفضتك ويضحكون عليها

أصلا أحنا إلي نرد عليك ماجربنا الحياه ولا عندنا خوات ولاشي بس أنتي الوحيده إلي في العالم

سبحان الله الإنسان لما يشوف حال غيره يشكر الله علي حاله

أختي نصيحه أرجعي لربك مو أقول إستغفري عشان ربي يرزقك لا
أستغفري عشان ربي انعم عليك بنعم كثيره وأنعم علينا وقابلنا نعمه بالشكوى والتسخط ونشوف الشي إلي ناقصنا ونبكي ونتحسر عليه
وبعدين لا تقولين أنتي ماجربتي لا أبدا لكن الحمدالله علي الحال
ومن رضا فاله الرضا ومن سخط فاله السخط
تصدقين هالفتره وش أكثر شي متحسره علي أني كنت أردد نفسك كلامك في أشياء
ألحين أقول ليه متحسره وش عشانه والله لايعاقبني
بصراحه لو تقولين وش الألم في الحياه بقول لك الإنسان تقصيره في جنب الله بصراحه هذا الألم الحقيقي إلي مفروض نشكي منه ونتحسر علي حالنا أما كذا ومواضيع عشان أقول ماتزوجت

أختي تعودي علي الحمد الله علي النعمه راح تتزوجين إن شاءالله لكن عيشي حياتك وتوكلي علي ربك وصدقيني الأيام إلي تروح ماترجع ليه نضيع الأيام بالحزن ونبكي إلي حولنا ممكن هم اليوم معنا بكره مو معنا
لين جلستي في مكان لاتكونين غميه لين جيتي تكونين تعيسه وجلستك ممله لا بالعكس أدخلي السعاده في قلب غيرك
تجيك أنتي السعاده
الله يهديك ويصلحك ويشرح صدرك ويرزقك الزوج الصالح وبنات المسلمين

__________________