بسم الله الرحمن الرحيم

السلام عليكم ورحمة الله وبركاته ،،،

هذه قصة عايشتها واعرف ابطالها لانهم جيرننا منذ مبطي .
كنا ساكنين في مدينة صغير بالشمال
لنا جيران عندهم 8 بنات ماتزوجوا
اكبر وحده كان عمرها تقريبا 40 الى 42 سنة
المهم كانوا سالفة اهل الديرة ، خاصة في المجتمع الصغير
الي يقول زوجوا بناتكم والي يقولي وش مقعدهم والي يقول البنت مالها الا بيت رجلها ومن هالحكي .
المشكله هم جيراننا ونعرف عنهم اكثر من غيرنا يقولون ماخطب الرجل الكفوا
يعني نرميهم للي مايصلح بناتنا ما باروا الحمدلله في بيت ابوهم معززين ومكرمين .
المهم انهم اشتروا بيت في مدينة اكثر الي فيها اقاربهم وجماعتهم ومعارفهم .
وماشاء الله يوم سكنوا عندهم تهاتفوا عليهم الخطاب اشكال واللوان .
وتزوجوا كل بناتهم اولهم الكبيرة الي عمرها 42 من رجل متزوج ولحقت على عمرها جابت 3 اطفال .
واعرف وحده عندها بنت تاخرت ماتزوجت ونقلوا الى ديرتهم بها اقاربهم وتزوجت ماشاء الله ، صح انها اطلقت ما صار نصيب لكن تزوجت مرة ثانية والله يتمم ان شاء الله .

الي نستنتجه من هذه القصه العمل بالاسباب ، قد يكون البعد عن الاقارب والمعارف احد هذه الاسباب .
الناس وش يدريهم ان عندكم بنات ، البيوت صناديق . والي مايعرفكم مايثمنكم .

هذه ليست دعوه لتغيير المسكن ولكن قد تكون سبب والارزاق بيد الله .

ليس كل من تزوج استانس ، بعضهم يقول ليتني ماتزوجت ، وبعضهم يقول كاني ماتزوجت .

والله يوفق الجميع لما يحب ويرضى ، ويرزق بنات المسلمين الرجل الصالح الشريف العفيف .

وعليكم السلام ورحمة الله وبركاته ... قصة جميلة والحمدلله ربي خلف على البنات ...
جزاك الله خير ... والسعادة بالقلب والقلب لايصل إليه إلا خالقنا ...
وربي يوفق البنات ويرزقهن الصالح العاقل وربي بس يصلح الحال ..

__________________
الدراسة مقبلة دعواتكم

اهلا وسهلا ب الذوق النجدي
نعم نعم السعادة بالقلب والقلب لا يصل الى السعادة الا بمقومات السعادة والايمان بالله .

معليش اختي كاني شايف بتوقيعك الي قلت لك اول انه يضحك صاير يخوف ذبح وذبيح وسكاكين وشرطة واسعافات وناس مجتمعين .
ما يضحك هونا مايضحك ابد بس ابلعي العافيه وتعوذي من الشيطان ترى ابليس مامات ،
( علمينا بعد خمس ايام وش صار - واحد متحمس )

الله يجزاك خير ....
هههههههههه حلوة إبلعي العافية ... ماحطيت الذبح والذبيح من باب الدعابة أو الضحك
لا لا لا كل شئ وله حد والضحك له حد بعد ,,,
بس هو موضوع كنت مهملته ومازلت مهممممممملته والأفكار السلبية تحوم حول هالموضوع
وأحاول إني أنشط نفسي وماأنهزم فيه ...
عشان كذا ياذابح يامذبوح ... وكتبته بتوقيعي عشان أخواتي الحبيبات يعرفون بموضوعي وبالأخص غاليتي بيتا وغاليتي قوية رغم الجراح ..
وإن شاء الله أول مايصير جديد بحط موضوع بقسم الأخبار وأستقبل التهاني وبوكيهات الورد

__________________
الدراسة مقبلة دعواتكم