السلام عليكم ورحمة الله وبركاته



الايام هاذي عندنا مناسبات كثيره من زواج و سبوع وجمعات حريم وانا اخرج مع امي بس ارجع البيت واقول ياريت ما خرجت اقسم بالله بنفجر خلاص كل ما تجلس معاي وحده وش اخبارك باقي ما رجعتي قلت لها خلاص مافي نصيب


الثانيه ارجعي ارجعي عشان عيالك هو الزواج بالغصب مافى نصيب خلاص الا حاولي وين احاول اعيش غصب عند الرجال خلاص اعطاني الصك وقال العيال مو عذر ونفسي عافته بقوه


الثالثه حاولي شكلك ما عرفتي له مخرج مدري هو رجل ولا ضب والله حاولت وارجع له حتى غصب عن اهلي عشان اطفالي مافى امل



رابعه اعطيه فرصه ممكن تعدل قلت لها لا ابشرك باقي يزور عياله ويقول لامي الحرمه اكسر خشمها



الخامسه يا حظك مطلقه مرتاحه من الزواج وهي مزوجه وماشاء الله المجلس كله عارف ان زوجها ما عليه قاصر وتجي عندي تقولي يا حظك مطلقه قالت الي جنبي ردي عليها قولي لها جربي الطلاق اجل مدام تمدحي فيه




والله مليت طفشت احبس نفسي ما اخرج اسوي حفره وادخل فيها حسبي الله عليك يا طليقي كل يوم اكرهك اكثر من اليوم الي قبله