مساعدة أبي خلق حلو وبسيط وكشخة ...
سلام حلوين طفشانة والله وكارهة حالي .....
ولو ألبس وش ألبس ماحبيت نفسي ومانيب طايقتها ... ومنب طالعتن حلوة لو ألبس رشرش ...
كنت دايم أتجهز للمناسبات بروح حلوة وأتحمس للكشخة
ألحين لاااااااااااااااااااااااااااا .....
عندي حفلات مهمة حيل وقرب موعدها ... ولاتجهزت ...
وأتمنى أطلع توب فيها ... لكن نفسيتي التعبانة مخليتني مااعرف أختار
ولاأي سوق أروح .... ولالي خلق أدور بالأسواق أنا بالرياض وأسواق الرياض زحممممة وأحيانا مانلقى شئ ..... أبي بصراحة من أول سوق القى غرضي وارتاح ...
ومدري وش أشتري فستان ؟؟ من أي محل طيب ؟
أنا دايم أفصل وأكون مرووووقة سرد ورد عالخياطة وأدور موديل وأدلع نفسي لكن الحين النفسية شييييييييييييينة لو ألقى خيشة لبستها ...
مدري أشتري فستان قطعة كاملة ؟
مالي خبرة بالفساتين الجاهزة مابي موديله حوسة أبي بسيييييييييييييييييييييييييييييييييط ...
وإلا تنورة سكيني وكيلون وبلوزة سهرة وصلى الله وبارك ؟؟؟ أحس إني عايشة بالدف ....
أستغفر الله بسسسس .... وملزوووومة أروح لهالمناسبات ....
أتمنى المساعدة .... أبي أنزل السوق هالأسبوع وأفتك
__________________
الدراسة مقبلة دعواتكم
18-12-2011, 07:13 PM
ضوابط المشاركة
العرض الشجري