السلام عليكم ورحمة الله وبركاته
انا في حيرة من امري يا اخواتي واخواني الاعزاء وارجو انكم تساعدوني وتشوروا علي باللي تشوفونه اصلح
الحكاية يا جماعة الخير ان لي زميل من ايام الجامعة محترم وطيب جدا واخلاقه عالية
هو مطلق وعنده ولد وطلب مني ادور له عروسة
اختي الصغيرة مطلقة بدون اولاد ومناسبة جدا بالعمر له وامي تحن علي اجيبله سيرتها يمكن يفكر يخطبها
المشكلة ان اختي الكبيرة ايام الجامعة كنت احس انها معجبة فيه بس لان طبعا ما كان عندنا كلام الحب وهالاشياء كانت تسكت وبعدين تنخطبت وتزوجت وهو الصراحة ما ابدى اعجابه ابد او صرح لاختي الكبيرة بأي شي وهي اللي كانت تقول انها تحس انه معجب فيها بس لاني كنت وياها وقت الجامعة كنت احس انا انها هي اللي معجبة فيه لاني ادرى باللي اشوفه بعيوني من مواقف
امي الحين تحن علي المح له بخصوص اختي الصغيرة وانا قلت لامي يعني ماكو بالبلد غير هالولد؟؟؟
خاصة ان اختي الكبيرة تمر بمشاكل ويا زوجها فمابي يكون بخاطرها شي وتزعل لو هو تزوج اختي الصغيرة
ومن شوي امي اتصلت بي وتقولي بس تطلعين مع زوجك تسلمون على زميلك اخذي معاك اختك الصغيرة يمكن قلبه يميل لها ويخطبها
انا الصراحة اتمناها لاختي لانه وااايد زين كأنه اخوي اعرفه من زمان واعرف اخلاقه بس تكسر خاطري اختي الكبيرة وامي ما يهمها الا انها تزوج اختي الصغيرة
اسمع كلام امي واقرب المسافات وما يهم احساس اختي الكبيرة واسكت وما اخذها معاي ولا اجيب سيرة اختي الصغيرة؟
وساعتها شاقول لامي حجة اني مابي اخذها معاي حتى يشوفها؟؟؟
ارجو الاهتمام والرد لاني والله حدي محتااااارة ومادري شاسوي

__________________

	ترافقت انا وصديقي وذيب تحالفنا ثلاثتنا ما للخوف داعي صديقي من يجي الليل انومه على ذراعي خفت من الذيب يغدر وخوفي هيج اوجاعي قمت من نومي لقيت الذيب يحرسني وصديقي ورفيق دربي سارق متاعي