مرحبا
انا عندي قصة ابغاكم تساعدوني فيها انا وحده عمري 24 سنه ولا مرة انخطبت بالرغم اني محافظة على الفرائض والسنن وسورة البقرة والرقية الشرعية للشيخ السدحان والاذكار
وانا جميلة بشهادة الكل ومتعلمة وخلوقه لدرجة اي حرمه تقول الكلام هذا ويقولو يابخت اللي ياخذك
والحريم اللي يمدحوني لما خطبو لعيالهم مافكرو يخطبوني انا
انا قلت الزواج قسمة ونصيب
والله لما اشوف من العوايل وحده متزوجه تحكي عن زوجها وايش سوالها والله مااحسدهم بس من جوا قلبي كده اقول ياريت انا حرمته ولا وحده معاها طفل اقول ياريت هذا انا اللحين امه
عشان كده في فتره كرهت الطلعات لاني كلما اطلع واجي ينكسر خاطري من جوه
المهم مستمرة على سورة البقرة وقبل شهر واخيرا جاني خاطب من طرف خالتي
هو كلم خالتي وقال شوفيلي عروسه وخالتي رشحتني انا لاني في المواصفات اللي يبغاها
لاكن هو قال انا لازم قبل مااسوي رسمي لازم اشوف البنت
بالرغم هو كلم خواته بس ماكلم ابوه الا بعد النظرة الشرعية
خالتي كلمتني استخرت اكثر من 20 مره فوافقت
المهم جا وشافني في بيت خالتي وعجب فيني وقاللي مافي اي شي يعيبك اخلاق وجمال وقاللي اذا في نصيب ان شاء الله باخذك واذا مافي نصيب ماحد يزعل وقاللي فرصة سعيدة اني شفتك
وقاللي انا اللحين مرة مرتبك ماني عارف ايش اقول بالرغم هو في الطبيعة مرة جرئ
واخر شي قاللي ماتبغي تساليني قلتله لا بعدين قاللي ماتبغي تشوفيني مارديت لاني خجلت
والا اللحين مارد علينا ولا كلم خالتي ماادري يعني اكون برايكم عجبته ولا لا ؟
اختي قالتلي يمكن بعد كده يجو ويخطبوكي رسمي
قالت يمكن مو لازم على طول ممكن عدة اشهر
ماادري وش رايكم واللله يجزاه كل الخير اللي ترد عليا
انا للحين قاعده استخير

الزواج قسمة ونصيب

استمري بالدعاء والاستغفار وصدقيني نصيبك راح يجيك ويمكن ربي اخره لسبب الله اعلم فيه ليختبرك مثلا

مع اني اشوف انك صغيرة استمتعي بوقتك ولاتشيلي هم بكرة المكتوب راح يجي غصب عنك

بس صدقيني انتي في عز شبابك وصغيرة وهالحين مايتزوجون الا بالثلاثين وفوق

مبروك مقدماً قبل الزحمة:14:
يمكن فعلاً يرتب نفسه وكل شئ صار فجأة اصبري شوي كل تأخيرة فيها خيرة

بس نصيحتي لكِ عن تجربة خذي أثر من كل اللي يمدحونكِ حتى من أقرب الناس لكِ يمكن أصابتكِ عين حسدتكِ على المواصفات اللي عندكِ وما تدرين يمكن بعضهن ما ذكرت الله وما صلت على النبي وفي ناس تصيب عينهم وما يقصدون بس حضر الشيطان وفزت العين

ترى الحسد أعوذ بالله منه يعطل الأمور بشكل رهيب ولا تتركي الأذكار مهما كان ولو ما رجع ولا سأل احمدي الله على قضائه أكيد ربي صرفه عنكِ لحكمة يعلمها لأنكِ استخرتِ رب العالمين والخيرة فيما اختاره الله وسيعوضكِ بأحسن الرجال

وبشرينا بالأخبار الطيبة بس أهم شئ لا تنسين تعزمينا