السلام عليكم ورحمة الله وبركاته

فعلا لين قالوا الطيب بهالزمن ....
طيبتي سبب تعاستي

ايه .. الحين اقولكم ليش

مو عارفه من وين ابتدي ولا شلون افضفض كلامي ما راح يكون مرتب بس والله من زود مافيني
بس احس روحي مخنوقه وما عاد اتحمل
بالاخير انا انسانه وعندي مشاعر ومن حقي يكون عندي شخص يهتم فيني ويحس

انا -واعوذ بالله من كلمة انا- انسانه بسيطه جدا وماحب اشوف احد زعلان ومتضايق او اضايق احد
هالشي فيني من يوم كنت صغيره حتى لو كان الشي على حساب نفسي
دايما افكر ارضي الناس ويكونون مرتاحين مني او من غيري .. دايما مصلحة الناس قبل مصلحتي وراحتهم قبل راحتي .. ابي الكل يكون مرتاح مني وراضي علي
الناس تحسدني على شخصيتي .. اني طيبه واجتماعيه واحب اضحك ومادريت ان هالشي مع مرور الزمن راح يكون نقمه علي

صراحه انا شخصيتي تعبتني وخلتني عرضه للاستغلال وهذا الشي اللي قاعده اتعرض له الحين
صديقاتي يستغلوني .. اهلي يستغلوني .. كلمن يستغلني
طول الوقت الناس تعتبرني شي مفروغ منه
ماعرف اقول لا لأحد ولا عمري قلتها اصلا
وحتى لو اقول ماقدر او احاول استرد كرامتي او اخذ حقي .. يقابلوني بالاساءه واخر شي اقول اي !! مو عشان شي بس لانهم ماتعودوا مني اقول لا ويدرون ما بقولها اصلا !!
حتى لو احد غلط علي وانا ماكنت غلطانه .. ماعرف ارد واخذ حقي ابدا ابدا .. غباء صح .. بس للحين ما شفتوا شي

اهلي ماعمرهم حطوا اعتبار لمشاعري او شنو ابي ، اخواني يستغلوني احيانا عشان فلوس يدرون ان لو عندي ريال واحد عطيتهم ، يغلطون علي واسكت .. يسبوني اسكت .. مايفكرون اني ممكن اتضايق او ازعل وانا ماعمري بينت لهم هالشي .. اصك على نفسي باب غرفتي وابكي لين اتعب وبعدين اطلع كأن ما صار شي عشان مايحسون
الحمدلله عندي صداقات كثيره لكن صداقاتي مسببه لي تعاسه
لما تكون عندهم مشكله يرجعون لي واحاول اساعدهم بكل شي اقدر عليه واكون وياهم واعطيهم اللي يبون بأي وقت بس لما تنحل مشكلتهم وتكمل امورهم خلاااص كأني مو موجوده .. وقت اللي احتاجهم كلهم يتهربون كل شخص يتعذر بمشاغله واسبابه
يعتبروني شخصيه غريبه ومعقده لاني ما اوافقهم على كثير من الاشياء اللي يسوونها ويحبونها مثل الاغاني والمسلسلات وغيرها وحتى لما نجتمع مثلا او نتكلم يحسسوني اني كائن غريب ومايحبون يكونون موجودين
بس وقت اللي يبون مني اي شي ابدا ما اكون شخصيه غريبه بالنسبه لهم واكون حبيبتهم وصديقتهم
مشكلتي اني اعرف انهم يستغلوني ويستغلون طيبتي وسذاجتي بس بنفس الوقت اجاريهم واسوي لهم اللي يبونه وكون موجوده لهم

يعني مثلا ابسط مثال .. انا ابوي عصبي وشوي صعب التعامل معاه وقبل فتره صارت مشكله بين امي وابوي وكانت بتوصل للطلاق والكل كان ضد الوالد بس انا وقفت معاه وظليت اكلمه واتعامل معاه بالحسنى واخواني كانوا ما يكلمونه لكن لما انحل الموضوع الحمدلله بعدها صارت مشكله بسيطه والوالد انقلب علي وقعد يصرخ علي ويقول لي كلام مثل انتي قليلة ادب وماتستحين مع اني وربي وربي ماغلطت ولا قلت شي وقام ما يكلمني ومتغير علي لليوم مع اني حطيت بخاطري وظليت بالايام ابكي من الكلام اللي قاله لي وما كنت اشكي لأحد .. الظاهر هو كذا يجازيني لاني اعامله بالحسنى ووقفت معاه يوم اللي كل الناس كانوا ضده وبالاخير انا اللي سوى لي كذا

لاني طيبه او غبيه مثل ماتحبون تسمون كنت اسوي اشياء مو راضيه عنها بس لان غيري طلب مني هالشي وادري ان هالشي مهم بالنسبه لهم
ولنفس السبب كنت احاول اراضي اي شخص يزعل مني حتى لو انا ما كنت غلطانه ولا سويت شي
مثال .. عندي صديقه اقرب لي من نفسي ومع انها في كل مرة تغلط علي بدون قصد وانا اشيل بخاطري عليها بدون لا ابين لها ولا مره حاولت ان اكلمها وابين لها ان الشي يضايقني عشان ما تزعل
ايام دراستنا كانت تصيدها ظروف وكنت اترك كل شي حتى امتحاناتي بس اكون معاها واحل لها مشاكلها
وقت اللي تحتاجني اكون جنبها بس وقت اللي احتاجها ما القاها
لما انخطبت انشغلت هي وقامت تتهرب مني -مع اني وقتها ماكنت ادري بسالفة خطوبتها ولا قالت لي عشان ما احسدها لاني مو مخطوبه مع ان والله فرحت لها اكثر من فرحي بأهلي- قمت اسأل عنها وهي تتهرب ولما كلمتني واخيرا عاتبتها بصيغه كلش محترمه وماغلطت بس هي فاجأتني بأسلوبها .. قالت لي كلاااااااام مثل السم مع ان الموقف ابدا ما يستاهل وانا كل عتابي بس لاني اشتقت لها وظلت تهاجمني بالكلام وتهاجم وبعدين قفلت السماعه بوجهي
قلت ماعليه يمكن انا غلطت بحقها وقلت شي ماعجبها وانا مابي اسوي مشاكل خصوصا ان زواجها قريب رجعت كلمتها وقالت لي كلام اكبر منه وربي تمنيت الارض تنشق وتبلعني وقتها قمت ابكي وهي تكلمني وانا كلما بكيت زياده كلما زادت هي بالكلام ، جرحتني ونزلت بكرامتي حسيت اني حشره او شي حقير مع ان والله والله الموقف ابدا مايستاهل
بعدها بشهرين الظاهر هي احتاجتني اتصلت لي وكلمتها قالت انها تبي تكلمني وترجع العلاقات مثل ما كانت ... انا كبعا فرحت وتحمست وتقابلنا انا وهي وعاملتني بأفضل مايكون بعد عشر دقايق اكتشفت انها كلمتني لانها تبي مني شي !! وانا كان ردة فعلي بكل غباااااااااء سايرتها وسويت لها اللي تبيه !!!!!! حتى بدون لا اعاتبها ولا آخذ موقف على اللي صار .. ومن يومها مدري عنها صار لها شهر وادري لو تبي شي بترجع لي .. وانا بكل طيب نفس بسويه لها !!!!!!

مشكلتي اني اظل شاااايله بقلبي وكاتمه بالايام والاشهر وهالشي سبب لي ضفط نفسي ونتج عنها امراض لاني آكل بنفسي واتم متضايقه مع ان ابين للناس العكس لكني من داخلي احترق

ومواقف كثيييره غيرها لو بقعد اتكلم من اليوم لأسبوع ما راح اكمل
المهم انا بديت اخسر احترامي لنفسي وقمت اتضايق من نفسي
احس ان مالي قيمه عند احد وكأني شي بس يستغلونه ويرمونه وقت اللي يبون
ابي اتغير قمت احس اني شي غلط بالحياه طول الوقت متضايقه لاني أي شي
ابي اكون شخصيه لنفسي احترمها انا قبل لا يحترمونها الناس تعبت من الاستغلال
ليش انا كذا ؟ وليش اسمح للناس يدوسون علي واسكت؟ هل هذا غباء مني ؟
والله تعبت

شوفي يالغلا
احنا بزمن صار الاغلبيه همه نفسه ولا عليه في احد ثاني
ومصلحته فوق مصلحة الكل
وانتي شيلي فكرة انك تقدمين الناس عليك اوكي اهلك عادي
قولي تنبلع لكن صديقات احد من برا لا والف لا
شي ما تبين تسوينه قولي لا ولا عليك باحد زي ما يسوون سوي
وااعذريني بهالكلمه هاذي ما اسمها طيبه هذا اسمه ضععععف
ايه ضعف الطيبه انك تحترمين الناس وما تغلطين على احد
لكن اذا وصلت لان احد يغلط عليك العني حيه وميته
دامه اللي بدا وقبل كل شي عززززي نفسسك لا تقولي لي صديقه
مدري ايش اللي جابها بيجيب غيرها صح لو تلاقين احد
يساعدك وقت ما تكوني محتاجه مثل ما تساعديه هذا اللي يستاهل
اما غيره لا اعطيتني اعطيك ولا الوجه من الوجه ابيض
وجربي مره وقولي لا وبيزعلون شوي ويطقون بروسهم الطوفه
ماعليك وبعدها بيتعودون
والكتمان احلى شي صح انه يضغط لكن احسن من تخلين لاحد
مدخل عليك او شي يذلك فيه

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

بالعكس شخصيتك رائعه وانتي الصح لاتتغيري مع الأيام رح تحمدي ربك عشخصيتك ورح يرزقك بزوج يشيلك عراسه بس طولي بالك واصبري وماتتغيري

__________________
لو اطلعتم على مافي الغيب لاخترتم الواقع

شخصيتك جميلة جدا وحبابة لاتهتمي بكرى الله بعوضك على فكرة نفسيتك قريبة لنفسيتي وانا مع راي رقم واحد انشاءالله بيكتبلك احلى

__________________
بينَ " مرِآرة الأشتيآق " و " عزّة آلنفِس " هــــــنـــآک آنـــــآ !!!

~ ღ ~ بـيـلـ س ـاآان ~ღ ~

انتي طيبه وحساسه
لازم تتعلمي شيئين الصبر والسماح
لاتحزني او تاخذي بخاطرك لما احد يحتاجك وتوقفي معه وبعد ماياخذ حاجته ينسى فضلك
اذا هو نسى رب الالمين ماينسى .. لك ألأجر عند اللي مايضيع عمل احد عنده
المفروض تفرحي وتنبسطي ولاتنتظري الجزاء من احد , انتي اعملي بأصلك واتركي الطرف الآخر
ولاتنتظري منه معروف او جزاء
عموما انتي طيبه جدا وحساسه جدا ومشكلتك عاديه جدا جدا تحصل في كل البيوت والأسر
انا عن نفسي مريت فيها
الايام كفيله بتغيير ألأشخاص اللي حولك وإن شاء الله بيتعاملوا معك مثل ماتحبي
انتي بس استمري بنفس الطيبه وبتلاقين كل خير

عزيزتي...

كل انسان في الدنيا لديه سلبيات ولديه ايجابيات

فاذا كنتي تشكين من فقدان احترامك لنفسك وتقديرها
بل وضياع حقوقها فهناك من الناس من يتسم بالجحود والنكران
والغدر والقسوة...

وكون سلامة صدرك وجمال اخلاقك لم يشعراك بالراحه فلتعلمي
ان هناك خلل ..انت السبب في وجوده...

مصدر الخلل مفاهيمك المغلوطه نحو الاخرين والحياة.. والانسان
لن يشعر بالسعاده مالم يكن حراا فاما ان تعطي وتعطي بدون
ان تغضبي لحقوقك..واما ان تتزني وتعطي بحدود وتتعلمي الاولويات
في حياتك بالتدريج...

مثلا
*من حقك ان تقولي لا كما يحق لاي انسان يحتفظ بخصوصياته
لنفسه وليس لاحد ان يغضب من ذلك..
*ليس من حقك على نفسك ابدا ان تضيعي امتحاناتك لسبب لايخصك
بالدرجه الاولى لان كل انسان مسؤول عن نفسه في الاساس
ولن تستطيعي حمل الكرة الارضية على اكتافك مهما عملتي


لذلك انصحك بتعلم المزيد عن مفاهيم الثقه بالنفس لتصححي
من اخطائك تجاه ماتفعلية مع الاخرين..حتى تكوني اكثر اتزانا

واذا رغبتي بمصادر تعليمية بذلك سازودك بما اعرفه..

__________________
سئل الخوارزمي عن الانسان فقال..
اذا كان الانسان ذو (اخلاق) فهو =1
واذا كان ذو جمال اضف الى الواحد صفر=10
واذا كان ذو مال ايضا اضف صفرا=100
واذا كان ذو جمال اضف صفرا ثالثا=1000
واذا كان ذو حسب ونسب اضف صفرا =10000

فلوذهب العدد (1) ذهبت قيمة الانسان وبقيت الاصفار بلا فائدة...

%%%%%%%%%%%%%%%%%%%%%%%%%%%%%%%%
اللهم اشفي امي وابي شفاء تاما..وعوضهما كل خير

جديد المنتدى...

سؤال وجواب (س.ج)

لا أفعل شيء على حساب راحتي وماهو فوق طاقتي فقط كي اسعد غيري وأتعس نفسي .. كلا
فانا لي الحق كما لهم ،،، وراحتي تضاهي من هم ليسوا يقدرون التضحية ......
أرى أن تعطي نفسكِ حقها بقول لا عندما لاترغبين فعل شيء معين، فليس من أحد يجبركِ على خدمته ،، فإن أنتِ استطعتِ ومن طيب خاطر فافعلي وإلا فلا.....
واعلمي بأن الله لايكلف نفسآ إلا وسعها ،، وكلمة "لا" بأسلوب لطيف واعتذار مقبول لن تفعل شيئآ ولن تهزّ أو تزعزع من أمامكِ وتنبت البغضاء كما تظنين ،،،، قفي مع نفسكِ أختي ورددي :
( كلمة "لا " لن تفعل شيئآ ولن تجعل الناس يكرهونني بل بالعكس سأكبر بنظرهم ،،، فأنا لديّ رأيي مثلهم أيضآ،، ولن أضغط على نفسي لاجل اسعادهم وأهمّش نفسي وشخصيتي)

وفقّكِ الله .........

__________________
The life is more rich with chocolate"""

اختي الله يرزقك على قد نيتك الطيبه
اانا مثل شخصيتك كرجل بالذات في المزح ولاني ماشيل بخاطري على احد
لكن وجدت في الاخير عدم الاحترام لاني تركت لهم الحبل على الغالب وماكنت ارد
فقلبت الوجه الاخر الغير متوقع الان تغيرو نحوي وسار في شوي احترام
اختي وضعك مع اهلك عاااااااادي وينبلع لكن مع غير اهلك كل شي وله حدود واحترام
اللي مايحترم نفسه حطيه عند حده
وانصحك بشده شراء كتاب من جرير بعنوان ( لا تكن لطيفا اكثر من اللازم ) يتكلم عن اخطاء نقع فيها نحن اللطفاء ويجب تداركها
الله يوفقك

اخواني وخواتي
مشكوووورين كلكم على ردودكم وربي يسعدكم
لو بشكر كل شخص فيكم ماراح اوفيه حقه

حطموك ياقلبي
تدرين مشكلتي .. ماعرف اعز نفسي يعني حتى لو بحاول تلقيني اضعف واتنازل مدري ليش
انا مو ناقصني شي الحمدلله بس مدري ليش تقديري لنفسي ضعيف
بالنسبه للكتمان صح كلامك لكن بديت اتعب وهالشي سبب لي امراض مثل الضغط
بس تسلمييين على ردك وبحاول اطبق اللي قلتيه وربي يعين

أم عبودي جديد
نوار 1984
الف شكر لكم وهو صحيح الطيبه صفه حلوه لكن لما توصل لدرجة الضعف تكون صفه مذمومه

لا حب بعد اليوم
فعلا انا طيبه وحساسه بس انا مابي اللي حولي يتغيرون .. ابي انا اتغير من داخلي وابني ثقة بنفسي واحترمها وتكون لي شخصيتي المستقله بدون لاحد يستغلني
بس اخوي انا مازعل من احد لما ينسى شي سويته وانا لما اسوي اسويه لنفسي لاني ماحب ارد احد وانتظر اجري من رب العالمين مثل ماتفضلت
انا اللي يزعلني طريقة استغلال الناس لي وتعاملهم معي على اساس اني شي غبي
الف شكر لك على مرورك وردك وربي يجزاك خير

اختي صفاء
انا كنت مرتاحه من طبعي واخلاقي لحد اليوم اللي الناس اكتشفوا فيني هالصفه وقاموا يستغلوني
اني اكون طيبه بالعكس هذا شي حلو لكن يستغلوني لا والف لا .. هذا الشي اللي مضايقني
ياليتني اعرف اتخلص من هالشي
واكون شاكره لك لو زودتيني باللي عندك
الله يجزيييك خير

Dark_chocolate
صح انا لي الحق مثل ما هم لهم
بحاول اتعلم اقول لا وبإذن الله بقدر اقولها
شكرا على المرور والرد وربي يسعدك

حنون بطبعي
مثل ما قلت اخوي
الطيبه في الزمن هذا عيب
ان شاء الله راح اخذ الكتاب واقراه
شاكره لك مرورك وردك وربي يوفقك