السلام عليكم ورحمة الله وبركاته
دكتور لو سمحت عندي استفسار
انا برضع طبيعي وبكمل بالصناعي لان لبني مش كتير
في الاول كنت سعات بعصر سدري علشان اللبن اللي في السدر ينزل اكتر يعني كنت بمسك السدر في كفة ايدي وبضغط بخفة واسيب فاللبن بينزل وهكذا
المهم بعد كدة بقيت احس سعات بالم بسيط في المنطقة اللي كنت بدوس فيها
بعد كدة بطلت خالص موضوع الضغط على الثدي واكتفيت باللي بينزل في الرضاعة
والالم راح
بس سعات على فترات متباعدة احس بالم بسيط في المنطقة دية وبعد كدة بيروح
انا خايفة يكون الضغط ده كان ليه اثر سلبي لا قدر الله على جزء من اجزاء الثدي وممكن يتسبب ليه في حاجة وحشة بعد الشر لان ماما الله يرحمها كان عندها ورم في الثدي عشان كدة انا بسأل
الحمد لله مفيش حاجة مكلكعة في السدر
ازاي اقدر اطمن
وعلما ايضا باني من حوالي 5شهور كان عندي خراج في الناحية الالخرى من الثدى وكان الدكتور قبلها طلب مني اعمل سونار عل الناحيتين والحمد لله مكانش في حاجة غير الخراج وعملت العملية لتنظيف الخراج ( للتوضيح الخراج كان في ناحية والالم اللي كنت بتكلم عنه في ناحية التانية )
ممكن حضرتك تقولي اعمل ايه وجزاك الله خيرا