صباح الخير*
وجمعه مباركة*
بحكيلكم الموقف ع السريع مع اني زعلانة شوية ع موضوعي اللي انحذف هذاك بس يلاا نتعلم مع الوقت نتكلم كويس*
المهم . قبل يومين كنت فاضية وقلت خليني أفاجأ ولدي بيجي يوم الأربعاء بحمل له العاب جديدة ع الايبود وشريت له كرت وحملت له حاجات مناسبة لسنه من الاب ستور ، جاني الأربعاء وانبسط عليها ولعب فيها وسحب علي المهم انا يوم شفته منهبل وكل شوي يتفرج بالمتجر ويختار لعبه عطيته الباسورد وقلت حمل اللي تبي ونمت وهو بجنبي يتونس بوه .. صحيت من النوم لقيته نايم والجهاز بجنبه مخلص شحنه .، شحنته وجيت أسكر البرامج المعلقه لقيت المزيونن منزل ستين برنامج ماخذ راحته وفالها بس فيه ببرنامج لفت نظري فتحته وانبلهت*
اذا تعرفونه برنامج قنينة البحر اللي ترمون قوارير وتكتبون فيها رسائل*
لقيت محادثة لولدي مع الشخص الثاني*
طويلة شوي بس شكله منجد حيواااان*
ولدي أهبل ع نياته فرحان يكتب ويلاقي احد يتجاوب معاه
قام ذاك يساله أسئلة مرة بايخة كم عمرك ومن وين وعندك اصحاب ولا لا*
المحادثة كانت فظيعه والقذر هذاك كانت سوالفه معفنة زي وجهه ما اقول الا حسبي الله عليه ويشوفها بحياته يارب*
المهم انا انبرشت للآخر وجلست ابكي تكلمت مع أخواتي قالو لا تسالينه عنها ولا شي بس احذفي البرنامج بس انا مقهورة مرة واحس ودي امسك ولدي واهاوشه بس هو بزر وش دراه*
ياربييييي شي مرة بايخ واللي يقهر انه ارسل له رابط ومقطع وصخ ، انا متأكدة ولدي ما بينساه طول عمره اصلا شايفته من امس وهو ساكت تقل مو مستوعب ولا مصدوم ويسالني أسئلة عن الزواج !!! انا مدري هو عرف يفتح الرابط ولا لا بس احساسي وخوفي يقول شافه*
الزبدة حصل اللي خايفه منه وكبر ولدي قبل وقته بسبب هالمقطع اللي شافه اللي يجازي اللي كان السبب *
الحين انا شلون اتعامل معه وش اسوي كيف افهمه انا هو بزرر وصعب اقول له كلام كبير*
بيتا الحنونة خالة قرين رجل الرجال اي احد يعلمني يفهمني يقول لي شلون اتكلم معاه *

__________________

‏
الوعي هو الملاذ ..

أستغفر الله العظيم ؛
( الفردوس غايتي )