بسم الله الر حمن الرحيم

ابغي اكتب عن مشكلتي انا طيبه زياده عن الزوم احيانا احسه ضعف مدري انا اخدم الناس على حساب نفسي يعني اضغط على نفسي عشان مزعل غيري ااحيانا اعرف ان هذا الشخص يستغفلني ويستغلني ويطنزعلى امشيها ليه اسوي نفسي مغفله زي حرمت اخوي دايما تقولي امسك اولادها لما تروح مشور وتمدحني وتغرقني بكلام الحلو اواسكت استحي منها معن انا عندي اطفال وطفشانه منهم وتتسلف مني ملابسي ماركات وغاليه تلبسها رغم ان زوجها ميقصر عليها بشي بس هي تجمع فلوس متحب تصرف وتخذ من عندي وتلبس والله احيان محد شافها ادهيه لاني مستحيه وخجلانه منها والمشكله لو صدق تحبني عادي مايهمني بس اشوف في وجهها الكره لامي وخواني ولو تجمعو هي وصديقاتها ماتعزمني ولها صحبات لكن تحترمهم والله لو اسالها عن اسم المشغل االي تروحله ماتقولي تكذب على وتقولي اسامي من راسها تصرفني لكن مخليتني وقت الحاجه وكذاللك اهل زوجي دايم يسوون مقالب فيا والله اني اقدرهم وحترمهم رغم كذا يحبون حرمة اخوهم الثاني معنها ماتحترمهم ويخافون منها وساعدونهم مادين معن حنا نطيح فازمات محد يطل فوجهنا مو هاذا الي تعبني انهم اذا يبغون مصلحه يدقون علي ويطلوبو مني وانا اخدم انا ابغا اعرف كيف ارفض طلب احد كيف اقول لا كيف اقوي شخصيتي نفسي لاني لما اجي باواجه احد او ارفض اوحتى اطالب بحقي تجيني رجفه وضيقه في التنفس وهذا يحرجني وخليني ما تكلم وكمان مشكلتي الثانيه اني ما اعرف اتكلم ماعندي اسلوب ولو تكلمت بس عن حياتي واولادي وزوجي واحيان اتلخبط في الكلام والله حتى في النت احيان با رد على مواضيع ما قدر اوصل فكرتي كيف اتعلم الكلام الحلو كيف ارد الناس بس بحترام كيف اقول لا احسني مره تعبت تعبت ابغا حللللللللللللللللللللللللللللل

أفرضي شخصيتك يا أختي وخليك قوية ودايم رددي كلمة لا في بعض الأمور لا تكوني طيبة زيادة عن اللزوم وإن شاء الله ما أحد يستغلك ......الله يوفقك يارب و يسعدك بحياتك

__________________

شخصيتك طيبه وطيبتاً جداً ماشاء الله قلبك ابيض ولاتشيلي على احد
لكن الناس يستغلون منهم يتمتعون بشخصيه مثل شخصيتك الطيبون ( على نياتهم )
كم مرة رأيت اشخاص طيبين وكانو يعانون من الناس بنفس معاناتك ونصحتهم نصيحه واتمنى انت تنفعهم وتنفعك
من الصعب ان نقول لك غيري من طبعك لكن نستطيع ان نضع لك حلول
كوني سطحيه مع الاخرين ابتعدي عنهم وكوني صارمه بتعاملك معهم
زوجه اخيك تضع اولادها عندك لماذا هل انتي خادمه لديها
لو تكرر مرة اخرى قولي لها لااستطيع يكفيني اولادي
اذاطلبت منك شي اصرفي نظرك عنها قولي اي شيء قوي حتى لاتطلب مره اخرى
لو ماعزمتك افعلي بالمثل لاتعزميها ابداً
طبقي نظريه ( المثل بالمثل ) هههه
كوني واثقه بحالك اكثر
احب ان اقول لك ان اسلوبك جداً رائع فلا تترددي بالرد على الاخرين هنا في المنتدى
والله يوفقك

__________________

حبيبتي أنتي شخصيتك حلوه ونقيـه ..
البشر اللي قلوبها فيها نقطة سوداء هم اللي يشوفون الشيء هذا ضعف مو طيبه ..
فـ لاتحطميـن نفسك ياغاليتي ..
أنتي صفحة بيضاء ..في زمن كثرت فيه الأقنعه ..

شوفي أهم حاجه أنك ماتخلين الناس تستغلك أستغلال سيئ ..
اذا أنتي شايفتها تاخذ منك أغراض لمصلحتها مو لأحساس الأخوه والقرابه ..
نقول هنـا وووقفـــــي ..
تعاملـي معها بأسلوب ..مثلا ..
لما تطلب منك لبس قولي ياليت والله بس أنا عندي مشوار وحابه أنقي لي طقم حلو ..
ومن هالأعـذار ألين تمل أنها تاخذ منك شيء ..

واذا بتترك أولادها عندك قولي بمسح البيت وعندي ترتيب من أول وجديد للمطبخ
معليش بكون مشغوله عنهم ..ويالله أتفضى لأولادي ..

بالنسبـه لأهل زوجـك عامليـهم بالحسنـــــى وخليك بقلبك الصافي النقي ..
راح يجـي يوم ويعرفون قيمـتك ..


أما كيف تتكلميـن ..
أهم شيء عـززي الثقـه بداخلك ..
كووني واااثقه من نفسك ..
كرري دائمـا أنا أعرف أتكلم ..أنا أعرف أتناقش .. أنا عندي قدره على الحوار ..
هذا من ناحية الثقه ..
من ناحية ثانيـه وهي مهمــه جدا ..
ضروري يكون عندك أطـــلاع على الكتب وعلى البرامج الثقافيه ..
أفتح اليوتيوب على الدكتور مريد الكلاب ..
يعطيك مهارات جيــده جـدا في تطوير نفسك ..


والله يسهـل أمرك ..
وياليــت كل الناس مثل طيبـتك ..
أنا أعشـــق الطيبــــه ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

شكرا على تفاعلكم معي انا زوجه اخو وضحت لها اني طفشانه وتجلس تتعذر لانها مستفيده مني متبغا تخصرني بس انا مشكلتي ماعرف اعتذر بذوق اسلوبي جارح يعني ما عندي حل وسط ياما اخبصها او اتحمل وضغط على نفسي لدرجه احيانا لما اعاتب احد انهار وابكي عشان كذا صرت اسكت احيانا اقول لي اجر بس لما اشوف مواقف واحيانا يلفون ودرون اقول لامتى انا مسوه نفسي غبيه

تدرين
يبغالك تحتكين في ناس كثير
ما راح تتغيرين الا اذا واجهتي شخصيات قوية
تاخذين فكرة وتتعلمين طرق التعامل معهم
مو بنفس الاسلوب لا طبعا
بعض الناس القاسيين أسلوبهم جارح
مع انهم اتولدو طيبين
لكن الظروف لها عامل مهم في فساد تعاملهم وقسوة قلوبهم
لدرجة يجرحون الناس ويتمادون
وبدون إحساس .. لكن انتي حاولي تقرين كثير
عن الثقة بالنفس والقدرات والتعامل
كان لي بحث كتبته عن الثقة
بنزله هنا وان شالله تستفيدين منه

__________________

‏
الوعي هو الملاذ ..

أستغفر الله العظيم ؛
( الفردوس غايتي )

اقراي كتاب
لا تكن لطيفا اكثر من اللازم
من جرير وبيعجبك