السلام عليكم ورحمة الله وبركاته
مشكلتي بإختصار هي من بداية زواجي صارت مشكلة بيني وبين زوجي وخرجت من بيتي ورحت لبيت اهلي
وكنت وقتها حامل وطالت المدة وجلست عند اهلي ولافكر يجي يراضيني وياخذني وضغطت على نفسي ورجعت بيتي وبدون رضا اهلي ... لان اهلي كانوا يبوني ارجع بكرامتي ... بس انا كان في بالي اني مابخرب بيتي وخصوصا اني لسى في بداية زواجي وعلى وشك ولادة ... المهم وعدت الايام والشهور وطبعا صارت بيني وبين اهلي وبين اهل زوجي مشاكل وقطيعة بسبب موضوع المشكلة اللي في البداية ورجعتي للبيت من غير رضا اهلي
وطبعا زوجي ماقدر ذا الشي وكنا على طول مشاكل وضرب والفاظ .... وحالة الله يعلم فيها وكله كان مخزن في القلب وماكنت اقدر اقول لاهلي بسبب المشاكل اللي بينا .... وحملت ثاني والحال مثل ماهو ..
احيانا يكون شخص مافي اطيب منه ويوعدني ماعاد يمد يده ...واذا صارت مشكلة وكبرت اشوف جميع اشكال الضرب والاهانات وهكذا ..... وبعد تدخلات من الناس وانحلت المشكلة بيني وبين اهلي بس صارت العلاقة شبه رسمية ... ولكن صار زوجي يوديني عند اهلي ازورهم على فترات مرة اروح وعشرة لا ... وفي مناسبات كثيرة حصلت لاهلي منعني اروح ... وفي كل مرة اتعذر من اهلي واحط ان السبب فيني واني انشغلت ... المهم جا يوم ونفذ صبري وصارت بينا مشكلة ومد يده علي واهاني واتلفظ علي الفاظ ماتنقال وانا تركت البيت واخذ اولادي مني ... وخرجت من عنده وانا حالفة اني مارجعله وان بينا المحاكم عشان اخذ اولادي
بس طبعا تدخلوا ناس ورجعولي اولادي من غير محاكم ... بس المشكلة الآن طلعت حامل للمرة الثالثة وتراجعت عن فكرة الطلاق ... وقلت لزوجي على الخبر وحاب ينهي الامور بس يقولي انتي ارجعي ... وانا شرطي الوحيد ان يجيني عند اهلي ويوعدني قدامهم ان ماعاد يمد يده علي ولايتلفظ علي ... بس هو حالف ان مايدخل بيت اهلي ويقولي اذا تبغي اجيكي واخذك من غير مادخل بيت اهلك ....
وانا قلتله من حقي انك تجيني وتاخذني عشان اعرف قيمتي وقدري واذا من جد شاريني ... لانه في اول مشكلة صارت لنا في زواجنا بينت لك قيمتك وقدرك وشريتك رغم منع اهلي لي ورجعت لك ...
وانا الى الآن عند اهلي ... وهو مو راضي يجي ... وكل شوي ييقولي ان كل يوم بديت اكرهك عن اليوم اللي قبله ...
ايش رايكم ؟ مو معاي حق ؟ هو حتى مافكر باولاده وبحملي ؟ مسوي فيها عزة نفس ؟ يعني انا ماعندي كرامة ؟