السلآم عليكم
كيفكم اخواني عساكم بخير..فرج الله هم كل مغموم ، الله يسعدكم ويوفقكم ويعطيكم كل اللي تبونه..

بآطرح مشكلتي لأني مآلقيت مكآن غير هالمكآن عسآ ربي يعيننا آجمعين

اسرتي مكونه من 3 اولاد وامي وابوي انا اكبرهم عمري 16

المشكله الأولى اسرتنا عصبيه جدااا جدا ، من اصغر واحد الى اكبر واحد نعصب على اي شيء ونتنرفز..
ابوي مو مقصر معنآ امي دائم تعصب على ابوي على اصغر شيء تتكلم لين ابوي يعصب ثم يتهاوشون احيان ابوي يتكلم ويطلع برا وامي تقعد تعبانه..
تعبت من كثر مااشوفهم يتهاوشون وامي تعصب بابوي عشاان اتفه شيء واذا ابوي راح راحت تبكي طيب من البدايه لاتعصبين به
ابوي يعصب اكثر من امي امي تعصب علينا بععد دائم مع اني انا اكبر واحد كل شيء اسويه تهزئني ليين احيان ماامسك نفسي واقعد اتكلم

انا عآيش الحمد لله كلنآ عايشين بنعمه الحمد لله وماناقصنا شيء بس انا تعبت نفسسسيا تعبت حيييل..
مآصرت اتحمل اي شيء يعصب بي واطلع برا واي شيء والله حتى لو امي تبي شيء بسسسسيط اجيبه لها اعصب بدون سبب بعدين اندم ، ولا قلت لها اني مااقدر امسك نفسي تقول اني انا سبب بعصبيتها وتعبها
واني كذا وكذا وكذا ، واقققعد احيان اصيح اقول لييه وش سويت انا وش فرقي عن غيري ماسويت شيء غلط ابي اعيش براحتي..
ماادري كيف بسسسس مايتقبلون انصحهم اذا نصحت واحد منهم قام يتهزأ فيني ولآ يعصب علي

وامي تتعب يجيهآ صدآع دآئم مايختفي ومو صداع عادي

انا اقول بنفسي احيان مي مشكله اتحمل كلامهم بس اسكت عشان خلآص مايعصبون علي ولا يتعبون هُـم
واحيان اذا ماقدرت اتحمل كلامهم وتكلمت كذاا عليهم اقول بنفسي هم اكبر مني هم يتحملووون كل شيء وبيتفهموني لككن النتيجه انهم مايتفهمون يبوني اتعدل بكل شيء يبون اسوي كل شيء طيب وانا كل ماشفتهم بهالحاله تعبت ورحت لوححدي افكَر..طيب هم الآن ابوي عليه ضغوط ادري وهموم عنده اشياء كثيره وديون.
وامي مادري كيف طيب انا وش ذنبي ينحط علي كل شييء


مع ان ابوي وامي ملتزميييين بس هالعصبيه والضغوط خربت لنا حياتنااا

وش اسوي.!؟ ، قلت من عنده خبره وشاف امور كذا يقدر يسساعدني

كل بيت فيه مشاكل بس ما في حد يعرف أسرار البيوت واتحمد ربك أنه وقفت عالعصبيه والله معظم البيوت فيها بلاوي تشيب الراس وتسبب عقد نفسيه اتعايش مع الوضع عادي وماتقنع نفسك إنك عصبي حاول تكون انت الروح المرحه في البيت واضحك وامزح ورفه عن والدتك

__________________
لو اطلعتم على مافي الغيب لاخترتم الواقع

ممكن تنقل مشكلتك لقسم ساعدوني واطلب من والدنا رجل الرجال يساعدك

وحاليا لازم تحافظ على اذكارك وتذكر بها امك واخوانك باسلوب حلو لو تقراها بصوت مسموع
وحاول كل يوم تقرا جزء من القرآن
مثلا بعد صلاة الفجر تقرا عشر ايات وبعد صلاة المغرب برضو عشر ايات

وان شاء الله امورك تزين وتصير احسن من اول وتذكر
قوله تعالى "الا بذكر الله تطمئن القلوب"

وحاول انك تبتعد عن اي شي ينرفز امك اكيد انت ذحين تعرف كل شي ينرفزها
هي تحبكم بس تلقاها مضغوطه من شغل البيت والاهتمام بكم
ساعدها بأي شي تقدر عليه فالبيت حتى تخفف عنها شغل البيت لو شويه
مثلا ذاكر لأخوانك
المغرب علمهم الاذكار
اذا لاحظت انها تعبانه ممكن انت تسوي العشا عنها بس حاول انك ماتحوس لها المطبخ
واذا خلصتو من الاكل برضو ممكن تساعدها انك تشيل اواني الاكل عنها وقول لها انا ابغى اريحك
وكمان اهم شي اذا صحيت من نومك رتب غرفتكم وقول لأخوانك يساعدونك بس اذا عاندو لاتعصب
انت سو اللي عليك وبعد فتره راح يقلدونك بكل شي لانك انت مثلهم الأعلى وقدوتهم فالبيت

واذا عصبت امك عليك قولها الله يهديك ويحفظك لنا انا ماحب اشوفك زعلانه واشرح لها موقفك من دون لاتعصب انت

شويه شويه راح تتغير معاملتها وتكون اكثر هدوء هي واللي فالبيت كلهم
ان شاء الله اني قدرت افيدك لو بشويه

العائلة اللي مثل عائلتك كثيرين

وكونهم يعصبوا فهذا مو معناه انه العائلة بخطر ... مشاكل عادية يومية لا تشيل همها ... ولما تكلمك هي أو الوالد فهم قصدهم يوجهوك ويعطوك من تجربتهم حتى تتجنب الغلط والمشاكل اللي واجهتهم .. واجبهم يوجهوك بكل حركة وكل تصرف لأنهم أهلك .

واذا عصبيتهم مأثره عليك لهالدرجة فما فيها شي لو كلمت والدتك بلحظة صفا وقلت لها اللي كتبته هنا بموضوعك

انا يمكن بعمر والدتك وتصير عندنا مشاكل .. وكنت أعصب وما أنتبه انه الولاد يتأثروا لكن لما عرفت صرت أحرص وانتبه على نفسي
انت كلمها وقولها عن خوفك وقلقكك عليها وعلى والدك وعلى البيت وأنا متأكدة من انها راح تريحك وتصير تحاسب أكثر

__________________

أنصحك بتشغيل سورة البقرة دائما في البيت .
وقراءتها ايضا كل ثلاثة ايام .
لأن النبي صل الله عليه وسلم قال : ( إن الشيطان يَنْفُر مِن البيت الذي تُقْرأ فيه سُورة البقرة )
ولا تنسى الماء المقروء عليه ..
اخرج من البيت صور ذوات الارواح والدمى والصور المجسمة .
ارحرص على ذكر الله والورد الصباحي والمسائي .
الله عزوجل طلب من شيئامحدد ( ادعوني ) ثم ماذا قال : ( استجب لكم )
عليك بالدعااااااااااااء ( اللهم انزل السكينة والطمأنينة على أهل هذا البيت ) ( اللهم إنا نعوذ بك من همزات الشياطين وعوذ بك رب ان يحضرون )
واذا غضبتم عليكم بالوضوء مباشرة .
والاخوان ماقصروا ..الله يهدي ويوفق الجميع .

__________________
الرجاء الدعاء لطفلي 4 سنوات بالشفاء ولكم مثل ذلك

يقول لك اسأل مجرب ولا تسأل طبيب أنا مجرب والله مااحنا بعيدين منكم لكن الامور بدت تتحسن تقريبا نفس اللي مريت به انت لكن عمري 18 .. احمدالله انك باقي في المرحلة هذي وما تطورت الامور أكثر يعني يمديك تسيطر على الموضوع ، بنصحك بنصيحة والله انها تسوى الدنيا وما فيها تقرب لربك اولا .. وثانيا (((((((تقرب لأمك مهما كان الثمن لو يكون ما يكون تعصب عليك اضحك لها روح بوس يدها في الوقت هذا تهزأك ناقشها بهدوووء حتى وهي تصا يح عليك ما سمعت لك قول لها ابشري في البداية بتحس بخوف وخجل لكن خلك رجااال وتجرأ واخربها على ما قالوا مهما كان الثمن))))

ثالثا لاتفكر وتقول ليش كذا ...الخ اعرف انها فترة وتعدي وانكم مأجورين وعش حياتك

رابعا اذا احب الله عبدا ابتلاه وهذي تكفي بحد ذاتها .. والناس ما خلوكم في حالكم انصحكم بالرقيا وروحوا عند شيخ ..

رقية العين والحسد http://www.4shared.com/audio/uLP4CLBl/___.html )) Downloadnow))

رقية السحر Downloadnow (( http://www.4shared.com/audio/eCEFf0g0/___online.html ((

الله يجزآكم خير ان شاء الله احاول اعمل باللي نصحتوني فيه تسلمون
الله يوفقكم ويسعدكم ويعطيكم اللي تبون زي مابعدتوا الضيقه عني

الله يسهل امرك ويوفقك ويوفق اسرتك ...
لكن بشرنا بالخير والتغيرات ..
دمت بنعم الله

__________________
الرجاء الدعاء لطفلي 4 سنوات بالشفاء ولكم مثل ذلك

نحنا كمان عائلة عصبية بس ماشوف انو عيب او شي
يمكن لاني اتعايشت مع الوضع وسرت متعوده على العصبية والمشاكل .,~
الله يعين (=

حتى ماما مسكينه ماتعرف تكتب الرساله تجي تقولي يا رمانه اكتبيلي وهيا تمليني وانا اكتب لها
وساعات اتضجر واتأفأف استغفرالله العظيم وبعدها أندم اني اتضجرت منهم : ( .,~

الله يهدينا وانا لمن اتذكر انو في يوم افتقدهم او يسير لهم اي مكروه لا سمح الله
أجلس اصيييح مااقدر امسك نفسي لاني اضايقهم بحركاتي احياننا فأندم وارجع احاول اعوضهم
بكل شي جميييل وحلوو .,~

الله المستعان والله يهدينا يآآرب : )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

أنصحك تحمل آيات السكينة وتخليها شغاله في بيتكم طوال الليل