السلام عليكم ورحمة الله

انا متزوجة منذ 5 شهور .. زوجي انسان طيب وحنون وعلاقتنا جداً طيبة ولله الحمد لكن مايشغل بالي أمرين
الأول :
بالفترة الحالية وبحكم عمله في منطقة نائية اروح لأهلي وقت الدوام طيلة الأسبوع ونهاية الأسبوع يجي يأخذني من عند اهلي ونروح وعلى شقة مفروشة
وانا بالشقق المفروشة منذ زواجي وحتى الآن تكلمنا في الموضوع , وانه ابغى استقر في شقة مؤثثة , اهتم بتفاصيلها , اشعر اني ملكة لبيتي , ليس شقة كل اسبوع تتنظف عن طريق العمالة , حتى لا أثق بأدوات التنظيف اللي يستعملونها .. ولما تكلمنا في موضوع السكن , قال : اوكي انا ببني ( غرفتين بالديرة ) بجنب اهله
طبعاً انا كنت قبل الزواج ساكنة بالمدينة , وحقيقة ماتعودت اسكن بالديرة , خصوصاً انه اغلب المساكن هناك شعبية , واصوات الحيوانات ترعبني و لايوجد خدمات مرضية وكافية لنا فرفضت السكن هناك , وبدأت المشكلة من هنا ليش ايش السبب لرفضك .. انا انسان تعودت على الحياة هناك , وابغى اسكن في ديرتي وما ابغى المدينة وصخبها ومشاكلها
أخذته بالحب واللين وجت له بأكثر من فكرة حتى يقتنع فقلت ياحبي انا بقدم على وظيفة بمدينتي واذا جاءني وظيفة بيكون المشوار صعب علي , قال وين المشكلة اهلي هناك وشوفينا نشتغل ونجي ونروح قلت طيب ياعمري انا من حقي يكون لي سكن مو شرط ملك حتى لو شقة ايجار سنوي انا مليت من الشقق المفروشة ومتضايقة جداً لانه اغلبها شباب عزوبية .. ابغى انظف ابغى اهتم بشقتي , ابغى اخلق اجواء جميلة لبيتي فحسيت هاذي النقطة أثرت شويه فيه .. وقلت له غرفتين وسكن شعبي رافضته , الحين غرفتين ايش اسوي فيها انا ابغى ااستقبل ضيوفي , صديقاتي ، اقاربي , غرفتين ماتناسبني قال لا كل سنة ادفع ايجار ويروح راتبي في الإيجارات قلت طيب انا بتوظف ان شاء الله واساعدك , بعض الأوقات يروح يبحث عن شقة داخل المدينة لما اتكلم معاه واقول يلا خلينا نروح ندور فيمشي الوضع اوكي ولكن يطلع في كل شقة عيب
( انا ابغاها جديدة .. ماحد سكنها قبل .. انا ابغى مدخل مستقل .. بعدين يرجع ويقول ابغى ديرتي , اخذ قرض واسوي لنا غرفتين .. وانا رافضه اسكن هناك بتاتاً
ولما اقنعته بالسكن بالمدينة وضغطت عليه شوي وكمان اهلي لمحوا له قال لي طيب بس بدور لأهلي شقة جنبنا , قلت اوكي على العين والرأس بس هما مستقرين هناك انا وانت نحتاج للإستقرار ولو حبوا يسكنوا بالمدينة ياهلا ، وكل ماسألته ايش صار بالشقة يقول لسى مالقيت شقتين جنب بعض انا ابي اهلي , فقلت حبيبي لاتربط استقرانا بأهلك , هم الحين ساكنين ومستقرين بس انا كل شهر وانا بشقة مفروشة مايصير , ولازالت هاذي هيه مشكلتي نفسي استقر بسكن بس كيف اقنعه ... هو بيأخذ قرض الحين وانا خايفة يسوي مثل مايبغى كيف احاول اقنعه بموضوع السكن , علماً ان كل نهاية اسبوع يروح عند اهله في الديرة وماعندي مشكلة بهذا الشي بالعكس واجب وحق علينا بس سكن هناك رافضه .. اريد حل او كيف اقنعه ؟!

والأمر الثاني : عدم اعتماد زوجي قي قراراته وشؤوننا الحياتية على نفسه .. اي قرار يتأخذه لازم يكون والده (عمي ) واهله , لما نتكلم في موضوع او مشروع بحياتنا يروح لأهله ويقول لهم كل الكلام اللي دار بيننا ,فلما نتكلم مع بعض ويقول خليني اشوف ابوي اهلي , قلت حبيبي انت انسان الحين مستقل وانا كذلك قرارتنا احنا المسؤليين عنها , الإستشارة طيبة بس مو في ادق تفاصيل حياتنا.. نستشير فقط في المواضيع الكبيرة والحتمية , بس للأسف انه لازال على هذا الحال ؟! وانا حابه يأخذ قرا راتنا وبدأت ادخل بين كلامي كلمات تزيد وتشجع من عزيمته وانه قادر يتأخذ قراراته بنفسه وماشاء الله عليك تعجبني فكرتك , وأخذ استشارته في ملابسي , في تفاصيلي بشكل عام حتى اعزز اتخاذ القرار عنده .!

اتمنى الحلول والآراء المناسبة لهذين الامرين ,