السلام عليكم

لولا ثقتي بمنتداكم لما عرضت مشكلتي فيه ..
.
.
.
اليوم الوالد عرض عليي و فرش كل خياراته .. فلاني تقدملك و فلاني و فلاني ..

أول اثنين استبعدهم الوالد لأنه الأول منهم اللي تارك والدته ما يشوفها إلا كل كم من شهر مرة و سمعنا عنو إنو يسكر..
و الثاني سافر يدرس بعثة و رجع بدون شهادة .. يعني بالمختصر شكله متعود ما يلتزم بالوعود..

الثالث .. اللي هو كان صدمة حياتي !!

صدمتي كانت أكبر مما توقعت .. هو قريبي فيه كل الصفات الحلوة و دايمًا معروف عنه راعي فزعات بس المشكلة إنه ( أصغر مني) بسنة وحدة .. و هو أحد أعز أصدقاء أخوي الأصغر مني
و الفضيحة إني كنت أعده زي أخوي و أسلم عليه بالكلام و كان يوصلني ويا أخوي للدوام

أنا شكيت حتى إني سألت أخواتي قلت يمكن الولد غصبوه أهله مستحيل يختار وحدة أكبر منه و الدنيا مليانة بنات أصغر مني و حلوات .. بس حسب كلامهم و اللي فهمته إنه الولد يحبني مرة و ضغط على أهله إنهم يتقدمولي خصوصًا لما عرف إنه المتقدم الأول طلب يدي ..

لو تسألوني تحبيه أو لا .. و الله ما جربت أحب و ما أعرف من الصدمة مو قادرة أفكر ..
أنا خايفة من إني أتزوجه و أبين كبيرة و هو وجهه مرة طفولي .. و بسرعة أتكرفت و أعجز
و أخاف أرفضه و أعنس خصوصًا إنه كل اللي بعمري اتزوجوا ..
الوالد عطاني فرصة استخير لمدة أسبوع قلت له ما أبغى استعجل في اتخاذ قراري.. و جدًا خايفة .. انصحوني ..

المشاركة الأصلية كتبت بواسطة عايشه بدونه ياشيخه بلا تفكير الولد يحبك وشاريك انسي العمر ترا العمر لا يقدم ولا ياخر خواتي اكبر من ازواجهن بخمس بعشر سنوات وعايشات مبسوطات ومحد جاب طاري عمرك وعمري استخيري وتوكلي علا الله الله يوووفقك

المشاركة الأصلية كتبت بواسطة ٍأسمهان الولد ما ينعاب و أهله مرة طيبين أنا خايفة من نظرة الناس .. خصوصًا إنه العيلة كانوا متوقعينه يكون لفلانة قريبتي .. و فجأة راح ينصدمون إنه يحب وحدة أكبر منه (اللي هي أنا) .. أحس إني بكون في موقف لا أحسد عليه لدرجة إني أفكر إني إذا وافقت أؤجل الخطوبة لحد قبل الملكة بأسبوع أو أسبوعين قاعدة استخير .. و مرة خايفة .. حتى مو قادرة أركز في شغلي من الصدمة

المشاركة الأصلية كتبت بواسطة اصرخ بصمت شوفي حبيبتي فيه موضوع بهالقسم مثبت اللي هو مفضلة عالم المقبلين ع الزواج وراح تلقين كذا موضوع عن فارق السن وفيه اشياء كثيره راح تستفيدين منها باذن الله وانا عن رايي اذا الرجال كويس لاتلتفتين للعمر واستخيري ثم استخيري ثم استخيري وربي ماراح يخيبك باذن الله بالتوفييييييق ياقمر

المشاركة الأصلية كتبت بواسطة &عصفورة& ياستي انا تقدم لي شاب اصغر مني بسنة وكااان مقتنع تماااماً بي بل كان يحبني وانا تفاجئت من حبه ومشاعره لكن اهله هم من فرقوا بيننا عاادي يااختي دامه يحبك لاتفرطي فيه

المشاركة الأصلية كتبت بواسطة سمو آنسانة وافقي يالغلاااا بعد ماترتاحين بالاستخارة وتسألون عن اخلاقه ’,~ وبالعكس لما الكل متوقع يكون لغيرك وهو جاء وخطبك انتي هذا فخر لك ياحيااتي ’,~ والعمر سنة واحدة مو فارقة كثير وفيه ناس يتزوجون وبينهم سنوات واللي صفاتهم حلوة ماراح تلاقينهم بكل شي كاملين ومثل مانتمنى وهذي سنة الحياة يعني الواحد فيه صفتين حلوة والثالثة لا بس الحكمة انو اذا نقدر نتجاوز نفعل وامااا السابقين فعلااا مع والداك حق بالرفض’,~ وموفقة ومبرووووووووك مقدماااا والله يكتب لك الخير ,~