بسم الله الرحمن الرحيم


السلام عليكم ورحمة الله وبركاته


حبيت آخذ آرائكم من الجنسين

أولاً احنا نعرف الأخطار اللي تتعرض لها اخواتنا وامهاتنا والزوجات في ركوبها مع السائق لوحدها او تكون في المنزل لوحدها او هي واطفال وتطلب من المطعم او البقاله وتفتح لهم الباب وتأخذ الأغراض وأحياناً يكون الرجل موجود بل احياناً يكون في المنزل خمسه وست رجال

بالنسبه لي في الغالب انا واخواني اللي نلبي طلبات المنزل ونحضرها بأنفسنا وقليل ما تطلب اختي او امي من البقاله او غيرها واذا ارادت اختي ان تطلب تجي لواحد منا وتقول ترا بطلب وافتح الباب الله يجزاك خير او رح جب الاغراض ولا اتركها هي تفتح الباب يا انا او احد اخواني لاننا الحمدلله اربعه في المنزل ولابد يكون فيه واحد موجود ، ونحن من نذهب بهم للسوق مثلاً او المستوصف ولا اتذكر انهم ركبوا التاكسي او الليموزن الا مرتين او ثلاث للضروره تعرفون مخاطر ركوب المرأه في التاكسي لوحدها او مع امرأه اخرى وليس معهم محرم الا اذا تعذر وجود المحرم واظطروا الشكوى لله لكن عليهم بالإلتزام بالسكوت في السياره والتستر الكامل

لماذا لا ارضى لاختي او امي او الزوجه ان تفتح لتوصيل الطلبات سواءً بقاله او غيرها ؟
لانه حدث معي موقف كان فيه رجل من جنسيه عربيه يعمل في توصيل الطلبات انا كنت اتصفح الانترنت وإذا بـ الجرس يدق استغربت ! من اللي جاي هالحزه طلعت حصلت رجل من جنسيه عربيه لن اذكرها نزل من سيارته وفتح الباب الخلفي ونزل اغراض معه وجا مدها لي قلت نعم ؟ قال طلبكم قلت ما طلبنا شي ( بكل احترام ) قال بعصبيه طيب ليه ما قلت لي قبل ما انزل الاغراض ، قلت له انت الحين داق الجرس في آخر الليل وجالس ترفع صوتك علي بعد (استحي على وجهك) رد علي قال( ايش ؟ ) قلت استحي على وجهك لما شافني ما خفت منه قال طيب انا آسف قلت له قليل ادب وسكرت الباب وانا داخل سمعت امرأه من الجيران تفتح له وتحاسبه وانا اقول في نفسي كيف يرضون رجالهم يفتحون لتوصيل الطلبات في وقت متأخر من الليل ما يخافون عليهم ؟ اذا كان هذا تعامله معي كيف بيتعامل مع اختي او والدتي ؟ ، طيب اذا اردت الخروج من المنزل لوقت طويل اسأل اهل البيت تبون شي ؟ يلزمكم شي ؟ ولا الحاجه لتوصيل الطلبات من بقاله او غيرها

أولاً : آرائكم عن هذا الموضوع وماهو وضعكم في المنزل ومع نسائكم في هذا الموضوع ؟

ثايناً : هل ترى أن الرجل لا يرضى لنسائه ان تفتح الباب لتوصيل الطلبات ولا يرضى ان تركب التاكسي او مع السائق لوحدها ( تخلف وتشدد ) ؟

وماذا أمرنا الإسلام في هذه الناحيه ( لمن يعلم فقط )

انتظركم