السلام عليكم ورحمة الله وبركاته

في البداية احمد الله عز وجل ان وفقني بخطبة فتاة اختارها لي الله والحمدلله قلبي مطمئن لها كثيراً أسأل الله أن يوفقنا ويوفق جميع المسلمين والمسلمات وان يعيشوا حياة زوجية سعيدة بعيدة عن الظلم والقهر والمعاناة وموضوعي هو عبارة عن استشارة لمن سبقني أو من لديه إضافات حيال موضوعي .

تم عقد القرآن بيننا منذ ثلاثة اسابيع ووضعنا الى الآن فوق الممتاز الحمدلله استشرت خطيبتي بموضوع الزواج والوقت المناسب لها ولي فلاحظت من خلال اسألتي لها أنها تحاول قدر الإمكان أن تحاول ان تؤجل الزواج لفترة طويلة تتراوح من سنه الى سنه ونصف ليس لمشكلة لديها أو لظروف دراسية أو عمليه أو أي شي فقط تأجيلها بسبب أنها لاتريد أن تبعد عن اهلها وأنا مقدر هذا الظرف ولكن أريد ان أعرف كيف أقدر أقنعها بأن الموضوع سهل ولن امنعها من زيارتهم خصوصاً خوفها لانها تسكن في الرياض وأنا اسكن في جدة وليس لديها أقارب في جدة نهائياً وتخاف من الوحدانية وبعدها عن اهلها وكل ماتتذكر الموضوع تبكي .

السؤال بارك الله فيكم .. كيف أقدر أقنعها وأخفف عليها أكثر ؟ وشكراً لكم مقدماً

بإمتلاكك لقلبها واسرك له
بعدها بتمشي معك ان شاء الله للقمر عاادي

انا من رايي ياخوي حاول خلـال هالشهرين تتقرب لـهاإ لكثر .. وتطمنهأإ من ناحيتكـ .. حسسهأإ بالطمأإنينهـ ..ووضح لهأإ حبكـ وحاول تزورهـــأإ وتجيبلهأإ هدايا وتدلعــهأإ .. صدقني وقتهــــــــأإ البنت بتعشقكـ وبتتطمن ... والبنت لاحبت شخص وارتاحت له وامنت لهـ باعت اهلهأإ وصديقأإتهأإ والدنيــأإ على شانهـ .. وانت عاد كلمـــهأإ بالموضوعـ اذا حسيت انهاإ تقربت لكـ اكثر ..
قولـــهأإ خلـاص انا امنيتي اشوفكـ معي بنفس البيت .. وصرت ماعاد افكر الا بكـ وبحياتنا مع بعض واني اشتقت لليومـ اللي اشوفكـ فيهـ ببيتي _ تكونين زوجتي _ ومن هالكلـامـ .... الخ
وطمنهأإ انت وقولهأإ اذا عن اهلكـ بخليكـ تزورينهمـ مارح امنعكـ ..
وواللهـ انا اشوف ان
خير البر عاجله ولا خير في التأجيل ...
وااسال اللهـ ان يحنن قلبهأإ ويوفقكمـ ويسعدكمـ .. ويجعلـ زواجكـ باقرب فرصهـ يارب

ماتشعر به خطيبتك هو شيء طبيعي..ينتاب بعض الفتيات..فراق الأهل وهاجس البعد عنهم ..

أنت ذكرت أنك متملك من ثلاث أسابيع فقط..فأتوقع راح تشعر بكذا فالبدايه.. لكن مع الوقت بتزول مخاوفها وخاصه أذا تعلقت فيك وبتقولك هي بنفسها متى نتزوج^_^

ماعليك فعله هو تغدقها بحبك.وتمطرها بحنانك حتى تخف مخاوفها وتطول بالك ..وتنتقي الكلمات الرقيقه التي من شأنها أن تطمئنها وتقنعها..

الله بديم بينكم المحبه والألفه..ويجمعكم في عشكم بالقريب العاجل^.^

خلها تحبك
وبتصير هي اللي تزعجك بسرعة الزواج
وشلون تخليها تحبك
عاد هذا يرجع لأسلوبك

ذكرتني باللذي مضى*
أنا من جدة و بعد الزواج انتقلت للرياض
في فترة الملكة ما كنت احب احد يفتح الموضوع هذا معي أبدا ..
كان هاجس شلون بعيش بالرياض وشلون بسيب اهلي و.. و...و حاجات كثير ما تخطر ع بال عاقل
يحاولون يقنعوني يفتحون الموضوع يلمحون وانا هاتك يا صييياح مابي احد يجيب طاريه
وجت اللحظة الحاسمة وتزوجت و جا موعد رحلتي و أنا بكاااا مو طبيعي و أخذت معي أمي وخواتي للمطار وفتحناها مناحه هناك ههههههه و خالتي معنا ... تقول بروح كندا*
وهي كلها ساعه وربع بالطيارة ..
لكن خلاص كان مسيطر ع تفكيري أني بعيش وحيدة و ماعندي اهلي و اشياء كثير*
...*
ترى الموضوع مو عادي عند البنات بتقعد تشيل هم لين تجرب هالشي و تشوفه عادي
عاد الحين التقنية ما قصرت بكل مكان الواحد يوصل لاهله ...
ع قوله الحلوة مستقبل غامض .. هنا يجي دورك .. ذوبها في دباديبك عشان تقول متي يجي اليوم اللي يجمعنا مكان واحد*
مالك الا هالحل ... وعشان لا تدوج راسك
لا تفتح معاها الموضوع نهائيا موضوع السفر و النقله ..
خل سوالفكم فيكم انتم و حتي لو لمحت لك انه صعب وكذا
قول لا تسبقين الاحداث يمكن يصير شي غير اللي متوقعته*
الله يسعدكم يارب و يهنيكم*

__________________

‏
الوعي هو الملاذ ..

أستغفر الله العظيم ؛
( الفردوس غايتي )

خذ الحل منّي
انا لي شهرين عاقد القران وزواجي نهاية السنه
فتحت لها الموضوع اول مره انخرشت وأستعملت جميع اسسي وطرقي في تسهيل العمليّة بالكلام الحلووو والتخيلات الجميله بالاخير استانست ورضت وانا انبسطت انها فرحت
بعد السالفه هذي بشهر فتحنا سالفة الزواج مره ثانيه وياخووي كأني ماقد تكلمت معها
انخرشت من جديد وانا عرفت ان ماهكذا تورد الابل
عشان كذا الحل انك تخلي موعد الزواج في بالك انت
وقبله ب4 شهور او 3 شهور تعلمها وتعلم اهلها وانك قررت خلاص قرار نهائي ووقتها سهّل لها الزواج وعطها من الكلام الحلو ,احسن مافي الحريم يدوخون بالكلام الحلو ههههه ويوافقون علطول الله لايحرمني منها

بالحب طبعـــآآآ
الحب تهتز فيه القناعات السابقة و تتدفق التضحيات الآآ نهائيه
خلها تحبك اول
وبعدها اي شي تطلبه بتقول لك سم وابشر (=

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )