زواج الحب في حال كان الحب من الطرفين .. لان راح يكون في توافق بالتفكير ..
او خل اقولج شغله.. يعني اذا انتي تحبين واحد وهو يحبج حتى لو مافيكم صفات مشتركه يكفي انكم تتقبلون بعض بتفاصيلكم فراح تكونين متقبله تفكيره .. ومنطقه بالحياه .. وهو كذالك .

عندج ولد عمي او بالاحرى ابوه وابويه عيال عم ..
يعرف عني كل شي يموت بتفاصيلي ويبيني على سنه الله ورسوله وتقدملي كذا مرة الا اني رافضتنه قبل وفاه امي واخوي رحمه الله عليهم لسبب واحد

انه موب متقبل تفكيري ومنطقي بحيث يبيني اقدم تنازلات كثيره مثل يباني اغير استايلي ومايباني اسوق ومايباني اسير السينما والكوفي وهالأماكن اللي تعودت عليها ..
وهو يكبرني بسنتين ..

هذا يسمونه حب من طرف واحد من طرفه هو بالنهايه عزيزتي هو من الاهل ولو تزوجته راح يتعتبر زواج اهل
بجي ماراح اتوفق بحياتي معاه ..
لاختلاف مستوى التفكير بينا .. ولانه ماتقبلني على طبيعتي تقدرين تقولين يبا يتحكم وبس
بحكم انه رجل شرقي وغيوور
وانا بالنسبه ماارضى بزواج مبني على الغييره اللي تلحقها شكوك

من جي عزيزتي الغاليه تاكدي زواج الحب من الطرفين هو الزواج الناجح دائمن ولا تصغين لاي حد يقولج راح يكون زواج مبني على الشكوك وغيره تاكدي
الزواج الناجح هو اذا اقتنعتي بالشخص حتى لو كان من الاقارب ولاأهل اهم شي اثنينكم متقبلين افكار بعض ومتقبلين بعضكم بطبيعتكم وتصرفاتكم حتى لو كان في توافق بالتنازلات او كان احد الطرفين يتنازل من طيب خاطر
اهني عززيتي راح تتوفقين باختيارج وهو بدورة بيتوفق .. بس بالنسبه لزواج التقليدي وانتي ماتعرفين شي عنه ولا عن تفكيره ولاهو يعرف شي عنج وعن تفكيرج في وقتنا الحالي وبهالزمن راح ينتج عنه مشكلات وتجريح وهم وحزن وزعل والخ... كل مرة راح تقعدين على مشارف الحلول لايجاد حل جديد لمشكله جديده صادفتج معاه ..

اكتفي بهالقدر

‏
الوعي هو الملاذ ..

‏
الوعي هو الملاذ ..