صراحة انا شايل هم الزواج مافيه لحضة تمر إلا أفكر، مشاعر تجي تردد خوق قلق تنبؤ مشاعر رومانسية مشاعر متناقضة كيف نبي نصير انا وياه وإلخ ويمكن مرت او تمر فيكم هالمشاعر، انا خاطب وراح نكتب العقد بعد شهر، يعني حتى الان مافيه تواصل بس صراحة اتابع سواليف خطيبتي بالتويتر من دون ماتدري والقاها كأن الموضوع ماشكل ولا جابت خبره سواليف وضحك مع صديقاتها وتعليقات تحسسك البنت ناسية شي انه قدامها عقد وزواج بعد خمس شهور !!!

وش رايكم هل البنت تشيل هم الزواج والعالم الجديد اللي قدامها مثل الرجل ولا كيف ؟؟ وايش تفسرون تصرفات الخطيبة في تويتر هل هي مثل ما اتصور ماجابت خبر ولا كيف ؟

طبعا تحمل هم الزواج
لكن هل حمل الهم هذا ستعبر عنه في تويتر !!!
و هل سيطغى عليها ما تضحك و لا تمزح ..لا
,,
أنت قلت أنك تعيش (((مشاعر متناقضة))) و غيره
هل تبقى هذه المشاعر بداخلك ام تترجمها و تظهر على تصرفاتك وو جهك امام الجميع
,,,
لا أعتقد
إلا أذا كان طبعك حزين أو جاد طوال الوقت
و الأطباع تختلف
و لا يعني ذلك بالضرورة استهتار من أحد , لو رفه عن نفسه

تواصل مع زوجتك
و احملا و تشاركا التفكير بمستقبليكما معا
اجعلها تضيفك
و تكلما على الخاص
يخفف الامر كثيرا

__________________

يسلمو المسداني ، بس وين اضيفها على الخاص !؟ مامملكت لسه عليها






بانتظار بقية الآراء ..

!!
لم تملكا
و تريد ان تحمل هالهم ,,
في فترة الخطوبة , و انتظار الملكة
البنت تكون فرحانة و طايرة من الفرح
و مستانسة أنه تقدم لها رجل مناسب
بدري على التفكير بتبعات الزواج
عموما يبدأ التفكير الجدي , عند قرب الزواج و مع بدأ الترييب له

__________________

يعني تفسرين تصرفاتها ذي أنها طايرة من الفرحة ؟

أي تصرفات؟؟

__________________

استهبالها وضحكها مع خوياتها

والله يااخووي مافيه وحده ماتشيل هم الزواج وهالحياااة الجديده المقبله عليهآ خصصوووص كيف تسعد هالشخص وكيف شخصيته وكيف اسلوووبه ونمط حياته وكيف تتأقلم معااااااه <<< قلق كبير من هالناحيه بالذات في مرحله الخطووبه لآني في هالمرحله ماراح اعرف غير الظاهر والملكه ومابعدهااا من تواصل وكلامناا مع بعض أكيد راح ارتااح كثير لكن يبقى الهم والتوتر والقلق ولآتنسى هم الأشياء الثاانية من تجهيزات ودبش وزفه وووووووووووووووووو كلام كثير ...

موفق يآآرب واقوولهاااا لك لآتشيل هم يااعريس وكلهاااا تســــــــــــــــــــــــــــــــــــــــــــــــ ـــــــــــــآآهيل ان شاء الله

مشكورة روحها عطرها دايم كلماتك زي البلسم

ضحكها و استهبالها مع صاحباتها
لا يعكس كل ما تفكر فيه و ليست هي المنظار الأوحد
للتفكير بالمرحلة المقبلة!!

__________________