"" العناية المركزه ""
قصة واقعية حصلت لي
وبعد ما كتب الله لي حياة جديده احببت ان اطرحها
لعل يكون في طرحها عبره او درس لكل الازواج
وستكون عدة فصووول
سأحكيها بكل تفصيل
\
ارجو من المشرفين ابقاء هذا الموضوع وعدم نقله
ذاك المكان ( مكان خارج الرياض ) الفته كثيرا
واصبحت اتردد عليه
لسبب بعده عن ضوضاء الرياض
فالألم الذي بداخلي يحتاج لمساحة هدوووء كبيره
لم آلف ان اشتكي او افضفض لأحد الى لها ( زوجتي )
ولكن اليوم لا سبيل لي الا ان اشتكي لوحدتي
والداي لم يربياني الا على القوه والاعتماد
ولم اعتد ان اضعف او استكين لجرحي
ولكن الجرح النازف فيني هد كل قواي وتغربّت عن عالمي ودنياي
فكثيرا سهرت في ذالك المكان والفكر يقتلني بكل صوره
ودموعي اغرقت كل التفاصيل
"" تكملة القصة ""
ذاك اليوم لن اساااه ما حييت
وانا جالس في المكان الذي اعتدت الجلوس فيه
بدأت اخط بيدي على الرمال وارسم ذكريات ثم اعاود دفنها
لكي اوهم نفسي اني نسيتها والامر ليس كذلك
واصعب شي هو ان نعيش مقيدين بذكرانا
في هذا المكان ( رمال الثمامه )
اعتدت في ايام الثانويه والجامعه
ان اخرج مع الزملاء والاصدقاء
وليس لدينا اي التزام سوى اللعب والترفيه
ولكن هذه الايااام مختلفة عن سابقتها
بدأت الذكرى ترجع بي
يوم حفل تخرجي من الجامعه
والحفلة الكبيره اللي اقامها ابوي - الله يطوّل في عمره -
وعدد الناس الهائل اللي حضر
وكان من اللي حضرو بنت خالي
واللي يا ما حلمت اليوم اللي ارتبط فيها
صحيح محبتي لها من الطفوله
بس حب صادق وطاهر وما فيه لا مكالمات او حتى تصريح
وهي حتى او اهلي ما كانو يعرفون بجنوون حبي لها
نزل قرار تعييني
وتغرّبت عن الرياض
وصرت اشتغل ليل ونهار واجمع
عشان ارجع للرياض وافاتح امي بالموضوع
وفي ايام نهاية الاسبوع كنت انزل للرياض
وذاك اليوم دخلت على امي وهو مبسوطه
وتقووول لي ابشرك ان بنت خالك ( تملكت )
الخبر نزل على راسي مثل الصاعقة
وقتها دمعت مو عين وحده لا عيوني الثنتين الا شعوريا
سألتني امي فيك شي
قلت لا بس عيوني هالايام توجعني
امي شكت في الامر وفي النهاية اقتنعت بكلامي
بعد كم شهر حضرت زواجها ودعيت لها من كل قلبي بالتوفيق
هذا شي الله كاتبه وما لي الا التسليم
بعد زواج بنت خالي
وبكل صراحة ما عاد للحياة في عيوني طعم ولا لون
وصارت الرياض في عيني قرية صغيره
وما صرت اهتم حتى بشكلي او احرص على مستقبلي
وذاك اليوم وانا طالع مع الشباب في الثمامة
اتصلت امي .. وقالت وينك
قلت مع الشباب قالت اذا جا لك وقت فاضي تعال ابيك
قلت .. جاي لك يا الغاليه لو عندي مشاغل الدنيا اتركها واجيك
رحت للبيت بسرعه
لأن مو من عادة امي انها تطلبني
بس كانت نفسيتها من شهرين تعبانة حيل
لفقدها اعز صديقاتها ورفيقة عمرها
دخلت البيت
بقيت امي جالسه في الصاله
بس شدتني ابتسامتها وقتها ارتحت نفسيا وقلت الحمد لله
حبيت راسها .. وقلت آمري يا الغاليه
راحت امي وجابت القهوه والشاهي << مع ان وقت القهوه والشاهي المغرب مو العصر
قالت لي يا ولدي
تعرف وش كثر غلى ( ام محمد ) الله يرحمها عندي
هي اختي اللي ما ولدتها امي وهي عيوني اللي اشوف الحياة فيها
قالت .. ام محمد راحت بس مكانها في قلبي باااقي
بس تراها راحت وتركت اصغر بناتها
وانا اشوفها بنت من احلى البنات
واتمنى لو الله يكتبها لك
قلت لأمي .. تكفين يا الغاليه الزواج ما افكر فيه الحين
بس وقتها اخفت الابتسامه من وجه الغاليه
وحسيت اني كسرت فرحه في قلب امي
رجعت لها وقلت ( اللي تشووفينه يا الغاليه يصير )
تمت الخطوبة وتمت الموافقه
ثم جاء يوم الملكة
تصورو معي حالنا يا الشباب السعودي
تخطب بنت وما تعرف منها الا اسمها وكل وحده تعطيك مواصفات 
هذا ما يهم كان الاهم عندي هو رضا الغاليه
بعد عقد القران
طلب مني اخوي زوجتي ان ادخل واسلّم على زوجتي
وبدأ العرق ينقط ههههههه والله ورطه ما عمري جلست مع بنت او حتى كلمتها
وانا امشي خطوه خطوه كنت افكر وش اقوول لها هههههههه حتى اسلووب ما فيه
وقت ما فتحو الباب ودخلت عليها
احس ان الله انزل في قلبي محبة تملأ الكووون كله
ووقتها تلعثمت اكثر وتورطت هههههههه
قلت لها كيف حالك والبنت اشكل هههههه تعرفون عاد حيا البنااات
وقتها حسيت اني طرزان << بس كذا 
اخذت العصير ويديني ترجف واعطيني والحمد لله انه ما طاح من يدي
وأكلت التورته وطاحت على ثوبي ههههههههه
ابتسمت .. يا ليت الارض ابلعتني ولا صار لك هذا الموقف هههههه
يا زينها من ذكريات
بعدها طلعت للمجلس وكنت ناشي ان التورته طاحت على ثوبي
ضحكو اخواني واصدقائي
وكان يوم من اجمل الاياااام اللي مضت في حياتي
اكرر شكري وتقديري لكل من شرفني بتواجده
"" تكملة القصة ""
بعد ما رجعت للبيت من الملكة
حسيت كأن حياة جديده انولدت معي
وأمل بدأ يشرق في روحي
ومن وقتها بديت ارسم لي حياة جديده
وصرت اعد الليالي والايام عشان اجتمع انا وشركة حياتي في بيت وقلب واحد
وجا يوم الزواج واللي ما رح انساه بكل تفاصيله
واجتمعت برفيقة عمري بعد طووول انتظار
وكنت اردد بيني وبين نفسي "" هذا حقيقه مو حلم يا رب يكون حقيقه ""
كنت اقووول لزوجتي
ياااااااااااهـ كان في الرياض ملاك بس كنت ما ادري
ولو تبيني اقسم لك انك جوهرة ولؤلؤة ونور الرياض اقسمت لك
صرت شاعر ومتيم وعاشق لأقرب الناس لي
لدرجة اني ما ادري هل انا في واقع ام خيال
وصارت حياتي غير
واصبحت اهتم فيها لدرجة فووق الخيال
كنت اسافر واياها بشكل شبه اسبوعي
وما كنت ارضى استاجر لها الا ارقى وافخم الهوتيلات
كانت تسألني ليه تستاجر وتاخذ الشي الغالي
وكنت ارد عليها "" لأن الغالي للغالين ""
والله ما كنت ارد لها طلب ابدا مهما كانت استحالته
وما عمري قالت لي شي وقلت لها لا
ومرضت كم يوووم
والله كنت ما انام وقتها وكنت احرص على تكميدها واعطائها دواها في وقته
واذا جا وقت الاعياد او المناسبات
والله اني كنت اخصص لها ميزانية مفتووحه
تصل احيانا الى 10 آلاف لأنها في عيوني أميره والاميره ما يغلى عليها شي
"" لم ازل اخط بيدي على الرمال ""
وهذه كلها خزانات حكاية عالقة في ذكرياتي
ذاك اليوم
رن جوالي .. وهذا رقم اختي
قالت وينك يا القطوع لا حس ولا خبر
قلت .. في الدنيا الله يعين عليها بخير
قالت اختي .. ابيك تجيني في بيتي ضروووري بس لحالك
قلت .. ان شاء الله
وصلت لبيت اختي
وكعادتها سفرتها عاااامره الله يحفظها
قالت لي .. يا اخووووي وش فييييييك
ما انت اخوي اللي اعرفه
وتراني عاتبة عليك
قلت .. عسى ما شر وش انا مسوي .. مالك الا سموحة الخاطر
قالت .. افعالك مع زوجتك ترى ما هي من سلومنا ولا من طبعنا
واللي قاعد تسويه مع زوووجتك غلط واكبر غلط
والا في انسان عاقل يمسك بيد زوجته في السوق او الشارع
لا وتفتح لها الباب وتسكره لها ثم بدت تضحك اختي
انا حسبتها غايره منها ما جا في بالي انها فعلا تنصحني
وقالت .. وش داعيه اذا كانت زوجتك عند اهلي
انك تتصل كل ثانية ودقيقه انتبهوو لهاا عطووها هي كلت هي شربت
تراااااك مللتنا من تصرفاتك
وبجد انت مو اخوي اللي اعرفه
وبعد كم شهر من زواجنا تعبت زوجتي بشكل كبير
ورحت بها لمستشفاها الخاص
كنت فاتح لها ملف في مستشفى خاص من اول مره تعبت فيه
وبعد الكشوفات والتحاليل
كنت خايف عليهااا بس الدكتوره كانت تضحك
وقالت مبروووووك المدام ( حااااااامل )
وقتها ما تتصورون وش كثر فرحت
انه بيجي ولد من روحي وروح حبيبتي
ومن يوم عرفت بحملها صرت اخاف عليها اكثر
ومنعت انها تسوي اي شي اة تطبخ او حتى تشيل فاين
استقدمت لها خادمه على حساب راحتها
لأن سعادتها وراحتها تسوى عندي الكووون
ويا سرع الاياااام والليااااالي
مرت علي مثل الدقاااايق والثواااني
ويوم دخلت زوجتي في شهرها الاخير
قدمت اجازه عشان اكوون بقربها
وجا اليوووم اللي رح اشوووف ولدي
جاء يوم الولاده
قمت من النوم وزوجتي كانت تعباااااانه حيل
رحت بها للمستشفى
وبعد ما دخلت الدكتوره قالت خلاااص كلها كم ساعه ويشرّف ضيفكم
وجات ساعه الولادة
تصورو والله اني قعدت ابكي عند غرفة الولادة
لدرجة اني شديّت انتباه كل اللي في المستشفى
وجاني مدير المشفى وادخلني في غرفة خاصه
قال فيك شي
قلت لا زوجتي في غرفة الولاده وخاايف عليها
لأني احس ان كل الم فيها فيني قبل ما يكون فيها
حتى اني ما قدرت اكلم اخوها ارسلت له رساله
وارسلت لامي واختي
وكلهم وصلوو للمستشفى وانصدموو يوم شافوني ابكي
بعد العملية
طلعت الدكتوره هي تقوول مبروووك ولد يجنن
قلت لها ( كيف زوجتي )
قالت تماااام بس هي الان في حالة تخدير كلها كم ساعه وتصحى
شفت ولدي وشلته بين يديني وسميته ( محمد ) لأنه اسم ابوي وابو زوجتي
قالت امي يله تعال معنا وبنرجع بعد كم ساعه اذا قامت من البنج
قلت اعذريني يا الغاليه ابجلس هناا الين تصحى من البنج
تصورو انا ما كانت حاس بنفسي وقتها
اني جالس في السيب وعلى الارض لا غتره ولا طاقه ولاشي
ومدير المشفى يقول لي ادخل ترى وضعك غير لائق
وكنت ادخل ثم اطلع قدّام غرفة الولاده
كان وضعي المادي احسن من الممتاز
وكنت وقتها في اواخر 2004
تذكرون وقتها كان سوق الاسهم في احسن احواله
دخلت للسوق برأس مال كبير
وأخذت قرض مدة عشر سنوات
واخذت اشتغل ليل نهار
وصرت اتابع اخبار السوق اول بأول
ونتائج الشركات وجديدها ووووو
حققت ارباح فووق الخياليه
ومع تحقق ارباحي اللي وصلت اكثر من 3 مليون
جاني خبر سعيييييد
اني زوجتي حااامل
وفرحت فرحة ما تتصورون كيفها
وطووول الاياااااااام والسنين كنت عايش مع زوجتي حياة احسد نفسي عليها
لدرجة اني اقوووول اني اسعد انسااان في الكون
دخولي لسوق الاسهم وعملي فيه
ما اشغلني عن زوجتي وولدي
كنت واياهم ع طوول
وكنا نطلع بشكل شبه يومي للمولات
واحيانا للشاليهات وساعات كنا نسافر خارج الرياض
وذاك اليوووم
قررت اشتري بيت لي ولاهلي
وفعلا رحت لمحل عقار وقال لي اصحاب البيتين مسافر
واحتمال يرد بعد شهر
اعطيته عربون وقلت خلاص رح اشتريهم
وفعلا احلامي صارت واقع
اتصل علي صديقي بدر
وقال عندك سيوله في السوق
قلت لا
قال رح وادخل لسهم ( الغذائية )
سمعت ان عندهم خبر رح يرفع السهم فوووق
رجعت ودخلت بكل سيولتي في سهم الغذائية
وكان سعره فيوق 1000 ريال
وبعد ما رجعت للسوق بــ اسبوعين
صار شي ما حسبنا له اي حسااااااب
وهو انهيار سوق الاسهم عام 2006
اتصل علي بدر وانا في العمل
قال عندك اسهم في السوق
قلت ايه في سهم الغذائية كل السيوله
قال رح شووف وش صاير في السوق
قلت وش صار
قال انهيااااااااااار
وكل الاسهم مسجلّه نسب تحت
وملاااايين العرووض ولا احد يشتري
رجعت للبيت وفتحت نت وفعلااا انهيار
وخسائر بمليارات الريالات
فتح اليوم الثاني ونفس الكلام انهياااار ونسب تحت
واليوم الثالث والرابع والعاشر
نفسيتي تدهورت لدرجه ما تتصورون
وأحلامي بدأت تتكسر
ومع كل هذا ما قلت لزوجتي شي
لأنها حامل وفي شهرها الاخير
ومنتظرين اخو او اخت محمد
بس هي حست فيني
وحاولت تعرف بس ما قلت لها شي
لأني جلست ما انام ولا حتى اشتهي آكل
وجاء يوم الولاده
ورحت لنفس المستشفى
ونفس السيناريو تكرر من خوفي عليها
بكيت بس هالمره بكاي كان فيه مرارة خسائري في السوق
ومعه بكا خوفي على الغاااااليه
وجاني ولد سميته ( عبدالله )
بس كانت فرحتي فيه مكسوووره
وبعد كم شهر خسرت خسائر احتفظ فيها لنفسي
بس بسببها بعت سيارتي عشان اسدد بعض التزاماتي
وصار يلزمني اشووف شقه اصغر وارخص من شقتي عشان اوفر
وصار قدامي 10 سنوات من ديونات البنك
سعر سعم الغذائية يوم اشتريه فووق 1100 ريال ( الف مائة ريال )
تصوروو وصل بعد الا نهيار الى 10 ( عشر ريالات )
وبعدها شوفو كم حجم الخسائر
23-04-2012, 10:46 AM
ضوابط المشاركة
العرض العادي
