حياة بلاروح..صدمة عمر او كارثه من كوارث الزمن
بسم الله الرحمن الرحيم والصلاة والسلام على اشرف الانيباء والمرسلين سيدنا محمد وعلى اله وصحبه اجمعين
قبل كل شي احب اشكر اعضاء هذا المنتدى الرائع لانهم سبب في دعمي ولو بشكل غير مباشر الدعم المعنوي والقوة اكتسبها من هذا المنبر لانه كل ماضاقت علي جيت هنا اتصفح واقرى والقى حال غيري اردى من حالي واعزي نفسي بان كثير يعانون من مشكلتي
لكن اكتشفت ان وضعي غييييييييير وتفاصيلي غيييييييير
انا متزوجه من 10 سنوات تزوجت ولي من العمر 18 سنه اي نعم صغيره لكن ولله الحمد العقل موزون وكنت اسبق عمري بكثير غير كذا عندي من الصبر مايهضم الجبال
تزوجت واحد يسبقني في العمر ب12 عام وسبب زواجي المبكر كثرة الناس اللي تطلب الارتباط وخوف الوالد على قولته من كثر مايرد يجي يوم ومايلقى حد وياخذ ذنبي بحكم اني من كنت 15 سنه وانا يجيني ناس وبعد ماتخرجت من الثنويه العامه خاف الوالد وخيرني واستخار وسبحان الله قسمه ونصيب والحمدلله على كل حال
الانسان اللي ارتبطت فيه موظف في مستشفى يعني مكان مختلط وثقتي بنفسي ماخلتني افكر في هالشي باي ناحيه سلبيه ,طبيعي توجد مشاعر غيره لكن خفيفه وما تأثر وكنت اقول ترك الكل وجاني
عموما الادمي كان طاير فيني لكن كان مزاجي وغامض وانا لاني عنيييده كنت احب اغوص داخل شخصيته واحب اكتشف سر غموضه ف كانت اشياء كثيره تستفز فضولي
بصراحه ماخليت للشك مجال لكن كل شي كان يجيني لحد عندي وكأنها رسائل متتابعه اول مره كان بعد ولادتي باول طفله في 40 النفاس شفته غطس بجواله ويكلم سبحان الله ماعمر قلبي نغزني من شي الا ويصير وكأنه ايهام قوي
رحت واخذت الرقم من وراه من سجل الاتصالات ورنيت وردت وحده
طبعا المكالمه بينهم كانت طويله....هنا استفهامات كثير تدور في راسي, قلت يمكن شي يخص الدوام لكن ماخليت الموضوع رحت واخذت فواتيره ونبشت ولقيت الرقم متكرر واخيرا واجهته بالفواتير وما انكر وجلس يبكي و و و و وعلاقه قديمه وهي تبيه وهو يبيها تقتنع انه مرتبط و و و و
عديت الموضوع مع انه كسرني
لكن توالت علي سلسة الضربات بعد ماصرت مفتحه عيوني عليه لقيته كان مسجل في مواقع ديت (مواعده) ويدخل عليها باستمرار
وواجهته وانكر ولقيته مره ثانيه بلاب توبي لانه لابه كان في الصيانه عالمسن يواعد وحده فلبينيه طبعا المحادثه كلها كانت بالانجلش وهو مصر وعطاها رقم وغيره وواجهته ويبكي بكاء عنيف ويحلف ويوعد
لقيته مراسل عالشات حق القنوات السخيفه بكلام بذيئ وواجهته
تعبت بصراحه من السلسله هذي وقبل 3 سنوات مشى مع انسان قذر بكل ماتحمله الكلمه من معنى وصاحب ذمه وسيعه وينام مع بنات الحرام وجنن زوجته وجاب لها المرض النفسي طبعا ماكان في يدي دليل غير عدم ارتياحي لهذا الشخص لانه جديد عالساحه ولكن كنت دائما ابدي عدم ارتياحي له لحد ماجا يوم وزارنا هالشخص برفقة زوجته بعد اصرار مني بالتعرف عليها
وجاتني المسكينه وهي حامل وقابلتها وكانت انسانه واضح ان نفسيتها مرهقه ومصدومه لكن ماتكلمت دخلت بنتي الصغيره وتحمل جوال بيدها وطبعا لاني ماعرف الحرمه اعتقدت انه لها وهي ماتعرفني اعتقدت انه لي وبنتي تعرف تصور وسمعت صوت التقاط الصور فرحت لها وقلت لها خذي جوالك وامسحي الصور الظاهر ان بنتي صورت
قالت لي هذا مب جوالي قلت ولا جوالي ولا جوال زوجي
ساعتها صاحت جوال فلااااان وكأنها ماصدقت انه طاح بيدها لانه يقفله طول ماهو معاها قلت الان ارجوك امسحي الصور اول لايكون صورتني وفعلا جلست معاها ونبشنا ولقيت صور لي وصور للبيت ومسحناها لكن لقينا بعد معاها صور له ولياليه الحمرا مع بنات الليل وشي بذيء للغايه انا فكرتها مقاطع بس هي عرفت تفاصيل زوجها وصوته مصور نفسه ومصور القذرات معاه
طبعا كانت الصدمه شديده وعلمتني وانهارتمنيت الارض انشقت وبلعتني لان زوجي حلف لي عالمصحف بعد اخر مررره ودموعه ع خذه انه مايكرر هالشي والصلوات يصحى في عز الشتى يروح الفجر والمصحف مايفارقه كان الانسان اللي حلمت ارتبط بمثله كريم لابعد حد وكل شي مايغلى علي وغير كذا قربه من الله ريحني
رحت عنده وقلت له خل هالانسان الان يطلع من البيت ولا بسوي العشى وعلمته انصدم وحلف لي ان ماعنده علم عن هالشغلات لانه ماعرفه الا من كم شهر وهو اخو صديق زوجي وسبب المعرفه انه توظف في نفس المستشفى واخوه وصاه عليه وفعلا طلع هو اياه وتعشوا برا ورجع وناقشته وحلف لي انه مب معاه وانه قريب من ربه وهذاك ع كلام زوجته حتى الصلاه مايصليها واللي مايصلي توقعوا منه اي شي
اهذا الشي قبل 3 سنوات ونص
3 سنوات من الراحه النفسيه بقرب زوجي الكبير من الله لدرجة اني رجعت الثقه فيه وتعلقه فيني ويردد دايما علي من فتره لفتره انه يعشقني وان صبري وستري عليه هو السبب في تغيره وقربه من الله وانه ماينسى الفضل هذا لله ثم لي
لكن اليكم الصدمه الكاااااارثيه الصدمه اللي قصمت ظهري الصدمه اللي خلت روحي تودعني وقلبي لازال بالحياه ينبض وليته مانبض لهالوقت
تمنيت الارض انشقت وابلعتني ولا اكتشفت هالشي ليتها خيانه ليته تزوج ليته وليته
اعذروني طولت عليكم وبكتب لكم باقي القصه ولكم الحكم لكن الان حضر وقت الصلاه وجسمي قام يرجف لاني قربت من الجرح اللي مستحيييييل يندمل
اتمنى تفاعلكم فأنا في امس الحاجه لكم
التعديل الأخير تم بواسطة مالكة الاوراق ; 26-04-2012 الساعة 12:41 PM
26-04-2012, 12:32 PM
ضوابط المشاركة
العرض الشجري