السلام عليكم
مساؤكم عطر الياسمين

بالسابق كان عندي نك نيم لهالمنتدى لكن بعد ما اتزوجت ضاع الباسوورد والايميل ماعلينا..
انا اتزوجت قبل شهرين يعني بشهر اربعه وكنت مملكه قبل الزواج بشهر ولكن اكتشفت بأول اسبوع انه هالشخص مايناسبني أبداً وان اضاف لحياتي شيء مستقبلاً فلن يضيف أكثر من المساعدة على البعد عن الله..

أحبتي تزوجت على اساس انه امام الناس شاب طموح يدرس بالخارج واراد بعد كم سنه من دراسته هناك ان يعف نفسه ويصلي ولا يدخن والظاهر كله تمام اي بنت تتمناه..

ولكن اكتشفت انه بخيل وينصب ع الناس ياخذ سيارات ايجار اغلى السيارات ويرمي لهم السياره ومايدفع ودايمن يطلب فلوس مني ولما خلصت فلوسي يقول روحي جيبي ورث ابوك طالبي امك فيه او اطلبي منها فلوس ومايهتم سواء اكلت او ما اكلت راحتي اخر شي عنده ويقول انه الحب ماله وجود وانه اهم شي انه الواحد يونس ويبسط اشياء كثير حاولت اغيرها ولكن انا اشوف انها ماتتغير وبخلال هالشهرين جلست الاسبوع الاول معاه ورجعت لاهلي وبعدين رجعت جلست معاه خمسه ايام ورجعت لاهلي ثاني والكل مغلطني يقولو هو راح تتغير هالاشياء السلبيه فيه بمساعدتك اصبري وانت مدلعه وانت تبغي واحد على هواك وهو يروح يشتكي هنا وهناك يقولهم هالبنت نفسيه وعصبيه وطول الوقت تبكي ودايمن يقول يبغالك مهدئات وكل مرا ارد اقولهم اسألوه ليش ابكي بدال ماتحاسبوني وك مرا اكلمه اقوله نفسي تسمعني بالاشياء الخاصه بس هو كان يقول ما ابغى اسمعك ولا ابغى نقاش باللي اسويه انت نفسيه ولا كل البنات يحبو اللي انا اسويه
المووهم صاروا اهله واهلي ضدي الكل يقول انت غلطانه وانت وانت رحت قلت علي وعلى اعدائي هالشخص ما ابغاه ولا عاد ارجع له وقبل هالكلام نسيت اقول اني جلست اسبوع اتصل عليه اقوله تعال نتفاهم مو راضي وامي تتصل عليه ويواعدها ومايجي واخواني نفس الطريقه وقال لواحد من اخواني اختك نفسيه قاله النفسيه تتعدل انت تعال نتفاهم قال لا لا ماتتعدل انا برتاح وهي خليها ترتاح عندكم وقالي بمكالمه من المكالمات تبغيني ادفعي ايجار الشقه على بال ما تطلع الفيزا حقتك ونسافر المووووهم قبل كم يوم انفجرررت وقلت لهم تراه شاذ يطلب الحرام من ثاني يوم وكل مرا يطلب وارفض يعصب ويقول نسوي الحرام بعدين نتوب من غير كذا انا كأني حيوانه عنده ما يعاملني برقه هذا الشي اللي اقدر اقوله

هذي سالفتي ومعاناتي معاه ب اختصار والان الان والله مرتاحه اشد الراحه واستخرت وابغى الطلاق ولن ارضى بغيره..

سؤالي
هل لو طلبت الطلاق مع اسبابي هذي انه غير سوي ويطلب الحرام لازم ادفع له المهر؟؟
هل الشيخ يصدقني لو حلفت على القرآن اني صادقه بكلامي؟
هل اروح انا للمحكه واشتكي واطلب الطلاق ولا استناه هو يسوي الاجراءات وبعدين اتكلم؟؟
ايش الشي اللي لصالحي علماً ب اني راح اموت قهر لو انه فوق انه اذاني وتعب نفسيتي بتصرفاته امي تدفع له مهره ويروح يتزوج ولا يخسر شي؟؟

لاتبخلو علي بمعلومات عن الطلاق وتوابعه ربي ييسر امر كل من يرد ويدخله جناته