السلام عليكم
انا عندي مشكلة تعبالي اعصابي اليومين دول ومش عارف اعمل ايه وعايز اخد رأي اي حد بيفهم اكتر مني او عنده خبرة بالحياه
انا خطيبتي والدها متوفي وهيا عايشه هيا وامها واخوها في شقتهم وليها اختين بنات متجوزين
اسبوعيا بيحصل خطيبتي وامها بيروحوا عند اخت خطيبتي يباتوا عندها باليومين والثلاثة
وايام تانيه بيروحوا عند الاخت الثانية وبرضوا بيباتوا هناك باليومين والثلاثة
انا المشكلة دي تعبالي اعصابي علشان هيا بتبات هناك يعتبر بيت راجل غريب برضو هو جوز اختها بس برضو غريب وفتحت الموضوع ده قبل كده معاهم ولا حياه لمن تنادي
مش عارف اعمل ايه هل ده وضع غلط ولا صح ولا عادي استحمله لحد ماتعدي فترة الخطوبة
ولا اعمل مشكلة كبيرة وهتتحل المشكله دي
ولا اعمل ايه ياريت رأيكم لو سمحتم
وشكرا